युनिकोड
नेकपा एमालेबाट विभाजन भएर बनेको नेकपा एकीकृत समाजवादीले सुदूरपश्चिममा पालिका प्रमुखमा पहिलो जित निकालेको छ।
कैलालीको घोडाघोडी नगरपालिकामा समाजवादीका खडक बहादुर रावत मेयरमा निर्वाचित भएका छन् । उनले १३ हजार १२८ मत प्राप्त गरे।
रावतका निकटतम प्रतिस्पर्धी एमालेका ममता प्रसाद चौधरीले ८ हजार २४१ मत मात्रै पाउन सके।
उपमेयरमा नेपाली कांग्रेसकी गुलिया कुमारी चौधरी १२ हजार २७० मत सहित विजयी भएकी छन्।
उनकी प्रतिस्पर्धी एमालेकी करुणादेवी बटालाले ६ हजार ९६३ मत मात्रै प्राप्त गरिन्।
कैलालीमा सत्तारुढ नेपाली कांग्रेस, माओवादी केन्द्र र एकीकृत समाजवादी तालमेल गरेर चुनावमा सहभागी भएका थिए। प्रमुख प्रतिपक्षी नेकपा एमाले भने एक्लै चुनाव लडेको थियो।
प्रतिक्रिया