गोल्डन बुट र प्रतिष्ठाको लडाइँ (बेल्जियम भर्सेस इंग्ल्याण्डः प्रिभ्यू)



Kshamadevi Group


लुकाकु र केन
लुकाकु र केन

विश्वकपमा आज राति पौनै आठ बजे हुने खेल इंग्ल्याण्ड र बेल्जियम दुबै टोलीले खेल्न चाहेका थिएनन् तर सेमिफाइनलमा स्तब्ध बनेपछि उनीहरु विश्वको तेस्रो उत्कृष्ट टोली बन्न प्रतिस्पर्धा गर्दैछन्।

स्वर्णिम पुस्ता मानिएको बेल्जियम र युवा टोली इंग्ल्याण्डले सेमिफाइनल अघि समर्थकको मन जितेका थिए। तर, सेमिफाइनलमा क्रमशः फ्रान्स र क्रोएशियाले उनीहरुका समर्थकलार्इ निराश बनाई दिए।

सन् १९९० पछि पहिलोपटक सेमिफाइनलमा पुगेको इंग्ल्याण्डको युवा टोलीप्रति समर्थकहरुले अन्तिम चारमा पराजित भएपनि सम्मान दर्शाइसकेका छन्। त्यसबेला तेस्रो स्थानका लागि भएको खेलमा इटालीसँग २–१ ले पराजित हुँदै चौथो बनेको इंग्ल्याण्डसामु २८ वर्षपछि पुरानो नतिजालाई उछिन्ने मौका छ। 

बेल्जियमको स्वर्णिम पुस्ता सन् २०१४ को विश्वकपमा अर्जेन्टिनासँग र लगत्तै २०१६ को यूरोकपमा वेल्ससँग क्वार्टरफाइनलमा पराजित हुँदै निराश बनेको थियो। यसविश्वकपमा पनि सामुइल उटिटि(फ्रान्स)को हेडर उनीहरुको फाइनल यात्राको तगारो बन्यो।

बेल्जियमको स्वर्णिम पुस्ताको लागि तेस्रो स्थान प्रतिष्ठाको खेल हुनेछ। यसअघि सन् १९८६ मा तेस्रो स्थानका लागि खेलेको बेल्जियम फ्रान्ससँग ४–२ले पराजित हुँदै निराश बनेको छ।बेल्जियमलाई आज उक्त नतिजालाई उछिन्ने मौका छ नत्र उनीहरुसँग यस विश्वकपमा ब्राजिललाई पराजित गर्नु बाहेकको केही सम्झना हुनेछैन्।

प्रशिक्षकका भनाई
यस विश्वकपमा इंग्ल्याण्ड र बेल्जियम दोस्रो चोटी भिड्दैछन्। एउटै समूहका यी टोली समूह जीको अन्तिम खेलमा प्रतिस्पर्धा गर्दा बेल्जियमले इंग्ल्याण्डलाई १–०ले पराजित गर्दै पराजित गर्दै समूह विजेता बनेको थियो।

इंग्ल्याण्डका प्रशिक्षक गेराथ साउथगेटलाई क्रोएशियाविरुद्ध सुरुवाती अग्रता लिएपनि सेमिफाइनलको अतिरिक्त समयमा भोग्नुपरेको पराजयले अझै छाडेको छैन्।

उनी भन्छन्, ‘भावनात्मक रुपमा हाम्रा लागि पछिल्ला दिनहरु निकै अप्ठारा रहे तर यी खेलाडीहरु उत्कृष्ट छन्। उनीहरुसँग इच्छा र सामथ्र्य छ। हामी सकरात्मक रुपमा प्रतियोगिता अन्त्य गर्न चाहान्छौं।’

सेमिफाइनलमा फ्रान्ससँग पराजित भएपछि आफूहरुको न्यूनतम लक्ष्य कास्यपदक हासिल गर्नु रहेको भन्दै बेल्जिमका प्रशिक्षक रोबिर्टो मार्टिनाज् इंग्ल्याण्डको सामना गर्न आफूहरु तयार रहेको बताउँछन्।

उनले भने, ‘सेमिफाइनलको पराजयसँगै हाम्रा लागि यो महत्वपूर्ण खेल बनेको छ। जसले पनि देशलाई उपलब्धि दिलाउन चाहान्छ। यो बेल्जियमको उत्कृष्ट टोली हो र उनीहरु प्रदर्शन गर्न तयार छन्।’

