इंग्लिस प्रिमियर लिग खेल्ने यी खेलाडीको सपना विमानसँगै समुद्रमा डुब्यो



Kshamadevi Group


सला
सला

कार्डिफ सिटीसँग सम्झौता भएपछि उनी प्रिमियर लिग खेल्न पाउनेमा ढुक्क थिए। त्यसदिन उनी निकै खुशी थिए।

किनभने फ्रान्सको ए डिभिजन लिग क्लब नान्ट्सबाट साढे तीनवर्ष खेलिसकेर ४८ गोल गरेपछि मात्र प्रिमियर लिगले उनलाई पहिचान गरेको थियो। उनी थिए अर्जेन्टिनी २८ वर्षीय खेलाडी इमिलियाना सला। जसले गत जनवरी १९ तारिखमा कार्डिफ सिटीसँग साढे ३ वर्षको लागि सम्झौता गरेका थिए।

कार्डिफसँगै उनलाई वेस्टह्याम, एभर्टन, लेस्टर सिटी, क्रिस्टल प्यालेस, फुलहाम तथा साउथह्याम्टनले अनुबन्ध गर्न चाहेका थिए। सला कार्डिफले कीर्तिमानी महँगो खेलाडी बन्ने निधो गरे। सला र कार्डिफबीच १५ मिलियन पाउण्डमा सम्झौता भयो।

१९ जनवरीमा कार्डिफसँगको सम्झौतासँगै उनले ट्वीटमा लेखेका थिए,‘मलाई आनन्दको अनुभूति भइरहेको छ, म मेरा नयाँ साथीहरुलाई भेट्न, उनीहरुसँग अभ्यास गर्न र खेलमा समावेश हुन् पर्खिन सकिरहेको छैन्।’

सोही दिन उनले अर्को ट्वीटमा भनेका थिए,‘मलाई थाहा छ चुनौती निकै ठूलो छ। तर, एक भएर हामी सपनालाई पूरा गर्नसक्छौं।’

उनले ट्वीटरमै आफ्ना नान्ट्सका साथीसँग विदाइ गरेका तस्बिर समेत सार्वजनिक गरे। क्याप्सनमा फ्रान्सेली शब्द ‘च्याओ’ लेखिएको थियो। जसको अर्थ ‘अलविदा, फेरि भेटौला’ हो।

तर उनी यसरी विदा भए। अब उनी कहिल्यै फर्किने छैनन्। उनी सधाका लागि अलविदा भए।

कार्डिफसँग सम्झौता भएको दुई दिनपछि २१ जनवरीमा एक विमान दुर्घटनामा परी उनको निधन भयो। विमान दुर्घटनासँगै २५ वर्षदेखिको त्याग, मिहिनेत, संघर्ष त्योभन्दा बढी उनको सपना पलभरमै चकनाचुर भयो।

१९ तारिखमा मेडिकल गरिसकेपछि उनी अन्तिम पटक पुराना साथीहरुसँग भेट्न फ्रान्स पुगेका थिए। उनलाई आगामी खेलमा उपस्थित हुन खबर गरिसकिएको थियो। उनी २१ तारिखमा अभ्यास खेलमा पुग्ने लक्ष्यका साथ लाइट विमानमा फ्रान्सबाट वेल्सका लागि उडे। उनी चढेको विमान विमान एल्डनी टापुबाट सम्पर्क विहिन भयो। अधिकारीहरुले समुद्रमा विमान डुबेको आशंका गरे।

उनी भेटिने आशा सकिएको समाचारहरु प्रवाह भए। तर अर्जेन्टिनी कप्तान लियोनल मेस्सी अर्जेन्टिनाका राष्ट्रपतिले फ्रान्स र वेलायतलाई खोजी जारी राख्द दबाब दिए। हेलिकप्टर, पानीजहाज, पानी मुनी समेत खोजी तिव्र पारियो। फेब्रुअरी ४ तारिखमा विमान फेला पर्यो। फेब्रुअरी ७ मा सलाको लास भेटियो।

