भुवन कार्कीको धारमा धनगढी धराशायी, डीपीएलमा लगातार दोस्रो हार



Kshamadevi Group


धनगढी स्टार्स
धनगढी स्टार्स
सलमान साह

घरेलु टोली धनगढी स्टार्सले रुस्लान धनगढी प्रिमियर लिग(डीपीएल)को तेस्रो संस्करणमा लगातार दोस्रो हार ब्यहोरेको छ।

फाप्ला क्रिकेट मैदानमा मंगलबार सम्पन्न खेलमा सिवाइसी अत्तरियासँग रोमाञ्चक खेलमा ५ रनले पराजित हुदैँ धनगढीले दोस्रो हार ब्यहोरेको हो। यसअघि सोमबार भएको पहिलो खेलमा धनगढी काठमाडौं गोल्डेन्ससँग ४ विकेटले पराजित भएको थियो।

अत्तरियाले दिएको ९६ रनको सामान्य लक्ष्य पछ्याउँदै ब्याटिङ थालेको धनगढीलाई भुवन कार्कीले धारिलो बलिङ गर्दै धराशायी बनाएका थिए। 

भुवनले चार ओभरको स्पेलमा १० रनमात्रै खर्चेर ४ विकेट लिएपछि धनगढीले निर्धारित २० ओभरमा ९ विकेट गुमाएर ९० रनमात्रै बनाउन सक्यो। 

इनिङ्सको दोस्रो ओभरमा सन्नी पटेलले अत्तरियाका लागि लगातार दुई विकेट लिदैँ धनगढीमाथि दबाब थपेका थिए। दोस्रो ओभरको चौथो बलमा सन्नीले धनगढीका ओपनर सुनिल धमला(४) लाई बोल्ड पारे भने पाँचौ बलमा ओपनर अमित श्रेष्ठलाई खाता नै खोल्न नदिई कट एण्ड बोल्ड पारे।

तेस्रो विकेटका लागि रोहन मुस्तफाले सन्दीप रजालीसँग गरेको २९ रनको साझेदारी अत्तरियाका कप्तान दीपेन्द्रसिंह ऐरीले तोडे। ऐरीले आठौं ओभरको अन्तिम बलमा रोहन मुस्तफा(१८)लाई बोल्ड पारेका थिए। २७ बल खेलेका रोहनले २ चौका प्रहार गरे।

लगत्तै अर्को ओभरमा भुवन कार्कीले पवन सरार्फलाई खाता नै खोल्न नदिई सन्नी पटेलको हातबाट क्याच गराए। सोमपालले बाह्रौं ओभरको अन्तिम बलमा दीपेन्द्र रावतलाई छक्का प्रहार गर्दै टोलीको स्कोर बढाउने प्रयास गरेपनि लगत्तै तेह्रौ ओभरमा भुवन कार्कीले सोमपाल(१०)लाई सन्नी पटेलको हातबाट क्याच गराए।

सत्रौं ओभरमा भुवनले नै अमिर हायात(४)लाई दोस्रो बलमा एलबिडब्लु र तेस्रो बलमा सौरभ खनाललाई दीपेन्द्र ऐरीको हातबाट खाता नै खोल्न नदिई क्याच गराएपछि सिवाइसी खेलमा हावी भएको थियो।

त्यसअघि फाप्ला क्रिकेट मैदानमा जारी खेलमा रोहन मुस्तफाले ४ ओभरको स्पेलमा १४ रनमात्रै खर्चेर २ विकेट लिएपछि अत्तरियाले निर्धारित २० ओभरमा ५ विकेट गुमाएर ९५ रनमात्रै बनाउन सकेको थियो।

यसअघि सोमबार भएको धनगढीको पहिलो खेलमा काठमाडौं गोल्डेन्सविरुद्ध पनि चार विकेट लिएका रोहनले अत्तरियाका ओपनरद्वय जयकिशन कोल्सावाला र सुवेन्दु पाण्डेलाई पवेलियन फर्काउनुका साथै सन्दीप जोराको उत्कृष्ट क्याच समातेका थिए। 

