सार्वजनिक स्थानमा जाँड खान प्रतिबन्ध लागेपछि मदिराप्रेमीले समुद्रमा बनाए टापु




सार्वजनिक स्थलमा मादक पदार्थ सेवन गर्न प्रतिबन्ध लागेपछि न्युजिल्याण्डमा मदिराप्रेमीले समुद्रमा बालुवाको टापु बनाएका छन्। कोरोमान्डल प्रायद्वीपको टाइरुवामा मदिराप्रेमीहरुको एक समूहले आइतबार अर्थात् नयाँ वर्षको पूर्वसन्ध्यामा सो टापु निर्माण गरेका हुन्।

टापु बनाइसकेपछि उनीहरुले त्यहाँ एक पिकनिक टेबल र आइसबक्स पनि पुर्‍याए।

नयाँ वर्षको पूर्वसन्ध्यामा सो समूहले त्यही टापुमा बसेर आतिशबाजी हेर्दै टन्न मदिरा पिएको बताइएको छ।

मदिरापान गर्ने सो समूह भोलिपल्ट घर फर्केपनि सो टापु भने जस्ताको तस्तै रहेको बताइएको छ।

नयाँ वर्षको बेला कोरोमान्डलभर सार्वजनिक स्थानमा मद्यपान गर्न प्रतिबन्ध लगाइएको थियो। प्रतिबन्धको उल्लंघन गर्नेहरुलाई १८० अमेरिकी डलर जरिबाना तोकिएको थियो।

मदिराप्रेमीहरुले समुद्रमा टापु नै खडा गरेर रक्सी पिएपछि स्थानीयले उनीहरुको रचनात्मकताको प्रशंसा गरेका छन्। केहीले उनीहरु ‘अन्तर्राष्ट्रिय जलक्षेत्र’ मा बसेर मदिरा पिएको हुनाले नियम नलाग्ने भन्दै मजाक पनि गरेका छन्।

सरकारी अधिकारीहरुले पनि मदिराप्रेमीहरुको यो तरिकालाई रमाइलो रुपमा लिएका छन्।

‘यो निकै रचनात्मक सोच हो, यदि योबारे मलाई थाहा भएको भए म पनि उनीहरुसँग सामेल हुन्थेँ,’ स्थानीय प्रहरीका इन्स्पेक्टर जोन केलीले यो टापुबारे भनेका छन्। एजेन्सी

प्रकाशित १८ पुस २०७४, मंगलबार | 2018-01-02 12:34:07



प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • नेपाली वाणिज्य दूतावास ल्हासाले केरुङमा अायाेजना गरेकाे बैठकका सहभागी

    चीनले माग्यो नेपालबाट निर्यात हुने कृषि उत्पादनको सूची

    नेपालबाट निर्यात हुने कृषिजन्य वस्तुको सूची चिनियाँ कृषि मन्त्रालयलाई उपलब्ध गराइदिन चीनले आग्रह गरेको छ।

  • प्राध्यापक पराग पाठक

    एमआईटी प्राध्यापक पाठक नोबेल पुरस्कारका दाबेदार

    ब्लुम्बर्गको डाटा विश्लेषणअनुसार यो अवार्ड पाउने तीन मध्ये एक जनाले अर्थशास्त्रको नोबेल पुरस्कार जित्ने गरेका छन्।

  • डेपुटी गभर्नर श्रेष्ठ

    अख्तियारमा उजुरीपछि राष्ट्रबैंकका डेपुटी गभर्नर जिम्मेवारीमुक्त

    डेपुटी गभर्नर श्रेष्ठमाथि नेपाल बंगलादेश बैंक र कैलाश विकास बैंकका प्रमुख कार्यकारी अधिकृत (सिइओ) को कार्यकाल थप गर्दापनि प्रलोभनमा परेको आरोप छ।