प्रतिनिधिसभा बैठक भोलि दिउँसो १ बजेसम्मका लागि स्थगित

प्रतिनिधिसभाको बैठक भोलि दिउँसो १ बजेसम्मका लागि स्थगित भएको छ।

आज बसेको बैठकमा आगामी आर्थिक वर्ष २०७९÷०८० को बजेटका सिद्धान्त तथा प्राथमिकताका बारेमा छलफल भएको छ। छलफलमा ९ महिनासम्म संसद अवरुद्ध गरेको नेकपा एमाले पनि सहभागी भएको थियो। 

मंगलवार बसेको प्रतिनिधि सभाको बैठकमा सरकारको तर्फबाट अर्थमन्त्री जनार्दन शर्माले आगामी आर्थिक वर्षको बजेटका सिद्धान्त र प्राथमिकता सदनमा प्रस्तुत गरेका थिए।

सो प्रस्तावमाथि सांसदहरुले छलफलमा सहभागी भएर भनाइ राख्ने क्रम जारी छ।