इटालीकी यी महिलाले गरिन् आफैँसँग विवाह

के कुनै राजकुमारबिना पनि परिकथा सम्भव छ?



भनिन्छ, कुनै पनि परिकथा पूरा हुन एक राजकुमार र एक राजकुमारीको आवश्यकता पर्छ। विवाहका लागि मात्रै पनि जोडा चाहिन्छ भन्ने मान्यता छ। तर यी सबै मान्यताहरुलाई उल्ट्याउँदै इटालीकी एक महिलाले आफैँसँग विवाह गरेकी छन्।

उनको विवाह समारोह पनि गतिलै थियो। उनले आफ्नो लागि विवाह समारोहमा लगाउने सेतो पहिरन, केक तयार गरेकी थिइन् भने सो समारोहमा ७० पाहुना उपस्थित थिए।

‘हामी सबैले सबैभन्दा पहिले आफैँलाई माया गर्नुपर्छ भन्नेमा म पूर्ण विश्वस्त छु,’ आफैँसँग विवाह गरेकी ४० वर्षीया लाउरा मेजीले भनिन्, ‘बिना कुनै राजकुमार पनि तपाईंसँग परिकथा हुनसक्छ।’

पेसाले फिटनेस ट्रेनर लाउराको यो विवाहको कानुनी मान्यता भने रहनेछैन।

दुई वर्षअघि १२ वर्ष लामो सम्बन्ध अन्त्य भएपछि आफैँसँग विवाह गर्ने विचार आएको लाउरा बताउँछिन्।

पछिल्लो समय ‘सोलोगामी’ भनिने स्वविवाह गर्ने प्रचलन बढ्दै गएको छ। यस्तो विवाह आत्मप्रेम र स्वीकार्यताको विषय भएको यसका समर्थकहरु बताउँछन्।

आफैँसँग विवाह गर्ने योजना बनाउन तपाईंसँग पैसा, आफन्तको सहयोग र अलिकति पागलपन आवश्यक पर्ने उनी बताउँछिन्।

‘मैले ४० औँ जन्मदिनसम्म पनि जीवनसाथी फेला पारिनँ भने आफैँसँग विवाह गर्नेछु भनेर मित्र तथा परिवारलाई सुनाएकी थिएँ,’ उनले भनेकी छन्, ‘कुनै दिन आफ्नो भविष्यबारे सँगै बसेर योजना बनाउने खालको मान्छे भेटेँ भने म खुसी नै हुनेछु, तर मेरो खुसी उसमा निर्भर हुँदैन।’
श्रीमती मेजीले आफू इटालीमा आफैँसँग विवाह गर्ने पहिलो महिला भएको दाबी पनि गरेकी छन्। गत मे महिनामा नेल्लो रुजिरो नामक एक पुरुषले नेपल्समा आयोजित एक समारोहमा आफैँसँग विवाह गरेका थिए।

जापानमा भने सन् २०१४ मै एक ट्राभल एजेन्सीले एकल महिलाहरुका लागि यस्तै विवाह समारोह आयोजना गर्न थालेको थियो।

मानिसहरुले आफैँसँग विवाह गर्ने चर्चा १९९३ देखि नै सुरु भएको हो।

अमेरिकमा ‘आइ म्यारिड मी’ नामक वेबसाइटले स्वविवाह सम्बन्धी सामग्री बेच्ने गर्दछ। क्यानडामा पनि ‘म्यारी योरसेल्फ भ्यानकुभर’ नामक एजेन्सी एक वर्षभन्दा लामो समययता सञ्चालनमा छ।

‘सिंगल इज द न्यु नर्मल, सेलिब्रेट योर सोलो स्टाटस!’ एजेन्सीको नारा नै छ।

यद्यपि सबैले यसलाई मन पराएका छैनन्। केहीले यसलाई आत्मपूजन भन्दै आलोचना गरेका छन् भने केहीले पितृसत्तात्मक संस्थाका सामुन्ने निरर्थक आत्मसमर्पण भएको बताएका छन्।

लाउराको स्वविवाहको फोटोमा पनि केही नकारात्मक टिप्पणीहरु आएका छन्। तर उनले ‘आफ्नो मुस्कानलाई कुनै पनि कुराले बन्द गर्न नसक्ने’ जवाफ दिएकी छन्।

तर अन्तर्वार्ताहरुमा उनले स्वविवाह सबैका लागि उपयुक्त नहुने कुरा स्वीकार गरेकी छन्। बिबिसी

प्रकाशित ११ असोज २०७४, बुधबार | 2017-09-27 17:22:55

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • रोहित पौडेल

    ट्यालेन्ट हन्टबाट उदाएका रोहित

    २४.४ ओभरमा आठौ नम्बरको ब्याट्सम्यानका रुपमा मैदान प्रवेश गरेका रोहितले बाँकी पुरै ओभरमा भारतको डटेर सामना मात्रै गरेनन्, ६८ रनको अर्धशतकीय पारी र...

  • गोरखा-२ मा अन्तिम जोडबल गर्दै बाबुराम र नारायणकाजी

    वाम गठबन्धन बनेपछि यसले प्रायः नयाँ शक्तिका स्थानीय स्तरका नेता, कार्यकर्तालाई माओवादीमै फर्काएको छ भने नेपाली कांग्रेसले पनि माओवादी तथा एमालेका...

  • छोरा प्रकाशको मृत्युको खबरपछि झापाबाट काठमाडौं उड्नेबेला प्रचण्ड (फाइल फोटो)

    ‘सक्रिय राजनीतिका कारण मैले प्रकाशको लालनपालनमा न्याय गरिनँ’

    सानैदेखि उनी मेरा लागि छोराभन्दा पनि बढि सहकर्मी र सहयोद्धा थिए। म इमानदारीपूर्वक भन्छु, प्रधानमन्त्रीका रुपमा मेरो दोश्रो कार्यकाल उनको सहयोगबीना...

  • काठमाडौं १: सिंहको किल्लामा छापामार शैलीको घरदैलो

    एक, स्थानीय तह निर्वाचन परिणामका आधारमा एमाले–माओवादी केन्द्र यहाँ उत्तिकै बलिया छन्। दुई, छापामार स्टाइलमा घरघरमा घुसेर, प्रत्येक मतदातालाई भेटेर...