ओलीको आग्रहअनुसार भीम रावलले राजीनामा फिर्ता लिन मिल्छ?

नेकपा एमालेका उपाध्यक्ष भीम रावलले प्रतिनिधि सभाको सदस्य पदबाट राजीनामा दिइसकेका छन्, तर स्वीकृत भइसकेको छैन।

संघीय संसद् सचिवालयका अनुसार रावलको राजीनामा विचाराधीन अवस्थामै छ।

गत आइतबार प्रतिनिधि सभा बैठकमा प्रधानमन्त्री शेरबहादुर देउवालाई विश्वासको मत दिने विषयमा वरिष्ठ नेता माधव नेपालसँग कुरा नमिलेपछि सांसद रावलले सभामुख अग्निप्रसाद सापकोटालाई राजीनामा पत्र बुझाएका हुन्। प्रतिनिधि सभाको बैठक सुरु हुनअघि आफ्नो समूहका नेता सुरेन्द्र पाण्डेले रोक्दारोक्दै नेता रावलले पत्रकारसमक्ष राजीनामा पत्र पढेर सुनाएका थिए।