भूकम्पपछि दशरथ रंगशालामा पहिलो पटक अन्तर्राष्ट्रिय फुटबल प्रतियोगिता हुँदै



Kshamadevi Group


प्रतियोगिताबारे जानकारी दिदैँ अायोजक
प्रतियोगिताबारे जानकारी दिदैँ अायोजक

२०७२ सालको महाभूकम्पपछि जिर्ण बनेको दशरथ रंगशालामा आउँदो माघमा पहिलो पटक अन्तर्राष्ट्रिय प्रतियोगिता हुने भएको छ।

मदन भण्डारी स्पोर्टस एकेडेमीको आयोजनामा माघ ९ गतेदेखि १९ गतेसम्म ‘मदन भण्डारी इन्टरनेशनल फुटबल प्रतियोगिता–२०१९’ हुन लागेको हो।

भूकम्पले रंगशालामा जिर्ण भएपछि पुर्ननिर्माणको काम भईरहेकाले कुनैपनि प्रतियोगिता हुन सकेका थिएनन्। प्रतियोगितामा नेपालका रातो र निलोसहित दक्षिण कोरिया, भुटान, बंगलादेश, भारत, थाइल्याण्ड र चीनका टोलीहरु सहभागी हुने आयोजकले जनाएको छ।
आयोजक समितीका सदस्य तथा अखिल नेपाल फुटबल संघ(एन्फा)का मानार्थ अध्यक्ष टासी घलेले आफूहरुले ती देशलाई सके राष्ट्रिय टोली नभए यू–२३ स्तरको टोली पठाउन भनेको बताए।

‘रंगशालामा भूकम्पले क्षति पुगेपछि नेपालमा विदेशी टोली आएर खेलेका छैनन्,’ घलेले भने, ‘यस प्रतियोगिताले नेपाललमा पुनः विदेशी टोली ल्याएर खेल्ने वातावरण निर्माण गर्दैछ। आगामी वर्षहरुमा एन्फाको वार्षिक क्यालेन्डरमै राखेर प्रतियोगितालाई नियमितता दिइनेछ।’

पहिलो पटक आयोजना हुन लागेको प्रतियोगिता एक करोड पचास लाखको लागतमा हुन लागेको आयोजकले जनाएको छ। प्रतियोगिताको विजेताले २५ हजार अमेरिकी डलर तथा उपविजेताले १० हजार अमेरिकी डलर पाउनेछन्।

यस्तै उत्कृष्ट गोलकिपर, उत्कृष्ट डिफेन्स, मिडफिल्ड र प्रशिक्षकलाई समान १–१ हजार अमेरिकी डलर प्रदान गरिने आयोजकले जनाएको छ।

तयार हुन्छ त दशरथ रंगशाला?

आयोजकले दशरथ रंगशालामा खेल गर्ने घोषणा गरेपनि पुर्नः निर्माणको काम चलिरहेकाले निर्धारित समयमा खेल हुने हो कि हैन् भन्ने शंका छ।

तर, आयोजक कमिटीका अध्यक्ष समेत रहेका एकेडेमीका अध्यक्ष विनोद भण्डारी भने ९९ प्रतिशत खेल दशरथ रंगशालामै हुने एक प्रतिशत नभएर विकल्प खोजिने बताउँछन्।

‘हामीले पटक–पटक राष्ट्रिय खेलकुद परिषद्का सदस्यसचिवसँग कुराकानी गरेका छौं,’ श्रेष्ठले भने, ‘उहाँहरुले दशैपछि रंगशाला तयार हुने प्रतिबद्धता जनाएपछि हामीले यसअघि नै गर्न लागेको प्रतियोगिता पछि सारेका हौं। आफूहरुको जनशक्ति प्रयोग गरेर भएपनि प्रतियोगिता रंगशालामै गराउँछौं।’

यसअघि एकेडेमीले सेप्टेम्बरमा प्रतियोगिता आयोजना गर्ने भनेपछि रंगशाला निर्माण भइनसक्ने भएकाले जनवरीका लागि मिती तय गरेको थियो। आफूहरुले अन्तर्राष्ट्रिय प्रतियोगिता गर्ने भएपछि सम्बन्धित निकायले रंगशाला निर्माणमा तदारुपता देखाउने विश्वास लिएको छ।

‘हामीले दशरथ रंगशाला निर्माणमा सम्बन्धित पक्षलाई दबाब होस भन्नाले पनि प्रतियोगिता रंगशाला मै आयोजना गर्ने दृढता व्यक्त गरेका छौं,’ श्रेष्ठले भने, ‘हाम्रा एकेडेमीका कार्यकर्ता परिचालन गरेर भएपनि त्यही स्थानमा प्रतियोगिता सम्पन्न गर्न दृढ छौं।’

मदन भण्डारी स्पोर्टस एकेडेमीले विभिन्न खेलकुद कार्यक्रमहरु आयोजना गर्दै आएको छ। यसअघि एकेडेमीले बुटवलमा १५ लाख राशीको गोल्डकपपनि आयोजना गरिसकेको छ।

प्रकाशित २९ भदौ २०७५, शुक्रबार | 2018-09-14 16:37:34
Max TV
Max TV
Vianet

नेपालखबरबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • अपहरण धन्दाका खुँखारहरुः भीमसेन पण्डित, उदय सेट्टी, अमर टण्डन र रोहित पालिवाल

    खुँखार अपहरणकारी पण्डितले सेट्टी भेट्न किन पठाए जेलमा दूत?

    अपहरण र फिरौतीलाई व्यवस्थित र व्यवसायिक बनाएका भिमसेन पण्डित, अमर टण्डन र उदय सेट्टीले एक अर्काबीच सम्पर्क बढाइरहेको गोप्य सूचना प्रहरीले पाएको छ।

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...