युनिकोड
नेपाली कांग्रेस दोलखाको सभापतिका लागि पुनः मतदान हुने भएको छ।
आइतबार भएको मतगणनामा चारै जना उम्मेदवारले आवश्यक मत प्राप्त गर्न नसकेपछि पहिलाे र दाेस्राे दुई जनाबीच पुनः प्रतिष्पर्धा हुने भएको हो।
कांग्रेस दोलखाको अधिवेशनमा खसेको सबै मत गन्दा सभापतिका उम्मेदवार बर्मा लामाले ६४३, तारा खड्काले ३९७, रुद्र बहादुर खड्काले ३५८ र केशव चौलागाईंले ९५ मत प्राप्त गरे।
यो परिणामले दोस्रो चरणमा सभापतिको फेरि चुनाव हुने भएको छ।
लामा वरिष्ठ नेता रामचन्द्र पौडेल निकट हुन् भने तारा खड्का कृष्ण सिटौला निकटका नेता हुन्। तेस्रो मत प्राप्त गरेका सभापति शेरबहादुर देउवा निकट रुद्रबहादुर खड्का प्रतिष्पर्धाबाट बाहिरिएका छन्।
अब सोमबार दोस्रो चरणको मतदान हुने कांग्रेस दोलखाले जनाएको छ।
प्रतिक्रिया