नेकपा (एमाले) को अब बन्ने नयाँ केन्द्रीय कमिटीमा पूर्वमाओवादी पक्षले तीन पदाधिकारी माग गरेको छ।
रामबहादुर थापा बदालसहित शनिबार बसेको पूर्वमाओवादी नेताहरूको बैठकले आफ्नो समूहबाट कम्तीमा तीन पदाधिकारी र ३५ जना केन्द्रीय सदस्य बनाइनुपर्ने निष्कर्ष निकालेको हो।
स्थायी कमिटी सदस्य टोपबहादुर रायमाझीका अनुसार उपाध्यक्ष, उपमहासचिव र सचिव तथा ३५ जना केन्द्रीय सदस्य दिनुपर्ने माग गरिएको हो। यस विषयमा नेता थापा, रायमाझी, लेखराज भट्ट, मणि थापा र प्रभु साह ओलीसँग छलफलमा छन्।
ओली बसेकै होटलमा तिनै नेता पुगेका छन्। ‘हाम्रो समूहको शीर्ष नेतृत्व अहिले ओलीसँग छलफलमा हुनुहुन्छ,’ बादल समूहमा रहेका केन्द्रीय सदस्य नविन रोका मगरले
नेपालखबरसँग भने
उपाध्यक्ष रामबहादुर थापा, उपमहासचिव रायमाझी र सचिव भट्टलाई बनाउनुपर्नेगरी सूची पेस गरिएको छ। यसैगरी कम्तीमा ३५ जना केन्द्रीय सदस्य आफ्नो समूहबाट बनाइनुपर्ने माग उनीहरूले गरेका छन्।
यो पनि : आज एमाले अध्यक्ष पदमा उम्मेदवारी दर्ताको तयारी गर्दै भीम रावल
Shares
प्रतिक्रिया