Max TV
Max TV
Exclusive

विश्वभर सुख्खा र बाढी ल्याउने ‘एल निनो’ को प्रभाव फेरि देखिँदै



विश्व मौसम संगठनले मध्य पुसअघिनै ‘एल निनो’ मौसम पुनः शुरु हुने संभावना अत्याधिक बनेको जनाएको छ।

पछिल्लो पटक ‘एल निनो’ को प्रभाव सन् २०१५-१६ मा देखिएको थियो। त्यसले विश्वभरका मौसमलाई प्रभाव पारेको थियो।

‘एल निनो’ को समयमा प्रशान्त महासागरको सतह प्रभावित हुन्छ, जसले संसारमा असन्तुलित मौसमी अवस्था सिर्जना गर्छ।

अर्थात्, कतै धेरै सुख्खा सिर्जना गर्छ भने कतै अत्याधिक वर्षा भएर बाढीको संभावना बढाउँछ।

अनुसन्धानकर्ताहरुले यसपटकको ‘एल निनो’ को प्रभाव २०१५-१६ को जस्तै अत्याधिक नहुने अपेक्षा गरेका छन्।

संगठनका अनुसार लामो समयदेखि चल्दै आएको यो गतिशील मौसमी घटनाक्रमले जलवायु परिवर्तनमा समेत प्रभाव देखिन थालेको छ।

सन् २०१५-१६ को ‘एल निनो’ अहिलेसम्म मापन गरिएकमध्ये सबैभन्दा सशक्त मानिएको छ।

त्यसको प्रभाव विश्वभरको तापक्रममा परेको थियो, जसका कारण सन् २०१६ विश्वको सबैभन्दा गर्मी वर्षको रुपमा रह्यो।

तापको साथसाथै यसले अफ्रिकामा सुख्खापन सिर्जना गर्‍यो, त्यही कारण कारण धेरै अफ्रिकी देशमा खाद्यान्नको उत्पादनमा गिरावट आयो।

उता, दक्षिण अमेरिकामा भने बाढीको प्रकोप बढ्यो। ब्राजिल, अर्जेन्टिना, पाराग्वे र उरुग्वेमा बाढीले आक्रान्त भए।

सन् १९८० पछि यो हुन लागेको दशौँ पटक हो ।

यो वर्षको शुरुवात भने ‘एल निनो’ को उल्टो ‘ला निना’ को चरणमा थियो, यो अवस्थामा प्रशान्त महासागरको सतहमा पानी औसत भन्दा चिसो हुन्छ, मौसमी अवस्थामा सामान्य हुन्छ।

अहिले यो विस्तारै कमजोर हुँदै गएको छ। तर अर्को वर्षको मध्य पुससम्ममा अर्को ‘एल निनो’ विकास हुने संभावना ७० प्रतिशत छ।

‘एल निनो’ स्पेनी भाषाबाट लिइएको शब्द हो, यसको अर्थ ‘सानो केटा’ हो भने ‘ला निना’ भनेको ‘सानी केटी’ हुन्छ।

यसपटको ‘एल निनो’ को प्रभाव एशिया–प्रशान्त क्षेत्र, युरोप, उत्तर अमेरिका, अफ्रिका र दक्षिण अमेरिका तटीय क्षेत्र सबैतिर पर्ने र तापक्रम बढाउने अनुमान गरिएको छ।

प्रकाशित २६ भदौ २०७५, मंगलबार | 2018-09-11 10:55:48
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।