पूर्वप्रधानमन्त्री डा.बाबुराम भट्टराईले जीवनका सबै क्षेत्रमा विज्ञान प्रविधिको प्रवद्र्धन नगरी मुलुक समृद्ध हुन नसक्ने बताएका छन्।
राष्ट्रिय विज्ञान दिवस (असोज १) को उपलक्ष्यमा सामाजिक सञ्जालमार्फत् नेता भट्टराईले मुलुकलाई सभ्य र समुन्नत बनाउँन जीवनका सबै क्षेत्रमा विज्ञान/प्रविधिको विकास गरिनुपर्नेमा जोड दिएका हुन्।
नेपाल सरकारले विज्ञान र प्रविधिको उपयोग र जनचेतना फैलाउने लक्ष्यका साथ २०७० देखि असोज १ गतेलाई विज्ञान दिवसको रुपमा मनाउँदै आएको छ। सर्वसाधारणले परापूर्व कालदेखि नै १ असोजलाई विश्वकर्मा दिवसको रुपमा मनाउँदै आएका छन्। कल, कारखानामा आज मेसिन, उपमकरणहरुको सफाइ र पूजा गरी विश्वकर्मा पूजाको रुपमा यो दिवस मनाइन्छ।
‘राष्ट्रिय विज्ञान दिवस (असोज १) को उपलक्ष्यमा सबै वैज्ञानिक/प्रविधिक तथा जनसमुदायमा हार्दिक शुभकामना!,’ जनता समाजवादी पार्टीका संघीय परिषद् अध्यक्षसमेत रहेका नेता भट्टराईले ट्वीटरमा लेखेका छन्, ‘युगौंदेखि हाम्रो दिमाग र समाजमा लेउ झैं टाँसिएर बसेका सबै खाले अन्धविश्वास र रूढीवादको अन्त्य नगरी र जीवनका सबै क्षेत्रमा विज्ञान/प्रविधिको प्रबर्धन नगरी सभ्य र समुन्नत समाज बन्दैन है!’
Shares
प्रतिक्रिया