राजनीति


प्रदेश १ मा राजेन्द्र राई नेकपा समाजवादी दलको नेता चयन

प्रदेश १ मा राजेन्द्र राई नेकपा समाजवादी दलको नेता चयन

माधवकुमार नेपाल नेतृत्वको नेकपा (एकीकृत समाजवादी) प्रदेश १ संसदीय दलको नेतामा राजेन्द्र राई चयन भएका छन्। 

सोमबार विराटनगरमा बसेको संसदीय दलको बैठकले राईलाई दलको नेता बनाएको हो। एमाले फुटेपछि निर्वाचन आयोगले मान्यता दिएपछि प्रदेश १ मा समाजवादीका नेता राई चयन भएका हुन्। 

प्रदेश १ मा एमालेका १० जना प्रदेश सभा सदस्यले समाजवादी रोजेका थिए। उक्त पार्टीलाई प्रदेशसभामा निर्वाचन आयोगले मान्यता दिएपछि राईलाई दलको नेता बनाइएको हो। 

राई दलको नेता चयन भएसँगै एकीकृत समाजवादीले मुख्यमन्त्री भीम आचार्यलाई आफूहरुको समर्थन नरहेको पत्र पठाउने तयारी भएको सांसद राजन राईले बताएका छन्। 

प्रदेशसभा सदस्यहरुले समाजवादीको पक्षमा गरेको सनाखतलाई निर्वाचन आयोगले शुक्रबार सदर गरेको छ। प्रदेश १ मा राजेन्द्रसहित राजन राई, उपेन्द्र घिमिरे, सावित्रा रेग्मी, खिनु लङ्वा लिम्बू, गणेश काङमाङ, कृष्णकुमारी राई, पदमकुमारी गुरुङ, सुनिता चौधरी र सरिता थापा समाजवादीतिर लागेका छन्। 

यसअघि एमाले विभाजित नहुँदाको अवस्थामा बहुमत प्राप्त दलको नेताका भीम आचार्य मुख्यमन्त्री बनेका थिए। एमालेा १० सांसदले छाडेपछि आचार्य अल्पमतमा परिसकेका छन्। यस्तो अवस्थामा उनले असोज ९ भित्र संसदमा विश्वासको मत लिनुपर्छ। 

यसअघि भोजपुरबाट निर्वाचित शेरधन राईले मुख्यमन्त्रीबाट राजीनामा दिएर आचार्यलाई गत भदौ १० गते उक्त पद हस्तान्तरण गरेका थिए। अल्पतमा परेकाले अब आचार्यले विश्वासको मत लिनै पर्ने बाध्यता छ।

संविधानको धारा १६८ (१) अन्तर्गत बनेको शेरधन नेतृत्वको सरकार हटेपछि त्यही प्रावधान बमोजिम आचार्य मुख्यमन्त्री बनेका थिए। एमालेको एकल सरकार अब अल्पमतमा परिसकेकाले विपक्षी गठबन्धनले प्रदेश प्रमुखसँग बहमुत दाबी गर्दैछन्। 

प्रदेशसभामा ९२ सदस्य छन्। जसमा सभामुखसहित नेकपा एमालेका ४१, कांग्रेसका २१, माओवादी केन्द्रका १५, एकीकृत समाजवादीका १०, जनता समाजवादीका ३, संघीय लोकतान्त्रिक राष्ट्रिय मञ्चका १ र राप्रपाका १ सांसद छन्।


 

भदौ २८, २०७८, साेमबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: [email protected]
News: [email protected]

विज्ञापनका लागि सम्पर्क

+977 9851081116
[email protected]

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी
Copyright © 2021 Nepalkhabar. All Rights Reserved. Designed by Curves n' Colors. Powered by .