डीपिएलको अघिल्लो संस्करणका म्यान अफ द सीरिज समेत रहेका मुस्तफाले सुरुवातदेखि नै अत्तरियाविरुद्ध दबाब कायम राखेका थिए। फलस्वरुप अत्तरियाको सुरुवात निकै सुस्त रह्यो। जयकिशन कोल्सावालले २१ रनको पारी खेलेपनि अर्का ओपनर सुवेन्दु पाण्डेले उनलाई साथ दिन सकेनन्। 

जयकिशन कोल्सावालाले तेस्रो ओभरमा सोमपाल कामीलाई छक्का र पवन सर्राफलाई पाँचौ ओभरमा चौका प्रहार गरेका थिए। २६ बल खेलेका कोल्सावालालाई रोहन मुस्तफाले छैटौं ओभरको चौथो बलमा कट एण्ड बोल्ड पारे।

आठौं ओभरमा पाण्डेलाई मुस्तफाले नै ३(१५ बल) रनमा एलबीडब्लुको सिकार बनाए। आठौं ओभरमा सुरुवाती दुई विकेट गुमाएपछि क्रिजमा आएका अत्तरियाका कप्तान दीपेन्द्रसिंह ऐरी पनि दबाबका बीच खुलेर खेल्न सकेनन्।

१३औं ओभरमा दीपेन्द्र(११) पनि विपिन खत्रीको बलमा विकेटकिपर राजु रिजालको हातबाट क्याच भए। अत्तरियाले विकेट गुमाउने क्रम जारी राख्यो।

पन्ध्रौं ओभरमा प्रेम तामाङ(१२) अमिर हायातबाट बोल्ड भए। ४५ रनको स्थितीमा क्रिजमा आएका सन्नी पटेलले अत्तरियाको पारी अघि बढाए।

सन्नी पटेलले २८ बलमा ३५ रनको पारी खेल्दै अत्तरियाको स्कोर ९५ रनमा पुर्याएका हुन्। उनी २ चौका र २ छक्का प्रहार गर्दै अविजित रहे।

मुस्तफासँगै धनगढीका लागि सोमपाल कामी, विपिन खत्री र अमिर हायातले समान १-१ विकेट लिए। 

प्रकाशित २९ माघ २०७५, मंगलबार | 2019-02-12 09:37:43
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • चीनको वुहानमा गत वर्ष अनौपचारिक वार्तामा सी र मोदी

    भारतविना बेइजिङको बीआरआई बहस

    दुई वर्षअघि बीआरआईमा सहभागिता जनाएको नेपालले यसपाली राष्ट्रपति सहितको टोली बेइजिङ पठाउँदा दिल्ली चुपचाप छ।

  • काठमाडौंमा भएको नेपाल–चीन पारवहन प्रोटोकल तयारी बैठक

    चीनसँगको पारवहन ‘प्रोटोकल’ कसरी कार्यान्वयन हुन्छ?

    मन्त्रालयका सहसचिव तथा आपूर्ति वाणिज्य महाशाखा प्रमुख नवराज ढकाल प्रोटोकल हस्ताक्षरसँगै कार्यान्वय अघि बढ्ने बताउँछन्।

  • एनआरएनका पौडी खेलाडी नाथन दोर्जे शेर्पाले सुरुवाती दुई दिनमा तीन स्वर्ण जितिसके

    नाथनले बढाएको एनआरएनएको शान

    ९ देशका २४ खेलाडी सहभागी गराएको एनआरएनएले ६ दिनसम्म पनि कुनै स्वर्ण जित्न नसकेको अवस्थामा नाथनले लगातार दुई दिनमा तीन स्वर्ण जित्दै एनआरएनएको शान...

  • विप्लव र गुण्डा समूहका योजना अब प्रहरीको पहुँचमा

    ‘घटना पूर्वका महत्वपूर्ण सूचनाका लागि सूत्र परिचालनको खाका निर्देशिकामा छ। निर्देशिकाको अवधारणा भनेको परिचालन भएका सूत्रलाई बैधानिकता दिने र...