भारतीय राष्ट्रपति मुखर्जीका १७ रोचक तथ्य

भारतमा सात पटक बजेट पेस गर्ने एक्ला अर्थमन्त्री मुखर्जी पटकपटक देङ स्याओ पिङलाई उधृत गर्छन्



४० वर्षदेखि नियमित दैनिकी लेखिरहेका उनी दिनको कम्तीमा एक पाना लेख्ने गर्छन्

झण्डै दुई दशकयता पहिलो पटक भारतीय राष्ट्रपति नेपाल आएका छन्। बुधबार मध्यान्ह त्रिभुवन विमानस्थलमा अवतरण गरेका ८० वर्षीय भारतीय राष्ट्रपति प्रणव मुखर्जी भद्र व्यक्तित्वका धनी मानिन्छन्। बंगाली ब्राम्हण परिवारमा ११ डिसेम्बर १९३५ मा जन्मिएका तिनै मुखर्जीबारे केही रोचक तथ्य पढ्नुहोस्ः


१. मुखर्जी कलेज पढाउने गर्थे, उनले सन् १९६३ मा पश्चिम बंगालको एउटा कलेजमा राजनीतिशास्त्र पढाएका थिए।

२. उनले एक बंगाली पत्रिकामा पत्रकारको रुपमा काम गरेका थिए।

३. उनी पहिलो पटक सन् १९६९ मा राज्यसभामा मनोनित भएका थिए।

४. मुखर्जी काममा दत्तचित्त मानिन्छन्। उनकी छोरी शरमिष्ठाका अनुसार उनी दैनिक १८ घण्टासम्म काम गर्छन्।

५. दुर्गाका भक्त भएकाले उनी दुर्गापूजाका बेला छुट्टी लिएर आफ्नो गृहथलो मिराती जाने गर्छन्। त्यसबाहेक तीन दिन उनी व्रत बस्छन्।

६. भारतको सबैभन्दा ‘भर्सटाइल’ मन्त्री मानिने मुखर्जीलाई रक्षा, अर्थ, विदेश र वाणिज्य गरी फरक ४ मन्त्रालय सम्हालेको अनुभव छ। त्यसबाहेक उनले योजना आयोग, लोकसभा तथा राज्यसभाको नेताको भूमिका पनि निभाएका छन्।

७. १९८४ मा उनलाई युरोमनी म्यागेजिनले संसारको सबैभन्दा उत्कृष्ट अर्थमन्त्री घोषित गरेको थियो।

८. भारतमा सात पटक बजेट पेस गर्ने एक्ला अर्थमन्त्री उनी मात्रै हुन्। उनी पटकपटक देङ स्याओ पिङलाई उदृत गर्ने गर्छन्।

९. इन्दिरा गान्धीको मृत्युपछि उनले कांग्रेस पार्टी छोडेर आफ्नै नेतृत्वमा राष्ट्रिय समाजवादी कांग्रेस नामक पार्टी गठन गरेका थिए।

१०. गत ४० वर्षदेखि नियमित दैनिकी लेखिरहेका उनी दिनको कम्तीमा एक पाना लेख्ने गर्छन् र त्यो डायरी उनको शेषपछि प्रकाशित होस् भन्ने उनको चाहना रहेको जनाइएको छ।

११. भारतको तेह्रौँ राष्ट्रपति बनिसकेपछि मुखर्जीले मृत्युदण्ड पाएका कैदीले राष्ट्रपतिलाई लेखेका ७ ओटा दया याचिका खारेज गरिसकेका छन्। जसमध्ये अफजल गुरु र अजमल कसाब समेत रहेका छन्।

१२. राष्ट्रपति बनिसकेपछि पनि उनले शिक्षक दिवसका दिन नयाँ दिल्लीको एक सरकारी स्कुलमा गएर पढाएका थिए।

१३. उनले आफू प्रधानमन्त्री नबन्नुको एक कारण हिन्दी भाषा नजान्नु पनि हो भनेका थिए। सन् २००९ को एक अन्तर्वार्तामा भनेका थिए, ‘यदि तपाईंलाई हिन्दी आउँदैन भने तपाईं प्रधानमन्त्री बन्न सक्नुहुन्न। निश्चित कामका लागि निश्चित सीप आवश्यक पर्छ। त्यसैले पि.भी. नरसिंह राव राम्रा प्रधानमन्त्री बने किनेभने उनी राम्रो सम्प्रेषक थिए।’

१४. मुखर्जी पढन्ते मानिन्छन्। उनी एकै पटकमा तीन ओटा किताब पढ्न सुरु गर्छन्।

१५. उनी ५५ वर्ष (१९५७) देखि शुव्र मुखर्जीसँग विवाहित थिए, गत साल उनको पत्नीको निधन भयो। उनीहरुका दुई छोरा र एक छोरी छन्।

१६. मुखर्जी दैनिक ९० मिटर लामो राष्ट्रपति भवनको आँगनको ४० फन्को लगाउँछन्।

१७. खानामा उनी अन्य बंगालीहरुझैँ माछा र भात खुब मन पराउँछन्। मंगलबारको दिन बाहेक उनी हरेक दिन माछा खाने गर्छन्।एजेन्सी

प्रकाशित १७ कार्तिक २०७३, बुधबार | 2016-11-02 13:55:42

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • रोहित पौडेल

    ट्यालेन्ट हन्टबाट उदाएका रोहित

    २४.४ ओभरमा आठौ नम्बरको ब्याट्सम्यानका रुपमा मैदान प्रवेश गरेका रोहितले बाँकी पुरै ओभरमा भारतको डटेर सामना मात्रै गरेनन्, ६८ रनको अर्धशतकीय पारी र...

  • गोरखा-२ मा अन्तिम जोडबल गर्दै बाबुराम र नारायणकाजी

    वाम गठबन्धन बनेपछि यसले प्रायः नयाँ शक्तिका स्थानीय स्तरका नेता, कार्यकर्तालाई माओवादीमै फर्काएको छ भने नेपाली कांग्रेसले पनि माओवादी तथा एमालेका...

  • छोरा प्रकाशको मृत्युको खबरपछि झापाबाट काठमाडौं उड्नेबेला प्रचण्ड (फाइल फोटो)

    ‘सक्रिय राजनीतिका कारण मैले प्रकाशको लालनपालनमा न्याय गरिनँ’

    सानैदेखि उनी मेरा लागि छोराभन्दा पनि बढि सहकर्मी र सहयोद्धा थिए। म इमानदारीपूर्वक भन्छु, प्रधानमन्त्रीका रुपमा मेरो दोश्रो कार्यकाल उनको सहयोगबीना...

  • काठमाडौं १: सिंहको किल्लामा छापामार शैलीको घरदैलो

    एक, स्थानीय तह निर्वाचन परिणामका आधारमा एमाले–माओवादी केन्द्र यहाँ उत्तिकै बलिया छन्। दुई, छापामार स्टाइलमा घरघरमा घुसेर, प्रत्येक मतदातालाई भेटेर...