Max TV
Max TV
Exclusive

एप्पलले ल्यायो अहिलेसम्मकै उत्कृष्ट ‘तीन आइफोन’ र ‘स्मार्ट वाच’



अमेरिकी स्मार्टफोन निर्माता कम्पनी एप्पलले एकै पटक तीन किसिमका आइफोन बुधबार सार्वजनिक गरेको छ।

आइफोन ‘एक्सएस, एक्सएस म्याक्स र एक्सआर’ मोडेलका तीन आइफोन कम्पनीका प्रमुख कार्यकारी अधिकृत टिम कूकले सार्वजनिक गरेका हुन्।

साथै एप्पलले नयाँ एप्पल स्मार्ट वाचपनि सार्वजनिक गरेको छ। जसले मुटुको चालको जानकारी दिन्छ। सबै आइफोनमा कोरिने समस्या नहुने बताइएको छ।

मुख्यगरी यसपटक तीनै फोनमा फेस डिटेक्सन सुविधा उत्कृष्ट दिइएको छ। एचडी क्वालिटीका भिडियोहरु ४ हजारभन्दा बढी खिच्न सकिनेछ भने यस पटक सबै फोनमा दुईटा सिमकार्डको सुविधा छ।

उपभोक्ताले यसअघि आइफोनका स्क्रिन साना भएको र फोटो भिडियो खिच्न अप्ठ्यारो भएको गुनासो गरेपछि नयाँ आइफोनका स्क्रिनलाई ठूलो बनाइएको बताइएको छ।

एक्सएस म्याक्स र एक्सआर मोडेलका आइफोनको स्क्रिन एक्सएसभन्दा ठूला छन्। बुधबार आइफोन र स्मार्ट वाच सार्वजनिकगर्दै कुकले भने, ‘बिक्रीमा सामान्य कमी आइरहेको समयमा एप्पलले बजार विस्तार गर्ने उद्देश्यले नयाँ मोडलका साथै सर्वाधिक महङ्गा आइफोन बजारमा ल्याएको हो।’

आइफोन एक्सएस म्याक्स

आइफोन एक्सएस म्याक्सलाई ११०० डलरदेखि १४५० डलरसम्म (नेपाली मूल्य १ लाख २६ हजार देखि १ लाख ६७ हजारसम्म) पर्दछ। यसको स्क्रिन ६.५ इन्चको छ, जुन आइफोनको अहिलेसम्मकै ठूलो स्क्रिन भएको फोन हो।

यसमा भिडियो तथा फोटो हेर्न खिच्न निकै सहज हुने जनाइएको छ। यसमा दुई सिम कार्डको सुविधा दिइएको छ। आइफोन एक्सएस म्याक्स स्पेस ग्रे र चाँदी रङमा अर्थात मेटालिक ग्रेमा उपलब्ध हुनेछ।

म्याक्समा इन्टरनल मेमोरी २ सय ५६ देखि ५ सय १२ जिबीको छ। यस फोन ७.७ एमएम पातलो छ। जुन हेर्दा निकै आकर्षक देखिन्छ। यस फोन २०८ ग्रामको छ। यस फोन धुवा, धुलो र पानीबाट सजिलै बच्न सक्छ। यस फोनलाई डेढ घण्टासम्म पानीमा चलाउन सकिनेछ।

आइफोन एक्सएस

आइफोन एक्सएस मोडलको मूल्य मेमोरी स्टोरेज हेरेर १००० अमेरिकी डलर देखि १३ सय ४९ अमेरिकी डलरसम्म पर्ने बताइएको छ।  जसकाे नेपाली मूल्य नेपाली १ लाख १५ हजारदेखि १ लाख ५५ हजारसम्म पर्दछ।

यसको स्क्रिनभने आइफोन एक्सकै जस्तो छ। ५.८ इन्च स्क्रिन भएको यस फोनपनि म्याक्सकै रङमा उपलब्ध हुनेछ। एक्सएसमा इन्टरनल मेमोरी पनि म्याक्सकै बराबरको अर्थात २ सय ५६ देखि २ सय १२ जिबी क्षमताको छ।

यस्तै यस फोन म्याक्स जस्तै ७.७ एमएम पातलो छ। यस फोन १ सय ७७ ग्रामको छ। यस फोनमा पनि धुलो र पानीबाट बच्ने क्षमताको छ। घण्टौसम्म यस फोन पानीमुनि नबिग्रने एप्पलले जनाएको छ।

आइफोन एकसआर

यसैगरी एप्पलले बुधबारनै आइफोन एक्सआर मोडेल पनि सार्वजनिक गरेको छ।  यसको मूल्य करिब ७५० अमेरिकी डलरदेखि ९०० डलर (नेपाली ८६ हजारदेखि १ लाख ३ हजारसम्म)सम्मको छ।  

यस फोनको इन्टरनल मेमोरी ६४ जिबी, १ सय २८ जिबी र २ सय ५६ जिबीमा उपलब्ध हुनेछ। यस फोन ८.३ एमएम पातलो छ। यस फोन १ सय ९४ ग्रामको छ। धुवाँ र पानीबाट सजिलै बच्न सक्ने यस फोन पानी मुनि ३० मिनेटसम्म बिग्रदैन।

नयाँ सुविधासहित आइफोन वाच

एप्पलले नयाँ सुविधा सहित आइफोन वाच ४ लन्च गरेको छ। यस पटकको आइफोन वाचमा मुटुको चाल थाहा पाइने सुविधा दिइएको छ।

यसलाई स्वास्थ्य अवस्थाको अभिभावकको संज्ञा दिइएको छ।

एजेन्सी 

प्रकाशित २८ भदौ २०७५, बिहिबार | 2018-09-13 15:35:18
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।