चीनमा शौचालय विस्फोट, १ को मृत्यु, ७ घाइते

सरकारले ल्यायो शौचालय क्रान्ति अभियान



उत्तरी चीनको शान्जी प्रान्तमा एउटा सार्वजनिक शौचालय पड्किँदा एकको मृत्यु र सातजना घाइते भएका छन्। शौचालयको ढलट्यांकीमा थुप्रिएको मलमूत्रबाट कडा ग्यास उत्सर्जन भई विस्फोट भएको स्थानीय अधिकारीहरुले बताएका छन्।

हेसान जिल्लाको युलिन सहरमा गत शनिवार यो विस्फोट भएको थियो। घटनाको अनुसन्धान प्रतिवेदन भने मंगलबार मात्र सार्वजनिक भएको हो। प्रारम्भिक अनुसन्धानमा सहभागीहरुका अनुसार, शौचालयको ढल ट्यांकीमा थुप्रिएका मलमूत्र र अन्य विभिन्न जैविक, अजैविक पदार्थवीच रासायनिक प्रतिक्रिया भई कडा ग्यास निस्किएको हो। यसमा मिथेन, एमोनिया र हाइड्रोजन सल्फाइडजस्ता ग्यास उत्सर्जन भई रासायनिक प्रतिक्रिया भएको बताइएको छ।

बढ्दो जनघनत्वको कारण अहिले चीनमा सार्वजनिक शौचालयको समस्या पनि बढ्दो छ। खासगरी, मध्यपश्चिमी चीनमा सार्वजनिक शौचालयमा पर्याप्त पानी नहालिंदा ढलजन्य वस्तु राम्ररी ‘डिकम्पोज’ नहुने समस्या रहेको बताइएको छ। स्थानीय सरकारी निकायले अब शौचालयको स्तरीकरणमा विभिन्न योजना थाल्ने भएका छन्। शौचालय क्रान्ति र सरसफाइ नाम दिई सभ्यता विकासको कार्यक्रम लागू गरिने स्थानीय अधिकारीहरुले जनाएका छन्। आर्थिक र सामाजिक क्रान्तिसँगै शौचालयजस्तो आधारभूत सभ्यताको लागि पनि ध्यान दिन थालिएको उनीहरुको भनाइ छ। चाइना डेलीबाट

प्रकाशित २० पुस २०७३, बुधबार | 2017-01-04 10:10:11

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • सन्दिप प्रतियोगिताकै उत्कृष्ट नेपाली खेलाडी

    नेपाली युवा क्रिकेटर सन्दिप लामिछाने फेरि एकपटक चर्चामा छन्। सिंगापुरमा आयोजित एसिया क्षेत्रको यू–१९ विश्वकप छनौटका खेलमा एकपछि अर्को गर्दै...

  • चिनियाँ परराष्ट्र मन्त्रालयका प्रवक्ता लु खाङ्ग

    भारतले जति छिटो कुरा बुझ्छ, उति छिटो दोक्लम विवाद सुल्झिन्छः चीन

    चीन–भारत सीमा क्षेत्र, सिक्किमको दोक्लाम क्षेत्रमा महिनौँदेखि जारी विवाद अझै तत्काल सुल्झिने छाँटकाँट छैन। जारी समस्याको समाधान निकाल्न भारत नै...

  • म्याग्दीको रघुगंगा गाउँपालिका–३ राहुघाटमा भरतबहादुर मल्ल

    बयरको झाडी र सिरु फाँडेर बनाइएको नमूना कृषि फार्म

    “हिजो विदेशमा पसिना बगाइयो, तर उपलब्धि खासै भएन, केही गरौँ भन्ने सोचले कृषिमा लागेको हुँ, अहिले आफ्नै परिवारसँग बसेर सहजरुपमा दैनिकी चलाउन सकेको...

  • यू-१९ विश्व कपमा छनोट हुन सकेन नेपाल

    एसिया क्षेत्रको छनोटमा विजेता राष्ट्रले यू–१९ विश्वकपमा छनोट हुन पाउने प्रावधान थियो। सोही प्रावधान बमोजिम अपराजितले रहेको अफगानिस्तानले यू–१९...