अर्थमन्त्रीलाई ‘सेक्स डल’ उपहार दिएपछि हंगामा

राष्ट्रपतिले नै ट्वीटरमार्फत आलोचना गरिन्



चिलीमा अर्थमन्त्रीलाई ‘सेक्स डल’ उपहार दिइएपछि हंगामा मच्चिएको छ। चिलीका निर्यातकर्ताहरुको एसोसियसनका प्रमुख रोबर्टो फेन्टुजीले अर्थमन्त्री लुइस फिलिपे सेस्पेडेसलाई वार्षिक डिनरको अवसर पारेर मंगलबार राती सो सेक्स डल उपहार दिएका थिए।

अर्थमन्त्रीलाई दिइएको सो सेक्स डलको मुखमा पट्टी टाँसिएको थियो, जसमा लेखिएको थियोः ‘अर्थव्यवस्थालाई प्रोत्साहित गर्नका लागि।’

अर्थमन्त्रीले पूर्णतः नांगो सेक्स डल सार्वजनिक रुपमा हाँस्दै स्वीकार गरेपछि सामाजिक सञ्जालमा त्यसको व्यापक विरोध भयो। धेरैले मन्त्रीको प्रतिक्रिया ‘असुहाउँदो’ भएको जनाएका छन्। केहीले अर्थतन्त्रलाई प्रोत्साहित गर्नका लागि मन्त्रीलाई सेक्स डल दिने काम नै लज्जाजनक भएको बताएका छन्।

केहीले उच्च पदमा बसेका दुई पुरुषको सो कार्यबाट महिला हिंसालाई प्रश्रय पुग्ने प्रतिक्रिया दिएका छन्।

सो कार्यको आलोचना गर्नेहरुमा देशकै राष्ट्रपति पनि सामेल भइन्। राष्ट्रपति मिसेल बाचेलेतले ट्वीट गरेकी छन्, ‘राष्ट्रपतिको रुपमा मेरो दुई कार्यकालको मुख्य नीति महिलालाई सम्मान दिलाउनु थियो। त्यो डिनरमा जुन घटना भयो, यसलाई सहन सकिँदैन।’
धेरैले सामाजिक सञ्जालमार्फत राष्ट्रपतिलाई अर्थमन्त्रीको राजीनामा माग्न पनि अनुरोध गरेका छन्।

व्यापक आलोचना भएपछि अर्थमन्त्रीले उपहारका कारण आफू ‘अचम्मित’ भएको भन्दै माफी मागेका छन् भने फेन्टुजीले आफू पति, पिता र हजुरबुबा समेत भएकाले महिलाविरुद्ध हिंसाको कुनै अभिप्राय नभएको भन्दै माफी मागेका छन्। एजेन्सी

प्रकाशित १ पुस २०७३, शुक्रबार | 2016-12-16 17:57:42

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • रोहित पौडेल

    ट्यालेन्ट हन्टबाट उदाएका रोहित

    २४.४ ओभरमा आठौ नम्बरको ब्याट्सम्यानका रुपमा मैदान प्रवेश गरेका रोहितले बाँकी पुरै ओभरमा भारतको डटेर सामना मात्रै गरेनन्, ६८ रनको अर्धशतकीय पारी र...

  • गोरखा-२ मा अन्तिम जोडबल गर्दै बाबुराम र नारायणकाजी

    वाम गठबन्धन बनेपछि यसले प्रायः नयाँ शक्तिका स्थानीय स्तरका नेता, कार्यकर्तालाई माओवादीमै फर्काएको छ भने नेपाली कांग्रेसले पनि माओवादी तथा एमालेका...

  • छोरा प्रकाशको मृत्युको खबरपछि झापाबाट काठमाडौं उड्नेबेला प्रचण्ड (फाइल फोटो)

    ‘सक्रिय राजनीतिका कारण मैले प्रकाशको लालनपालनमा न्याय गरिनँ’

    सानैदेखि उनी मेरा लागि छोराभन्दा पनि बढि सहकर्मी र सहयोद्धा थिए। म इमानदारीपूर्वक भन्छु, प्रधानमन्त्रीका रुपमा मेरो दोश्रो कार्यकाल उनको सहयोगबीना...

  • काठमाडौं १: सिंहको किल्लामा छापामार शैलीको घरदैलो

    एक, स्थानीय तह निर्वाचन परिणामका आधारमा एमाले–माओवादी केन्द्र यहाँ उत्तिकै बलिया छन्। दुई, छापामार स्टाइलमा घरघरमा घुसेर, प्रत्येक मतदातालाई भेटेर...