माइतीघरमा नारा : ओलीको समाजवाद यती, ओम्नी र मार्सीभात (फोटो फिचर)

प्रधानमन्त्री केपी ओली निकट झापाका व्यवसायी दुर्गा प्रसाईँले सञ्चालन गरेको बी एण्ड सी मेडिकल कलेजलाई सम्बन्धन दिने तयारीको विरोधमा काठमाडौंको माइतीघर मण्डलामा प्रदर्शन भएको छ।

वरिष्ठ चिकित्सक डा. गोविन्द केसी समर्थक युवाहरुको समूह ‘सोलिड्यारीटी फर डा. जीकेसी’ ले बिहीबार प्रदर्शन गरेको हो।

प्रदर्शनकारीहरुले ‘ओलीको समाजवाद यती, ओम्नी र मार्सीभात’, ‘ओलीको डर्टीगेम जनतामारी मार्सीप्रेम’, ‘संविधानमाथि केपी ओली, कानुनमाथि दुर्गा प्रसाईं’, ‘चिकित्सा शिक्षा आयोग माथिको हस्तक्षेप बन्द गर’, ‘ओलीको मिसन सिटामोलमा कमिसन’ जस्ता नारा लेखिएका प्लेकार्ड बोकेका थिए।

त्यसक्रममा केही प्रदर्शनकारीलाई प्रहरीले पक्राउ गरेको छ।

वरिष्ठ चिकित्सक डा. गोविन्द केसीले बीएण्डसी मेडिकल कलेजलाई कानुनविपरित सम्बन्धन दिन खोजिएको भन्दै कडा आलोचना गरेका छन्।