विवेकशील पार्टी दर्ताका लागि निर्वाचन आयोगमा निवेदन दर्ता भएको छ।
‘२०६९ सालदेखि सुरू भएको विवेकशील अभियानलाई निरन्तरता दिँदै त्यसलाई मजबुत र देशमा अहिले देखिएका समय सापेक्ष चुनौतीहरूलाई सामना गर्न सक्ने पार्टीको रूपमा अगाडि बढाउन’ मंगलबार आयोगमा निवेदन दिइएको सो दलले जनाएको छ।
असोज ३ गते दलको तदर्थ संघीय समितिको बैठक बसी कर्मा लामा तामाङको अध्यक्षतामा २१ सदस्यीय समिति गठन गरिएको थियो। निवेदन दर्ता नम्बर ६६० रहेको छ ।
संघीयता, गणतन्त्र, धर्म निरपेक्षता, समावेशीता र सहभागितामूलक लोकतन्त्रलाई पार्टीले प्रस्थानविन्दुको रूपमा स्वीकार्दै राजनीतिक गतिविधि अगाडि बढाउन प्रतिबद्धता जनाएको छ।
पार्टीले आफ्नो संगठनको हरेक तहमा पदाधिकारीहरूको चयन गर्दा ५० प्रतिशत महिलाको साथै दलित, आदिवासी÷जनजाति, लैंगिक अल्पसंख्यक लगायत सीमान्तकृत समुदायको प्रतिनिधित्व पनि सुनिश्चित हुने प्रावधान विधानमा राखेको छ।
Shares
प्रतिक्रिया