'भुँडे' बाँदरलाई राखियो डाइटमा



जंक फुड खाएर मोटाएको 'अंकल फ्याट'
जंक फुड खाएर मोटाएको 'अंकल फ्याट'
एपी

थाइल्याण्डमा आफ्नो स्वभाविक तौलभन्दा झण्डै तीन गुणा बढी मोटाएको एक जँगली बाँदरलाई पक्रेर डाइटमा राखिएको छ। ‘अंकल फ्याट’ उपनाम पाएको सो बाँदरको फोटो सोसल मिडियामा भाइरल भएपछि पक्रिएको बताइएको छ।

थाइल्याण्डमा जंगली बाँदरहरुहरुलाई पर्यटकहरुले खाना दिने गरेको र बढी जंक फुड खाएको कारण अंकल फ्याट मोटाएको बताइएको छ। साधारणतया सो जातिको बाँदर ९ किलो हाराहारी हुनेमा अंकल फ्याट भने २६ किलोको बनिसकेको थियो।

मानिसले सीधै दिएका खानेकुरा मात्र नभई अंकल फ्याटलाई अरु साना बाँदरले पनि खानेकुरा खोजेर ल्याइदिने गर्दथे। ‘अरु बाँदर उसकहाँ खानेकुरा ल्याउँथे र ऊ ती सबैलाई खानेकुरा बाँडिदिन्थ्यो,’ हाल सो बाँदरको खानपानको हेरचाह गरिरहेका पशुचिकित्सक सुपाकर्ण केचोटको भनाइ एपीले उधृत गरेको छ, ‘लामो समय मानिसले दिएको खानेकुरा खाएपछि उसको पेटमा बोसो जम्यो र त्यसले ट्युमरको रुप लियो। जसले गर्दा मुटुरोग र मधुमेहको खतरा निम्तियो।’

१० देखि १५ वर्ष बीच उमेरको रहेको अंकल फ्याटलाई अहिले दैनिक मात्र ४०० ग्राम सन्तुलित खाना दिन थालिएको छ। पशुचिकित्सक सुपाकर्णका अनुसार केही महिनाको नियन्त्रणपछि उसलाई फेरि जंगलमा छोडिनेछ।

मानिसले जंगली जनावरलाई अस्वस्था खाना दिन नहुने सुपाकर्ण बताउँछिन्।

‘मानिसहरुलाई बाँदरलाई खाना दिन मनपर्छ, तर हामीलाई मनपर्ने जंक फुड र सोडाजस्ता खानेकुरा तिनलाई दिन हुँदैन। यो उनीहरुको स्वास्थ्यका लागि निकै खराब हुन्छ। यो पूरै समस्या मानिसले सिर्जना गरेको हो।’ सुपकर्ण बताउँछिन्।

बाँदरका लागि स्वस्थ खाना दिँदै सुपाकर्ण

बाँदरका लागि स्वस्थ खाना दिँदै सुपाकर्ण

एजेन्सी

प्रकाशित ८ जेठ २०७४, सोमबार | 2017-05-22 14:31:12

प्रतिकृया दिनुहोस

Loading...
Loading...

विचार

सुखद शुक्रबार

ब्लग

NepalKhabar Tweets

विशेष

  • प्रचण्डले भने: म त सम्हालिएको छु, परिवारलाई सम्हाल्न गार्‍हो छ (भिडियो)

    युद्ध र शान्तिको नेतृत्व गरेकाले जतिसुकै ठूला घटना सहन गर्ने क्षमता आफूमा भएपनि एक पछि अर्काे गर्दै छोरा–छोरीको निधनका कारण परिवारलाई सम्हाल्न कठिन...

  • ओलीसँगै उमेश गिरि (बायाँ)

    जसले एमालेको दुई करोड ‘खाए’, तिनै गिरीले ओलीको हातबाट टीका लगाए

    सत्ता टिकाउन एमालेसँग दुई करोड माग गरेको आरोप लागेका कांग्रेसका चर्चित नेता उमेश गिरी अन्तत एमालेमै प्रवेश गरेका छन्। सोमबार विहान बिराटनगरमा...

  • सिंहदरबार परिसर

    चुनावपछि मात्रै प्रदेशको अस्थायी राजधानी र गभर्नर

    आन्दोलन भएर निर्वाचनसमेत प्रभावित हुनसक्ने भन्दै सरकार प्रदेशको अस्थायी राजधानी तोक्ने र गभर्नर नियुक्त गर्ने कार्यबाट पछि हटेको छ। दुवै काम अब...

  • प्रकाशको निधनमा शंका छैन, छानविन गर्नुपर्दैन: प्रचण्ड

    ‘ज्वरो सामान्य नै थियो। त्यसलाई हामी सबैले सामान्य नै ठान्यौं। तर ज्वरो नघटेकाले आइतबार उपचार गर्न जाने योजना थियो। यदि ज्वरो नघटेको भए आइतबार...