Max TV
Max TV
Exclusive

भट्टेडाँडाको इनरुट राडार सञ्चालनमा

नेपाली आकाशमा उडान अझ सुरक्षित



ललितपुरको भट्टेडाँडामा राखिएको इनरुट मोनोपल्स सेकेन्डरी सर्भिलेन्स राडार (इएमएसएसआर) माघ १८ देखि सञ्चालनमा आएको छ। जापानी सहयोग नियोग (जाइका) को ९५ करोड र नागरिक उडड्यन प्राधिकरणको १५ करोड गरी १ अर्ब १० करोडको लगानीमा बनेको इनरुट राडार ललितपुरको भट्टेडाँडामा जडान गरिको हो।

भट्टेडाँडाँमा राखिएको इनरूट राडारले २ सय ५० नटिकल माइल रेडियस अर्थात ४ सय ५० किलोमिटर दूरीसम्मको आकाशमा उडेका विमानको निगरानी गर्न सक्ने उड्डयन प्राधिकरणका प्रवक्ता वीरेन्द्र श्रेष्ठले जानकारी दिएका छन्। 

पश्चिममा सुर्खेत र पूर्वका सबैक्षेत्रका विमानलाई यो राडरले समेटन सक्ने प्रवक्ता श्रेष्ठले बताए। यो राडरले नेपालका उच्च हिमाली क्षेत्रलाई भने समेट्न सक्दैन।

‘भट्टेडाँडामा राखिएको राडारले ४ सय ५० किलोमिटर दूरीसम्मको रेडियसमा उडिरहेको विमान, विमानको गति, विमानको अवस्थिति र उचाइ थाहा पाउँछ,’ परियोजना निर्देशक संजीवसिंह कठायतले भने, ‘नयाँ राडार सञ्चालनमा आएपछि उडिरहेका जहाजहरूबीचको दूरी घट्न जाने तथा पाँचदेखि नौ किलोमिटरसम्मको अन्तर राखेर विमानले उडान, अवतरण गर्न सक्ने छ।’

नयाँ राडार जडान गर्नु पूर्व २० देखि २८ किलोमिटर अन्तरमा अन्तर्राष्ट्रिय उडान हुँदै आएको उनले बताए। यो राडार निमार्णका लागि सन् २०११ मा सम्भाव्यता अध्ययन गरेर निमार्ण थालिएको राडार ६ वर्ष लगाएर निमार्ण भएको छ।

त्रिभुवन अन्तर्राष्ट्रिय विमानस्थलमा जडान गरिएको टर्मिनल राडारले २०० नटिकल माइल अर्थात ३ यस ६० किलोमिटरसम्म निगरानी गर्न सक्छ। यी राडारहरु सञ्चालनमा आउनु पहिले प्राइमरी राडारले ६० नटिकल माइल अर्थात् ८० किलोमिटर सम्म मात्र कभर गर्ने गरेको उनले जानकारी दिए। भट्टेडाँडामा जडित इनरूट राडार र विमानस्थलको टर्मिनल राडारले विमान उडानलाई सुरक्षित र व्यवस्थित बनाउने प्रवक्ताले बताए। यो राडारले त्रिभुवन अन्तर्राष्ट्रिय विमानस्थलमा आवतजावत गर्ने सबै विमानको जानकारी दिन सक्ने प्रवक्ता श्रेष्ठले बताए।

भट्टेडाँडाको इनरूट राडार र त्रिभुवन अन्तर्राष्ट्रिय विमानस्थलको टर्मिनल राडारको मंसिर २ गते परीक्षण भएको प्रवक्ता श्रेष्ठले बताए। संयुक्त राज्य अमेरिकाको फेडरल एभिएसन एडमिनिस्ट्रेसनबाट आएको जहाजले नयाँ राडार परीक्षण गरेको हो।

प्राइमरी राडार पुरानो भएको र स्पेयर पार्ट्स पनि बिग्रन लागेको हँुदा नयाँ राडार सञ्चालनमा ल्याएको प्राधिकरणले जनाएको छ। नेपाली आकाशलाई सुरक्षित बनाउन सन् १९९७ मा पहिलोपटक जापान सरकारको सहयोगमा ६० नटिकल माइल अर्थात ८० किलोमिटरसम्म निगरानी गर्न सक्ने राडार जडान गरिएको थियो। यो पुरानो राडर नयाँ राडार जडान भए पनि विस्थापन नगर्ने प्राधिकरणले जानकारी दिएको छ।

प्रकाशित १८ माघ २०७४, बिहिबार | 2018-02-01 13:36:30
Max TV
Max TV
Vianet

author photo

बबिता तामाङ नेपालखबर संवाददाता हुन्

@BabitaGhising

बबिता तामाङबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • गृमन्त्री रामबहादुर थापा र अर्थमन्त्री युवराज खतिवडा यथावत रहनेछन्

    मन्त्रिपरिषद् पुनर्गठन गृहकार्यः को को मन्त्री बिदा हुँदैछन्

    पार्टी सचिवालयको सन्तुलन कायम राख्न गृहमन्त्री थापा र उपयुक्त विकल्प नहुँदा अर्थमन्त्री खतिवडालाई हटाउन चाहँदैनन् प्रधानमन्त्री ओली।

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • संघीय मामिला तथा सामान्य प्रशासन मन्त्रालय

    स्थानीय तह र प्रदेशको करको दर/दायरामा केन्द्र सरकारको नियन्त्रण

    स्थानीय तथा प्रदेश सरकारले उठाएको करको दर र दायराको विषयमा केन्द्र सरकारले एक अध्ययन गरी विभिन्न शीर्षकमा आफूखुसी उठाउँदै आएका करमाथि नियन्त्रण...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।