Max TV
Max TV
Exclusive

रुसी ह्याकरले इन्स्टाग्राम ह्याक गरेको विश्वभरका प्रयोगकर्ताको आरोप



सामाजिक सञ्जाल इन्स्टाग्रामका प्रयोगकर्ताले आफ्नो एकाउन्ट ह्याक भएको विश्वभरबाट जानकारी दिएका छन्।

उनीहरुले रुसी ह्याकरहरु एकाउन्ट ह्याकमा संलग्न रहेको पनि आरोप लगाएका छन्। एकाउन्ट खोल्न खोज्दा पासवर्ड, इमेल एड्रेस तथा प्रोफाइल पिक्चर परिवर्तन भएकोे पाएपछि विश्वभरका प्रयोगकर्ताले आफ्नो एकाउन्ट ह्याक भएको भन्दै इन्टाग्रामको कार्यलयलाई खबर गरेका छन्।

उनीहरुले एकाउन्टमा रुसको भाषा, तथा रुसी संस्थाको मेल एड्रेस भेटेका कारण, रुसी ह्याकर यस्ता कार्यमा संलग्न भएको आशंका गरेका छन्। इन्स्टाले त्यस्ता सूचना पाउनासाथ विश्वभरका प्रयोगकर्तालाई उनीहरुको एकाउन्ट रिकभर गर्दै नयाँ पासवर्ड पनि पठाएका छन्। ह्याकरहरुले इन्स्टाका एकाउन्ट किन ह्याक भए त्यसको उद्देश्य पत्ता लगाउन सकेका छ्रैनन्। यसमा उनीहरुले अनुसन्धान गरिरहेका छन्। ट्वीटरका प्रयोगकर्ता एली स्कार्पाले यसै महिना अगस्टको सुरुवातमा पहिलो पटक आफ्नो एकाउन्ट ह्याक भएको खबर इन्स्टा कार्यालयलाई जानकारी गराएका थिए।

उनले भनेका छन्, ‘केही रुसी ह्याकरहरुले मेरो इन्स्टा ह्याक गरिदिएका छन्। मैले यसको सूचना इन्टा कार्यालयलाई पठाउन खोजे तर सम्भव भएन।’ स्कार्पाले आफ्नो पासवर्ड, प्रोफाइल पिक्चर परिवर्तन हुनाका साथै आफ्नो आइडी मेल आर यूमा परिवर्तन भएको पाएको जानकारी दिए। साथै उनले रुसी भाषामा केही सन्देश लेखिएको पनि जनाएका छन्।

गत शनिबारमात्र ४५ सय फलोवर भएको क्रिस्टा नामको एकाउन्ट आफै लगआउट भएको पाइयो। उनले त्यसमा आफ्नो एकाउन्ट लगइन गर्न खोज्दा पहिलेको घटनाजस्तै आफ्नो प्रोफाइल पिक्चर, पासवर्डसहित आइडी परिवर्तन भएको पाइन्। उनको आइडी पनि मेल डट आरयू परिवर्तन भएको थियो। डिजिटल मिडिया वेभसाइटसम्बन्धी अध्ययन गर्ने एक संस्था म्यासेबलको एक प्रतिवेदनले यही महिना अगस्टमा ७ सय ९८ पटक ‘ह्याक’ शब्दको प्रयोग भएको बताएको छ। गत महिना उक्त शब्द ४० पटक प्रयोग भएको पाइएको छ। यसैगरी विश्वको सबैभन्दा भरपर्दो सर्च इन्जिन मानिएको गुगलमा ‘ह्याक इन्टाग्राम’ भनेर विश्वभरबाट खोजिएको पनि देखिएको छ।

रुसी ह्याकर संलग्नताको प्रमाण

रुसी ह्याकरले इन्स्टाग्राम एकाउन्ट ह्याक गरेको भनेर पुष्टि नभएपनि यो कार्य रुसकै हुनसक्ने आशंका गरिएको छ। प्रयोगकर्ताको पासवर्ड, प्रोफाइल पिक्चर परिवर्तनहुँदा इमेल परिवर्तन भएर सबैको आइडी मेल.आरयू हुनुलाई संकास्पद मानिएको छ। किनभने यस इमेल.आरयू रुसी भाषाको इमेल होस्टिङ सर्भिस हो। तर उनीहरुले सुरक्षित मानिएको इन्स्टाग्राम कसरी ह्याक गर्न सके अझै खुल्न सकेको छैन।

यसअघि रुसले फेसबुक ह्याक भएर कयौँ महत्वपूर्ण सूचना चोरी गरेको पनि खबरहरु आएका थिए। तर रुसले सधंै त्यस्ता आरोपहरु गलत भएको भन्दै त्यसको खण्डन गर्दै आएको छ।

प्रकाशित ३० साउन २०७५, बुधबार | 2018-08-15 14:54:20
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।