संसारकै सबैभन्दा ठूलो लिथियम-आयोन ब्याट्रीले बिजुली वितरण थाल्यो



रोयटर्स

साउथ अष्ट्रेलियामा संसारकै सबैभन्दा ठूलो लिथियम-आयोन ब्याट्रीले विद्युत वितरण थालेको छ। एक सय मेगावाटको सो ब्याट्री टेस्ला कम्पनीले निर्माण गरेको हो।

शुक्रबारबाट यसको औपचारिक उद्घाटन गरिएको हो।

पछिल्लो समय साउथ अष्ट्रेलिया विद्युत कटौतीको मार खेपिरहेको थियो। यस विषयलाई लिएर टेस्लाका प्रमुख कार्यकारी एलन मस्कले एक सय दिनभित्र यो समस्या समाधान गर्ने वाचा गरेका थिए। उनले सो अवधिमा ब्याट्री निर्माण पूरा गर्न नसके त्यो ब्याट्री साउथ अष्ट्रेलियालाई सित्तैमा प्रदान गर्ने पनि बताएका थिए।

३० सेप्टेम्बरमा नियामक निकायबाट ब्याट्री निर्माणको अनुमति पाएको टेस्लाले ६० दिनभित्रै काम सम्पन्न गरेको छ।

यो ब्याट्रीले ३० हजार घरलाई एक घण्टासम्म यो ब्याट्रीले विद्युत आपूर्ति गर्न सक्ने बताइएको छ। तर यसलाई विद्युत कटौतीको समस्या समाधानका लागि उपयोग गरिनेछ।

एडिलेडबाट २०० किलोमिटर उत्तरमा रहेको जेम्सटाउनमा सो ब्याट्री प्लान्ट राखिएको छ। यसलाई नियोन नामक फ्रान्सेली उर्जा कम्पनीको हावाबाट विद्युत उत्पादन गर्ने केन्द्रसँग जोडिएको छ।

टेस्लाले कार उत्पादनसँगै ब्याट्री उत्पादन पनि बढाइरहेको छ। एजेन्सी

प्रकाशित १५ मंसिर २०७४, शुक्रबार | 2017-12-01 11:33:44

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • प्रदेश ५ मा समानुपातिक परिणाम: पहाडमा एमाले र तराईमा कांग्रेस पहिलो

    प्रदेश नम्बर ५ अन्तर्गत तराई क्षेत्रमा ६ वटा जिल्ला रहेका छन्। प्रतिनिधिसभा अन्तर्गत समानुपातिक तर्फको नतिजामा ६ वटै जिल्लामा नेपाली कांग्रेस पहिलो...

  • केपलर-९० र त्यसका ग्रहहरुको कलात्मक चित्रण

    आठ ग्रह भएको टाढाको सौर्य परिवार पत्ता लाग्यो

    नासाका वैज्ञानिकहरुले केपलर–९० नामक टाढाको एक तारालाई परिक्रमा गर्ने आठौँ ग्रह फेला पारेका छन्। सौर्य परिवारबाहेक आठ ग्रह भएको तारा पहिलो पटक पत्ता...

  • बाबुराम भट्टराई

    गतिरोध अन्त्यका लागि बाबुरामको ‘प्रेस्क्रिप्सन’

    पहिले सरकार गठन कि राष्ट्रिय सभाको गठन, राष्ट्रिय सभाको गठन बहुमतको आधारमा कि एकल संक्रमणीय मतको आधारमा भन्ने विवादमा फेरि नेपालको राजनीति फस्न...

  • नेकपा एमालेका नेता रघुवीर महासेठ

    यी हुन मधेशीले जिताएका पहाडी र पहाडीले जिताएका मधेशी अनुहार

    प्रतिनिधिसभा सदस्य निर्वाचनमा तराई मधेशमा तुलनात्मक रुपमा मधेश केन्द्रित दल बलियो देखिए पनि ती क्षेत्रमा विजयी उम्मेदवार मधेशी र पहाडी दुवै मूलका...