गृह मन्त्रालयले १२ जिल्लाका प्रमुख जिल्ला अधिकारीसहित १६ सहसचिव र उपसचिवको सरुवा गरेको छ।
गृहमन्त्रीस्तरीय निर्णय अनुसार बुधबार उनीहरुको काज सरुवा गरिएको हो।
गृहको निर्णयअनुसार ललितपुरमा घनश्याम उपाध्याय, भक्तपुरमा रुद्रादेवी शर्मा, गुल्मीमा पुण्य विक्रम पौडेल र गोरखामा शंकरहरि आचार्यलाई सरुवा गरिएको छ।
यस्तै, मोरङमा काशिराज दाहाल, रामेछापमा दीपककुमार पहाडी, संखुवासभामा नुरहरि खतिवडा, दोलखामा टेकराज निरौला, चितवनमा आस्मान तामाङ, धादिङमा कृष्णप्रसाद लम्साल, उदयपुरमा वीरेन्द्रकुमार यादव र रुपन्देहीमा ऋषिराम तिवारीलाई काज सरुवा गरिएको छ।
मोरङका प्रमुख जिल्ला अधिकारी कोषहरि निरौला, संखुवासभाका टेकनाराण पौडेल, दोलखाका बासुदेव घिमिरे र ललितपुरका प्रमुख जिल्ला अधिकारी ढुण्डीप्रसाद निरौलालाई गृह मन्त्रालयमा सरुवा गरिएको छ। काठमाडौंका प्रमुख जिल्ला अधिकारीको भने गत हप्ता सरुवा गरिएको थियो।
Shares
प्रतिक्रिया