फिल्म पूरा गर्न कान्सको ट्रफी बेच्ने निर्देशकको घोषणा





निर्देशक कसिची ब्लु इज द वार्मेस्ट कलरका अभिनेत्रीद्वय लिया सेडक्स र एडेल एक्जार्चोपुलसका साथमा
निर्देशक कसिची ब्लु इज द वार्मेस्ट कलरका अभिनेत्रीद्वय लिया सेडक्स र एडेल एक्जार्चोपुलसका साथमा
इपिए

केही समयअघि म्यागासेसे पुरस्कार विजेता महावीर पुनले राष्ट्रिय आविष्कार केन्द्र खोल्न आफूले जीतेको पदक बेच्ने घोषणाले नेपालमा चर्चा पाएको थियो। एक यस्तै घोषणा ट्युनिसियाली–फ्रान्सेली निर्देशक अब्देललतिफ कसिचीले पनि गरेका छन्।

सन् २०१३ को कान्स फिल्म फेस्टिवलमा उत्कृष्ट फिल्म घोषित भएको ‘ब्लु इज द वार्मेस्ट कलर’ नामक फिल्मका निर्देशक कसिचीले आफ्नो पाम डिओर ट्रफी नै लिलामीमा राख्ने भएका छन्, त्यो पनि उनको निर्माणधीन फिल्म ‘मकतुब, माइ लभ’ को खर्च बेहोर्न।

‘मकतुब, माइ लभ’ को पोस्ट प्रोडक्सन चलिरहेको छ। फिल्ममा ऋण दिइरहेको बैंकले अचानक ऋण दिन बन्द गरेपछि सो फिल्म अड्किएको थियो। त्यसपछि कसिचीले आफूले पाएको ट्रफी बेच्ने घोषणा गरेका हुन्।

कसिचीले ट्रफी मात्र नभइ फिल्मको दृश्यमा देखाइएका विभिन्न तैलचित्र पनि बेच्न लागेका हुन्। यद्यपि फिल्म सम्पन्न गर्न कति पैसा आवश्यक भएको हो, त्यसबारे पनि कुनै जानकारी दिइएको छैन।

कसिचीको निर्माणाधीन फिचर फिल्म ‘मकतुब, माइ लभ’ मा फ्रान्सेली कलाकार लु लुत्तिउ, शेँ बुम्दिन र ओफेली बुले अभिनय गरेका छन्।

लिया सेडक्स र एडेल एक्जार्चोपुलस अभिनित विवादास्पद ‘ब्लु इज द वार्मेस्ट कलर’ पाम डिओरका साथै गोल्डेन ग्लोब अवार्डमा सर्वोत्कृष्ट विदेशी भाषाको फिल्म तथा बाफ्टा अवार्डमा अंग्रेजी भाषाबाहेकको सर्वोत्कृष्ट फिल्म पनि बन्न सफल भएको थियो। एजेन्सी

प्रकाशित २५ जेठ २०७४, बिहिबार | 2017-06-08 15:41:19


प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

NepalKhabar Tweets

विशेष

  • कुलमान घिसिङ / फाइल फोटो

    कुलमानको प्रश्नः बिजुलीको बिल महँगो तिर्नु परेको त छैन?

    अहिले हामीले पूरै देशलाई लोडसेडिङमुक्त गरेका छौँ। औद्योगिक क्षेत्रमा भने रातको समयमा कहिलेकाहीँ लोडसेडिङ हुने गरेको छ। यो व्यवस्थापन गर्न सारै...

  • संविधान संशाेधनमा भारतका एजेन्डा छाेड्दै फाेरम

    प्रदेश २ मुख्यमन्त्री लालबाबु राउतले विश्वासकाे मत लिँदा दुई तिहाईभन्दा बढीको समर्थन पाए।

  • नेपाल एयरलाइन्सकाे जहाज

    दुई महिना थन्किएको ‘सगरमाथा’ ले हङकङबाट उडान थाल्यो

    नेपाल वायु सेवा निगमको दुई महिना थन्किएको एयरबस ३२०—२०० सिरिजको जहाज भाडाको इन्जिन जडान गरी शनिबार हङकङ उडेको छ।

  • भण्डारीलाई राष्ट्रपतिमा दोहोर्‍याउन नेपाल फकाउँदै ओली

    ओली निकट केही नेता ‘ओली र नेपाललाई पुनः एक ठाउँमा ल्याउने’ भन्दै सक्रिय देखिएका छन्। माओवादीसँग एकता भएपछि पुरानो गुटगत संरचना भत्किने र नयाँ बन्ने...