कारसहितको 'हेभी' रकेट अन्तरीक्षमा प्रक्षेपण (भिडियाे)




७० मिटर लामो अर्थात २३ तला अग्लो रकेटमा स्टेला कार पनि राखिएको छ।

अमेरिकी उद्यमी इलोन मस्कले 'द फल्कन हेवी' नामको नयाँ रकेट प्रक्षेपण गरेका छन्। अमेरिकाको फ्लोरिडास्थित केन्नडी अन्तरिक्ष केन्द्रबाट स्थानीय सयमअनुसार मंगलबार यो रकेट प्रक्षेपण गरिएको हो।

यो त्यहीँ ठाउँ हो जहाँबा पहिलो पटक मानिस चन्द्रमा जान उडेका थिए।

यो रकेटको भार बोक्ने क्षमता ६४ हजार किलोग्राम रहेको छ। यस्ताे गह्राैँ रकेट प्रक्षेपण गरिनुलाइ धेरैले 'क्रेजी' भन्दै टिप्पणी गरेका थिए। तर रकेट सफलतापूर्वक प्रक्षेपण भएकाे छ।

प्रक्षेपण गर्नुपूर्व रकेट

प्रति सेकेन्ड एघार किलोमिटरको दरमा आकाशतिर लागेको यो रकेट निजी कम्पनी 'स्पेसएक्स'ले प्रक्षेपण गरेको हो। आन्ध्र महासागरमाथि हुँदै अन्तरीक्षतर्फ गएको रकेटको प्रक्षेपण हेर्ने करिब दस हजार मानिस फ्लोरिडा पुगेका थिए। जसमा चन्द्रमा पुग्ने दोस्रो व्यक्ति बज एडरिन पनि रहेका थिए। उनी पनि सोही लञ्च प्याडको प्रयोग गर्दै निल आर्मस्टोङसँगै चन्द्रमामा गएका थिए।

सफलतापूर्वक प्रक्षेपण गरिएकाे रकेट

यसअघि ठूलो रकेट सोभियत संघसँग शीत युद्ध चुलिएकाे बेला अमेरिकाले स्याट्रन भी पठाएको थियो।

स्पेसएक्सका प्रमुख कार्यकारी अधिकृत मस्कले सफलतापूर्वक प्रक्षेपणको संभावना आधा मात्रै रहेको बताउँदै अाएका थिए। ७० मिटर लामो अर्थात २३ तला अग्लो रकेटमा स्टेला कार पनि राखिएको छ। जसको सीटमा अन्तरिक्षयात्रीको पहिरन एकमा हुनेछ।

रकेटभित्र राखिएकाे स्टेलाकाे कार

योजना गरेअनुसार रकेटले सबै चरण सफलतापूर्वक पार गरेमा यो कारलाई सूर्य नजिकैको कक्षमा छाडिने छ। योसँग अन्तरिक्षमा पुग्ने पहिलो कार बन्नेछ।  त्यो स्थान भनेकाे पृथ्वीबाट मंगलग्रह जति नै टाढा हो। स्पेसएक्स र स्टेला दुवै कम्पनी अरबपति व्यवसायी मस्ककै हो।

मस्क फल्कन हेवी जस्तो ठूलो रकेटको प्रयोग मंगलग्रहका अभियानका लागि प्रयोग गर्न चाहान्छन्। २७ इन्जिन रहेको यो ठूलो रकेट बनाउने घोषणा मस्कले सात वर्षअघि गरेका थिए। उनले सन् २०१३ मै यो प्रक्षेपण घोषणा गरेका थिए।

फल्कन एक्सको एक पटको प्रक्षेपणको मूल्य ९ करोड अमेरिकी डलर अर्थात ९ अर्ब १८ करोड रुपैयाँ छ। रकेटको प्रक्षेषणपछि मस्कले नयाँ अन्तरिक्ष दौड शुरु होस् भन्ने चाहेको बताएका छन्।

बीबीसीले तयार पारेकाे भिडियाे

प्रकाशित २५ माघ २०७४, बिहिबार | 2018-02-08 19:41:49


एजेन्सीबाट थप


प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

NepalKhabar Tweets

विशेष

  • चुडामणि उप्रेती ‘गोरे’

    मानव अधिकारवादीको निगरानीमा प्रहरी हिरासतमा राख्न गोरेको माग

    सुन काण्डका मुख्य नाइके चूणामणि उप्रेती ‘गोरे’ले मानव अधिकारवादीको निगरानीमा प्रहरी हिरासतम बस्न माग गरेका छन्। बुधबार जिल्ला अदालत मोरङमा बयान...

  • रेलमार्गको नक्सा अध्ययन गर्दै नेपाली तथा चिनिया अधिकारीहरु

    रेलमार्ग खोज्दै नेपाली-चिनियाँ अधिकारी काठमाडौंदेखि केरुङसम्म

    केरुङ-काठमाडौं रेलमार्ग त्यति छिट्टै निर्माण हुने सम्भावना चाहिँ छैन, जति राजनीतिक बृत्तमा चर्चा हुने गरेको छ। जस्तो कि, अहिलेको टोली पूर्व...

  • दरबारमार्ग सामूहिक बलात्कार प्रकरणका अभियुक्त शैलेश कार्की

    दरबारमार्ग सामुहिक बलात्कार काण्ड: शैलेस मात्र जेल चलान, नेकपा नेतापुत्र फरार

    दरबारमार्ग सामुहिक बलात्कार काण्डका मुख्य आरोपी शैलेस कार्की पूर्पक्षका लागि जेल चलान भएका छन्।

  • प्रधानमन्त्री तथा मन्त्रीपरिषद्को कार्यालय

    नेपालका मन्त्री सुनका पारखी: हेर्नुस्,कोसँग कति तोला?

    नेपाल सरकारका मन्त्रीहरु सुनका पारखी देखिएका छन्। मन्त्रीहरूमध्ये सबैभन्दा धेरै सुन पर्यटनमन्त्री रविन्द्र अधिकारीसँग रहेकाे छ।