युनिकोड
अमेरिकी सहयोग परियोजना मिलेनियम च्यालेन्स कर्पोरेसन (एमसिसी) को टोलीले आज (शुक्रबार) प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेट गर्दै छ।
एमसीसीकी उपाध्यक्ष फातिमा सुमार नेतृत्वको टोलीले आएकै दिन हिजो बिहीबार एमाले अध्यक्ष केपी शर्मा ओली तथा सत्ता गठबन्धनकाे नेकपा एकीकृत समाजवादीका अध्यक्ष माधवुकमार नेपाल र जनता समाजवादी पार्टी (जसपा) का अध्यक्ष उपेन्द्र यादव र पार्टीका संघीय परिषद् अध्यक्ष डा. बाबुराम भट्टराईसँग भेटवार्ता गरिसकेको छ।
अब आज एमसीसी प्रतिनिधिमण्डलले कांग्रेसका सभापति एवं प्रधानमन्त्री देउवा र सत्तारूढ गठबन्धनकै माओवादी केन्द्रका अध्यक्ष प्रचण्डसँग भेटवार्ता गर्ने भएको हो।
हिजो बिहीबार बिहान विमानमार्फत काठमाडौं आइपुगेको एमसीसी टोली हरेक राजनीतिक दलका शीर्ष नेताहरूसँग छुट्टाछुट्टै भेट गरिरहेको हो। टोली आएको दिनदेखि ४ दिनसम्म नेपाल भ्रमणमा रहेनछ।
प्रधानमन्त्री देउवा एमसीसी जसरी पनि संसदबाट पारित गर्ने तयारीमा छन् भने सत्ता गठबन्धनकै माओवादी के्रन्द्र र एकीकृत समाजवादी भने एमसीसीलाई जस्ताको तस्तै स्वीकार गर्न नसकिने अडानमा छन्।
आजै दिउँसो १ बजेका लागि संसद बैठक पनि बोलाइएको छ।
यी पनि–
–एमसीसी सैन्य रणनीतिको अंश हो रे : माधव नेपाल, एक सय प्रतिशत होइन : सुमार
–एमसीसीबारे ओलीको जवाफ : हामी हतार गर्दैनौँ, सरकारमा रहेकाले पहिले 'पोजिसन क्लियर' गरून्
–एमसीसीको टोलीले भेट्यो जसपा अध्यक्ष यादव र भट्टराईलाई
–एमसीसीको राजनीतिक तरंगबीच भाजपा नेता राम माधव काठमाडौंमा
प्रतिक्रिया