विश्व फुटबल जगत यतिबेला सलाको निधनको शोकले स्तब्ध छ।

अर्जेन्टिनी जन्म, फ्रान्सेली पहिचान

इमालियानो सला सन् १९९० अक्टोबर ३१ मा अर्जेन्टिनामा जन्मिएका थिए। यद्यपी उनले पहिचान फ्रान्समा बनाए। सन् १९९४ अर्थात् ४ वर्षको उमेरदेखि सला फुटबलमा लागेका थिए। उनको पहिलो क्लब अर्जेन्टिनाको क्लब सान मार्टिन डि प्रोगेसो थियो।

उनले सन् २०१२ को सिजनदेखि फ्रान्समा पाइला टेके। सन् २०१२–२०१३ को सिजनमा ओलियन्स क्लबबाट खेलेका उनले त्यस सिजन १९ गोल गरे। त्यसपछि उनी अर्को फ्रान्सेली क्लब निर्टोमा सन् २०१३ देखि २०१४ मा अनुबन्ध भए। उनले त्यस अवधिमा २० गोल गरे।

त्यसपछि बल्ल उनी ए डिभिजन लिगमा प्रवेश गरे। उनले सन् २०१४ र २०१५ को सिजनमा दुइवटा क्लब परिवर्तन गरे। बोर्डिअक्सबाट १२ खेलमा एक गरेका सलाले किन क्लबबाट १३ खेलमा पाँच गोल गरे।Image result for emiliano sala with trophy

सन् २०१५ को सिजनबाट भने सला फ्रेन्च लिग वानमा चम्किन थाले। सन् २०१५ मा नान्ट्समा अनुबन्ध भएपछि उनी गत जनवरीसम्म त्यहीकै खेलाडी थिए। त्यस अवधिमा उनले ४८ गोल गरे। फ्रान्सेली बसाइमा सलाको खेललाई वेलायती जेमी भार्डि र अर्जेन्टिनी कार्लोस टेभेजसँग तुलना गरिन्थ्यो।

कार्डिफ सिटीमा अनुबन्ध भएर प्रिमियर लिग खेल्ने पक्का भएपनि उनले त्यो सपना पुरा गर्न पाएनन्। सलाको जन्म अर्जेन्टिनामा भएपनि उनलाई पहिचान फ्रान्सले दियो। तर, वेलायती पहिचानको सपना भने पुरा हुन पाएन।

प्रकाशित २९ माघ २०७५, मंगलबार | 2019-02-12 12:16:20
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • चीनको वुहानमा गत वर्ष अनौपचारिक वार्तामा सी र मोदी

    भारतविना बेइजिङको बीआरआई बहस

    दुई वर्षअघि बीआरआईमा सहभागिता जनाएको नेपालले यसपाली राष्ट्रपति सहितको टोली बेइजिङ पठाउँदा दिल्ली चुपचाप छ।

  • काठमाडौंमा भएको नेपाल–चीन पारवहन प्रोटोकल तयारी बैठक

    चीनसँगको पारवहन ‘प्रोटोकल’ कसरी कार्यान्वयन हुन्छ?

    मन्त्रालयका सहसचिव तथा आपूर्ति वाणिज्य महाशाखा प्रमुख नवराज ढकाल प्रोटोकल हस्ताक्षरसँगै कार्यान्वय अघि बढ्ने बताउँछन्।

  • एनआरएनका पौडी खेलाडी नाथन दोर्जे शेर्पाले सुरुवाती दुई दिनमा तीन स्वर्ण जितिसके

    नाथनले बढाएको एनआरएनएको शान

    ९ देशका २४ खेलाडी सहभागी गराएको एनआरएनएले ६ दिनसम्म पनि कुनै स्वर्ण जित्न नसकेको अवस्थामा नाथनले लगातार दुई दिनमा तीन स्वर्ण जित्दै एनआरएनएको शान...

  • विप्लव र गुण्डा समूहका योजना अब प्रहरीको पहुँचमा

    ‘घटना पूर्वका महत्वपूर्ण सूचनाका लागि सूत्र परिचालनको खाका निर्देशिकामा छ। निर्देशिकाको अवधारणा भनेको परिचालन भएका सूत्रलाई बैधानिकता दिने र...