गाउँ अति सुन्दर भएको भन्दै पर्यटकलाई फोटो खिच्न प्रतिबन्ध



स्वीट्जरल्याण्डको एक सुन्दर गाउँले पर्यटकहरुलाई गाउँको फोटो खिच्न प्रतिबन्ध लगाउने निर्णय गरेको छ। यसको कारण भने तपाईंलाई छक्क पार्ने खालको छ।

स्थानीयहरु आफ्नो गाउँ अत्यन्त सुन्दर भएको विश्वास गर्छन्। त्यो गाउँ घुमेका मानिसले अपलोड गरेको फोटो देख्दा त्यहाँ पुग्न नसक्नेहरुमा ईर्ष्या पैदा हुने र उनीहरुको खुसीमा धक्का लाग्ने भन्दै यस्तो प्रतिबन्ध लगाइएको हो।

यस्तो प्रतिबन्ध स्वीट्जरल्याण्डको सेन्ट मोरिजनजिकै रहेको बेर्गन गाउँको परिषद्ले मतदानमार्फत लगाएको हो।

प्रतिबन्ध उल्लंघन गरी कसैले फोटो खिचेमा सांकेतिक पाँच फ्र्यांक जरिवाना पनि गरिने जनाइएको छ।

‘अरुले छुट्टीमा खिचेका सुन्दर फोटो सामाजिक सञ्जालमा हेर्दा मानिसहरु दुःखी हुन्छन्, किनभने उनीहरु आफैँ त्यहाँ पुग्न सक्दैनन्। यो कुरा वैज्ञानिक रुपले नै पुष्टि भइसकेको छ।’ स्थानीय पर्यटकीय कार्यालयको भनाइ अंग्रेजी भाषाको डिजिटल समाचारपत्र द लोकलले उधृत गरेको छ।

‘बेर्गन सुन्दर छ। हाम्रो सुन्दर गाउँको फोटो सामाजिक सञ्जालमा सेयर हुन दिएर अरुलाई बेखुसी बनाउन चाहँदैनौँ। हामी सबैलाई आफैँ यस स्थान भ्रमण गरेर यो सुन्दरताको अनुभव लिन निम्त्याउँछौँ,’ मेयर पिटर निकोलाइले भनेका छन्।

तर अरुलाई खुसी बनाउने सो गाउँको यो प्रयासले भने मानिसहरुमा उल्टै रिसाएका छन्। केहीले यसलाई ‘पब्लिसिटी स्टन्ट’ मानेका छन्। केहीले समाजिक सञ्जालमा यसको चर्को आलोचना पनि गरेका छन्। कतिपयले सो गाउँलाई उत्तर कोरियासँग तुलना गरेका छन्।

तर स्थानीय पर्यटन कार्यालयले आफ्नो फेसबुक र ट्वीटर अकाउन्टबाट समेत सो गाउँको फोटो हटाइसकेको छ। एजेन्सी

प्रकाशित १८ जेठ २०७४, बिहिबार | 2017-06-01 13:26:55

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • यस्तो देखियो पत्रकारलाई चुनाव लागेपछि

    पत्रकार महासंघ महाधिवेशनबाट नयाँ नेतृत्व चुन्ने चटारोमा छ। काठमाडौं कमलादीको प्रज्ञा भवनमा चहपहल बाक्लिदो छ। हेरौं त्यहाँ देखिएका केही दृश्यः

  • २०६९ चैत २४ गते एमाओवादी प्रवेश गरेका झालाई स्वागत गर्दै बाबुराम भट्टराई (फाइल फोटो)

    दोस्रो र तेस्रो पटक माओवादीमा प्रवेश गरे रामद्वय

    रामद्वय अर्थात् रामचन्द्र झा र रामकुमार शर्मा पहिलो पटक होइन, क्रमश दोस्रो र तेस्रो पटक माओवादी केन्द्रमा प्रवेश गरेका हुन्। पार्टी प्रवेशका...

  • किन पक्राउ पर्दैनन् गिरोह-नाइके मनोज पुन?

    ‘उसको सहयोगीको प्रारम्भिक बयानले मनोज पुनले यो बेल्टमा कसरी टेरर क्रिएट गरेको रहेछ भन्ने स्पष्ट पारेको छ’ अपराधिक समूहका नाइके पुनका एक सहयोगी...

  • खिम गन्धर्व

    उहिल्यै सारंगी लिएर चीनसम्म

    उनी पास भएर राज्यभिषेकमा सारंगी बजाउन दरबार त पुगे। तर खिमबहादुर गन्धर्व उसैगरी जिन्दगीका परीक्षाहरुमा सजिलै पास भएनन्। जीवनका थुप्रै परीक्षामा...