राजनीति


बजेट घोषणापछि मन्त्रिपरिषद् हेरफेर हुनसक्छ : वर्षमान पुन

बजेट घोषणापछि मन्त्रिपरिषद् हेरफेर हुनसक्छ : वर्षमान पुन

पूर्वमन्त्री तथा माओवादी केन्द्रका नेता वर्षमान पुन।


नेपालखबर
जेठ १३ , काठमाडौँ

नेकपा माओवादी केन्द्रका प्रभावशाली नेता वर्षमान पुनले बजेट भाषणपछि मन्त्रिमण्डल फेरबदल हुनसक्ने बताएका छन्।

नेपालखबरसँग विशेष कुरा गर्दै नेता पुनले स्थानीय तहकै चुनावअघि मन्त्रिपरिषद् फेरबदलको चर्चा चले पनि बजेटसम्म रोकिएको जानकारी दिए।

‘निर्वाचनअगाडि मन्त्रिमण्डल फेरबदलको अलिअलि चर्चा चलेको थियो’, पुनले नेपालखबरसँग भने, ‘अहिले बजेट छ, नीति तथा कार्यक्रम छ भनेर रोकियो।’

सरकारले यसवर्षको बजेट जेठ १५ गते संसदमा प्रस्तुत गर्दै छ। बजेटअघि सरकारले जेठ १० गते नीति तथा कार्यक्रम सार्वजनिक गरिसकेको छ।

चुनावअघि नै प्रधानमन्त्री शेरबहादुर देउवाले मन्त्रिमण्डल फेरबदल गर्न चाहेको पुनले खुलासा गरे। 

उनले भने, ‘प्रधानमन्त्रीले केही मन्त्री हेरफेर खोज्नुभएको थियो, दुईवटा मन्त्रालय त्यतिखेर खाली पनि थिए, समाजवादीका साथीहरुले आफ्नो टीमलाई फेर्न खोज्नुभएको थियो,’ नेता पुनले थपे।

उनले बजेट सार्वजनिक भएलगत्तै मन्त्रिमण्डल पुनर्गठनको चर्चा चल्ने बताए। 

‘अब बजेटपछि विस्तारै आवश्यक छलफल होला, ‘अहिले पनि एउटा रक्षा मन्त्रालय खाली नै छ,’ उनले भने।

(पुनसँग नेपालखबरले गरेको विस्तृत कुराकानी केहीबेरमा प्रकाशित हुनेछ– सं)

जेठ १३, २०७९, शुक्रबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


Copyright © 2021 Nepalkhabar. All Rights Reserved. Designed byCurves n' Colors. Powered by.