चितवनको राप्तीमा एकीकृत समाजवादीका उम्मेदवारको समर्थन एमालेलाई

पाँच दलीय गठबन्धनमा भएको सहमतिअनुसार नेपाली कांग्रेसले कार्यान्वयन नगरेपछि नेकपा एकीकृत समाजवादीका उम्मेदवारले नेकपा एमालेलाई सघाउने निर्णय लिएका छन्। 

सहमतिअनुसार कांग्रेसले आफूलाई समर्थन नदिएर अलग्गै उम्मेदवार उठाएपछि राप्ती नगरपालिका-१ मा नेकपा एकीकृत समाजवादीका उम्मेदवार चिरञ्जीवी पाठकले एमाले उम्मेदवार सिद्धिलाल स्याङतानलाई सघाएका हुन्। 

वडाध्यक्ष उम्मेदवार चिरञ्जीवी पाठकले बुधवार एमालेका उम्मेदवार स्याङतानलाई समर्थन गर्दै आफ्नो उम्मेदवारी हापिदिएका हुन्। 

गठबन्धनको सहमति र मूल्य मान्यताविपरीत कांग्रेसले चुनावी तालमेलमा धोको दिएको भन्दै सूर्यमा मतदान गर्न पनि आग्रह गरेका छन्।