खुसीबारे आइन्स्टाइनले लेखेको एक वाक्यको नोट १३ लाख डलरमा बिक्री



अल्बर्ट आइन्स्टाइन
अल्बर्ट आइन्स्टाइन

सन् १९२२ मा अल्बर्ट आइन्स्टाइन लेक्चर दिनका लागि जापान पुगेका थिए। उनले भौतिकशास्त्रतर्फ नोबेल पुरस्कार जितेको समाचार भर्खरै थाहा पाएका थिए। त्यसैबेला टोकियोस्थित इम्पेरियल होटेलमा उनको एउटा कुरियर आइपुग्यो।

कुरियर लिएर आउने मानिसलाई आइन्स्टाइन खालीहात पठाउन चाहँदैनथे। तर नोबेल जितेका आइन्स्टाइनसँग कुरियरवालालाई टिप्स दिने पैसा थिएन। त्यसैले पैसाको सट्टा उनले आफ्नो हस्ताक्षरयुक्त जर्मन भाषामा लेखिएको दुई ओटा नोट ती व्यक्तिलाई दिए। जसमध्ये एक नोटको सन्देश थियो, सफलताले खुसी दिन्छ नै भन्ने छैन।

‘लामो खोजी र निरन्तरको बैचनीपछि प्राप्त हुने सफलताले भन्दा एक शान्त र विनयशील जीवनले धेरै खुसी दिन्छ,’ आइन्स्टाइनको नोटमा लेखिएको थियो।

‘तिमी भाग्यमानी रहेछौ भने सामान्य टिप्सभन्दा यी नोट मूल्यवान् हुनेछन्,’ आइन्स्टाइनले सन्देश लिएर आउने मानिसलाई भनेका थिए, जो जर्मन सहर ह्याम्वर्गका बासिन्दा थिए।

नभन्दै आइन्स्टाइनको त्यो नोट निकै मूल्यवान ठहरियो।

खुसीको बारेमा लेखिएको उनको नोट इजरायलको जेरुसलेममा भएको एक लिलामीमा १३ लाख डलरमा बिक्री भएको छ। लिलामीकर्ताहरुले भने ती नोटले केही हजार डलर पाउने अपेक्षा गरेका थिए।

आइन्स्टाइनले त्यहीबेला लेखेको अर्को नोट पनि २ लाख ४० हजार डलरमा बिक्री भएको छ। त्यो नोटमा एउटा प्रचलित भनाइ लेखिएको छ, ‘जहाँ इच्छा, त्यहाँ उपाय।’

त्यस्तै आइन्स्टाइनले अन्य समयमा लेखेका अरु दुई नोट पनि मंगलबार भएको लिलामीमा बिक्री भएका छन्। त्यसमध्ये एक ३३,६०० र अर्को ९ हजार डलरमा बिक्री भएको जेरुसलेमको विनर्स अक्सनले जनाएको छ। एजेन्सी

प्रकाशित ८ कार्तिक २०७४, बुधबार | 2017-10-25 14:01:10


प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • पत्नी दुर्गा पौडेलका साथ मोहनबिक्रम सिंह

    दिल्लीले ओली र प्रचण्डलाई अलग्याउन खोजिरहेको छः मोहनबिक्रम सिंह

    दिल्लीले वामगठबन्धन फुटाउन प्रयास गरिरहेको चाल पाएपछि प्रचण्डजीलाई घरमै भेटेर भनेको छुः ‘तपाईंले जसरी एक भएर जुनाव जित्नुभयो यो खेर नजाओस्। देश...

  • सन्दीप लामिछाने

    आइपीएलको अक्सनमा सन्दीप लामिछाने

    नेपाली युवा लेग स्पीनर सन्दीप लामिछाने इण्डियन प्रिमियर लिग(आइपिएल)को अक्सनका लागि छनोटमा परेका छन्।

  • यी हुन् कफीबिनै निद्रा भगाउने दश उपाय

    निद्राबाट जोगिने सबैभन्दा सजिलो उपाय हो कफी। बिहान उठ्नेबित्तिकै ताजा महसुस गर्न सकिएन भने वा दिउँसो झुल्न मन लागिरह्यो भने हामी कफीको सहारा...

  • राज्याभिषेक गरेकै चौतारोमा ‘षड्यन्त्रकारी राजा’ द्रव्य शाहको शालिक

    गोरखामा धमाधम शाहवंशीय राजाहरुको सालिक ठड्याउन थालिएको छ। राजतन्त्रविरुद्ध चलेको आन्दोलनका क्रममाः ढालिएको पृथ्वीनारायण शाहको पूर्णकदको सालिक...