Max TV
Max TV

चीनमा अब रोबर्टले पढ्नेछ टिभी समाचार



समाचार भन्ने राेबाेट
समाचार भन्ने राेबाेट

टेलिभिजन स्टुडियोमा बसेर रोबोटले समाचार पढिरहेको दृश्य आफैँमा एउटा अपत्यारिलो घटना हो।

तर चीनको सरकारी न्यूज च्यानलमा अब यस्तै अपत्यारिलो दृश्य देखिन सक्छ। चीनको सरकारी न्यूज एजेन्सीले आफ्नो स्टुडियोमा भर्चुवल न्युज एंकर तयार पारेको छ।

टाइसुट लगाएको न्युजएंकरको आवाज भने कुनै रोबोटको जस्तो कृत्रिम हुनेछ। ‘यो न्युज प्रजेन्टरले ठिक त्यही ढंगले समाचार पढ्छ जसरी प्रोफेसनल समाचार वाचकले प्रम्टरमा हेरेर समाचार पढ्छन्’, चिनियाँ समाचार संस्था सिन्ह्वाले भनेको छ।

‘हेलो, तपाइँ अहिले अंग्रेजी समाचारको कार्यक्रम हेरिरहनुभएको छ’, अंग्रेजी बोल्ने यो रोबोटले यही शैलीमा समाचार भन्नेछ।

सोगो एउटा चिनियाँ सर्च इन्जिन कम्पनी हो। यो सिस्टम विकसित गर्न सोगोको महत्वपूर्ण भूमिका छ। पहिलो भिडियोमा यो प्रेजेन्टरले भन्छ, ‘म तपाइँलाई जानकारी दिन हर्दम काम गर्नेछु। मेरो अगाडि निरन्तर टेक्स्ट टाइप भइरहनेछ। म तपाइँ समक्ष सूचनाको एक फरक नयाँ तरिका पेश गर्नेछु जसले तपाइँलाई नयाँ अनुभव दिनेछ।’

यसको अर्को भर्सन पनि छ। यो चिनियाँ भाषामा छ। सिन्ह्वाको दाबी छ, ‘यस किसिमको आर्टिफिसियल इन्टेलिजेन्स सिस्टमको प्रयोगले टेलिभिजन कार्यक्रमको उत्पादन खर्च बचत हुनेछ।’

समय समयमा ब्रेकिङ समाचार प्रसारण गर्न यो प्रविधि विशेष रुपमा उपयोगी सावित हुनेछ। यो प्रविधि विकसित गर्न आर्टिफिसियल इन्टेलिजेन्स प्रणाली प्रयोग गरिएको छ। यसमा मौलिक प्रस्तुतकर्ताको आवाज, ओठको चाल, भावभंगिमा नक्कल गरिएको छ। तर तपाइँले यसलाई मान्छेको थ्री डी मोडल सोचिरहनु भएको छ भने त्यस्तो होइन। यो प्रविधि त्योभन्दा विल्कुल फरक हो।

अक्सफोर्ड विश्वविद्यालयका मिसेल वुल्ड्रिज भन्छन्, ‘यस किसिमको कृत्रिम प्रस्तोतलाई प्राकृतिक रुपमा पेश गर्न निकै गाह्रो छ।’ उनका अनुसार अनुहारमा कुनै भाव भंगिमा नहुने यस किसिमको कृत्रिम एंकरलाई केही मिनेटभन्दा बढी देख्दा दर्शकलाई दिक्क लाग्नसक्छ।

टेलिभिजनमा समाचार वाचक आउँदा दर्शकले उसलाई पहिचान गर्छन्। उनको अनुहार तथा मुखाकृतिमा ध्यान दिन्छन्। पहिचान एउटा विश्वसनियताको आधार पनि हुने गर्छ। समाचारको यो परम्परा रोबोर्टले तोड्न कठिन छ।

‘तपाइँ कुनै व्यक्तिसँग सम्पर्क बनाउन सक्नुहुन्छ तर एनिमेटेड समाचार प्रस्तोतासँग त्यस्तो दोस्ती बनाउन सम्भव हुँदैन’, उनी भन्छन्।

यसअघि जापानले पनि एरिका नाम गरेको रोबोर्टलाई महिला टेलिभिजन प्रस्तोता बनाउन प्रयास गरेको थियो।

रोबटिक्स र आर्टिफिसियल इन्टेलिजेन्समा काम गरिरहेकाहरु भने यसलाई सकारात्मक ठान्छन्। उनीहरुको भनाइ छ, ‘प्रविधिमा कमजोरी भए त्यो सुधार गरिनेछ।’

प्रकाशित २५ कार्तिक २०७५, आइतबार | 2018-11-11 14:38:52
Nepal Sarkar
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • पोखरामा चिनियाँ पर्यटक

    चिनियाँ पर्यटकलाई निःशुल्क भिसा: ३ बर्षमा १० अर्ब गुम्यो

    पर्यटक भित्र्याएर व्यापार घाटा कम गर्न प्रयासरत सरकारले सन् २०२० लाई नेपाल भ्रमण वर्ष घोषणा गरेको छ। यसको मुख्य लक्ष्य धेरै पर्यटक भित्र्याउनु हो।

  • विमानस्थलमा प्रहरीले पक्राउ गरेपछि युनुस र अन्य

    नक्कली नोटसँगै युनुस पक्राउ पर्दा झस्किए आईबी र ‘रअ’

    ‘पुराना रेर्कडहरू पल्टाउने काम भइरहेको छ। युनुसले नाम लिएका दुबै व्यक्ति पाकिस्तानी क्रिकेटर रहेछन्, नोट कारोबारी हुन कि होइनन् खुलेको छैन।’

  • प्रा.डा. चन्द्रमणि अधिकारी

    करमा दीर्घकालीन योजनाको खाँचो

    राज्य चलाउनलाई साधन र स्रोत चाहिन्छ। अहिले अर्थमन्त्री डा.युवराज खतिवडा बजेट निर्माणमा जुट्नुभएको छ।

  • रामबहादुर थापा र वामदेव गौतम

    नेकपामा नयाँ समीकरणः प्रचण्डले गौतम रोजेपछि ओलीले बादल अघि सारे

    कार्यविभाजनको विषयमा अध्यक्ष पुष्पकमल दाहाल ‘प्रचण्ड’, वरिष्ठ नेताद्वय माधवकुमार नेपाल र झलनाथ खनाल तथा सचिवालय सदस्यद्वय वामदेव गौतम र नारायणकाजी...