बाख्रासँग योग लोकप्रिय बन्दै



एएफपी

योगको लोकप्रियता बढ्दै गएपछि सन् २०१५ देखि २१ जुनका दिन विश्व योग दिवस मनाउन थालिएको छ। भारतीय प्रधानमन्त्री नरेन्द्र मोदीदेखि अनेकौँ धर्मगुरु योगलाई विश्वव्यापी बनाउन लागिपरेका छन्। हालै अमेरिकामा बाख्राको साथमा गरिने योग चर्चामा आएको छ।

अमेरिकामा बाख्राको साथमा योग गर्ने चलनले लोकप्रियता पाएको छ। यो यति चर्चित भएको छ कि देशभरका बाख्रा फार्महरुमा योग कक्षा सञ्चालन गर्न थालिएको छ।

‘सुरुमा मलाई अलि डर लागेको थियो। मेरो ढाडमा बाख्रा चढ्लान् भन्ने मलाई थाहा थिएन,’ लस एञ्जेल्स सहरको बाहिरपट्टि ‘बाख्राको साथमा योग’ कक्षा समाप्त गरेपछि ५३ वर्षीया एडोना इब्राहिमीले भनिन्।

करिब २० व्यक्ति र ११ पाठापाठी र चार माउसहित १५ बाख्रासँग योग कक्षाका लागि तयार हुन्छन्। बार बारिएको र पराल ओच्छ्याइएको जमिनमा योग कक्षा सुरु हुन्छ।

योगगुरु मेरेडिथ लाना सहभागीहरुलाई ‘स्वास छोड्न’ ‘पेट घटाएर नाइटोलाई ढाडमा पुर्‍याउन’ निर्देशन दिन्छिन्। त्यहीबेला मानिसको ढाडमा बाख्रा चढ्छन्।

‘बाख्राहरु एकदमै मित्रवत् छन्,’ कक्षापछि लानाको भनाइ एएफपीले उधृत गरेको छ, ‘तपाइँले यहाँ प्राप्त गरेको थेरापी अमूल्य छ।’

बाख्राका मालिक डानेट म्याकरेनोल्ड्सले आफ्नी १६ वर्षीय छोरीका लागि आवश्यक खर्च जम्मा गर्नका लागि कक्षा चलाउने निर्णय गरेको बताइन्।

उनले कक्षाहरु बुक भइसकेको जानकारी दिइन्।

लानाले बाख्राहरुसँगको अन्तर्क्रियाले तनाव घट्ने बताइन्।

एजेन्सी

प्रकाशित १ असार २०७४, बिहिबार | 2017-06-15 12:29:15

प्रतिकृया दिनुहोस

Loading...
Loading...

विचार

सुखद शुक्रबार

ब्लग

रोचक

NepalKhabar Tweets

विशेष

  • रोहित पौडेल

    ट्यालेन्ट हन्टबाट उदाएका रोहित

    २४.४ ओभरमा आठौ नम्बरको ब्याट्सम्यानका रुपमा मैदान प्रवेश गरेका रोहितले बाँकी पुरै ओभरमा भारतको डटेर सामना मात्रै गरेनन्, ६८ रनको अर्धशतकीय पारी र...

  • गोरखा-२ मा अन्तिम जोडबल गर्दै बाबुराम र नारायणकाजी

    वाम गठबन्धन बनेपछि यसले प्रायः नयाँ शक्तिका स्थानीय स्तरका नेता, कार्यकर्तालाई माओवादीमै फर्काएको छ भने नेपाली कांग्रेसले पनि माओवादी तथा एमालेका...

  • छोरा प्रकाशको मृत्युको खबरपछि झापाबाट काठमाडौं उड्नेबेला प्रचण्ड (फाइल फोटो)

    ‘सक्रिय राजनीतिका कारण मैले प्रकाशको लालनपालनमा न्याय गरिनँ’

    सानैदेखि उनी मेरा लागि छोराभन्दा पनि बढि सहकर्मी र सहयोद्धा थिए। म इमानदारीपूर्वक भन्छु, प्रधानमन्त्रीका रुपमा मेरो दोश्रो कार्यकाल उनको सहयोगबीना...

  • काठमाडौं १: सिंहको किल्लामा छापामार शैलीको घरदैलो

    एक, स्थानीय तह निर्वाचन परिणामका आधारमा एमाले–माओवादी केन्द्र यहाँ उत्तिकै बलिया छन्। दुई, छापामार स्टाइलमा घरघरमा घुसेर, प्रत्येक मतदातालाई भेटेर...