युनिकोड
सरकारले राजनीतिक दल विभाजनसम्बन्धी अध्यादेशको प्रतिस्थापन विधेयक ल्याउने भएको छ।
बिहीबार बस्ने प्रतिनिधिसभाको बैठकमा सो विधेयक ल्याउने तयारी भएको माओवादी केन्द्रका प्रवक्ता कृष्णबहादुर महराले जानकारी दिए।
भदौ १ गते नेकपा एमालेका वरिष्ठ नेता माधवकुमार नेपाल र जनता समाजवादी पार्टी (जसपा)का अध्यक्ष महन्थ ठाकुर पक्षलाई सहज हुने गरी सरकारले राजनीतिक दल विभाजन गर्ने अध्यादेश ल्याएको थियो।
सो अध्यादेशले एमाले र जसपा विभाजन भएको थियो।
अहिले मन्त्रिमण्डललाई पूर्णता दिने तयारीमा रहेका प्रधानमन्त्री शेरबहादुर देउवाले अध्यादेश फिर्ता नभई सरकारमा नजाने जसपाको अडानको कारण प्रतिस्थापन विधेयक ल्याउन लागेका हुन्।
प्रतिक्रिया