गोल्डन बुटको होड
यो खेल तेस्रो स्थानको भिडन्त हुनुका साथै गोल्डनबुुटको भिडन्त पनि हो। इंग्ल्याण्डका कप्तान ह्यारी केन र बेल्जियमका स्ट्राइकर रामेलु लुकाकु उक्त होडमा छन्।

अहिलेसम्म रुस विश्वकपको सर्बाधक गोलकर्ता(६ गोल) इंग्ल्याण्डका ह्यारी केन हुन्। सन् १९८६ पछि इंग्ल्याण्डको पहिलो गोल्डनबुट विजेता बन्ने उनको लक्ष्य छ। त्यसबेला इंग्ल्याण्डका ग्यारी लिनेकेरले ६ गोल गर्दै गोल्डनबुट जितेका थिए। कोलम्बियासँग अन्तिम १६ मा पेनाल्टी मार्फत गोल गर्दै ह्यारीले उनीसँग बराबरी गरिसकेका छन्।

पछिल्ला तीन खेलमा ह्यारीको त्यही एउटा शटले मात्रै जाली चुमेको छ। त्यसयता ४ घन्टा ३३ मिनेट मैदानमा बिताइसकेपनि उनका सट टार्गेटमा नलाग्नुको निराशा उनमा छ। यसअघि नै ह्याट्रिक गरिसकेका केनले बेल्जियमविरुद्ध पुनः ह्याट्रिक गर्न सके १९७० पछि सर्बाधिक गोल(९ गोल) गर्ने खेलाडी उनी बन्नेछन्।

रामेलु लुकाकु ह्यारी केनको गोल्डनबुटको बाटोमा तगारो बनेका खेलाडी हुन्। उनी ४ गोल गर्दै ह्यारीलाई पन्छाइरहेका छन्। यो खेल ह्यारीलाई उछिन्ने उनको अन्तिम मौका हो। तर सुरुवाती दुई खेलमा लगातार दुई खेलमा लगातार दुई गोल गरेपनि यी स्ट्राइकरले पछिल्ला तीन खेलमा गोल गर्न सकेका छैनन्।

पछिल्ला तीन खेलमा गोल गर्न नसकेपनि लुकाकुले मार्टिनिज्को प्रशिक्षकत्वमा २३ खेल खेल्दै २३ गोल गरिसकेका छन्। उनी राष्ट्रिय टोलीबाट चार खेलमा गोलविहीन भएको रेकर्ड छैन्।

खेलका तथ्यहरु

  • यी दुईबीच यसअघि भएका २२ खेलमा इंग्ल्याण्डले २ खेलमात्रै हारेको छ। १५ खेल जितेको छ भने ५ बराबरीमा टुंग्गिएका छन्। 
  • २००२ मा टर्की र ब्राजिलपछि एउटै विश्वकपमा दुईपटक खेल्ने यी टोली हुन्। 
  • बेल्जियमले यसअघि १९८६ मा र इंग्ल्याण्डले १९९० मा तेस्रो स्थानका लागि भएको खेल हारेका छन्। 
  • प्रशिक्षक रोबिर्टो मार्टिनेजको प्रशिक्षकत्वमा बेल्जियमले पछिल्ला २६ मध्ये २ खेलमात्रै हारेको छ। २०१६ सेप्टेम्बरमा स्पेनसँग र यसविश्वकपको सेमिफाइनलमा फ्रान्ससँग। 
  • पछिल्ला तीन खेलमा गोल गर्न नसकेपनि लुकाकुले मार्टिनिज्को प्रशिक्षकत्वमा २३ खेल खेल्दै २३ गोल गरिसकेका छन्। उनी राष्ट्रिय टोलीबाट चार खेलमा गोलविहीन भएको रेकर्ड छैन्। 
  • पछिल्ला तीन खेलमा ह्यारीको कोलम्बियासँगको अन्तिम १६ को पेनाल्टीले मात्रै जाली चुमेको छ। त्यसयता ४ घन्टा ३३ मिनेट मैदानमा बिताइसकेपनि उनका सट टार्गेटमा लागेको छैन्।
प्रकाशित ३० असार २०७५, शनिबार | 2018-07-14 09:53:45
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV

प्रविधि

Hamro Patro
Classic Tech

NepalKhabar Tweets

विशेष

  • अपहरण धन्दाका खुँखारहरुः भीमसेन पण्डित, उदय सेट्टी, अमर टण्डन र रोहित पालिवाल

    खुँखार अपहरणकारी पण्डितले सेट्टी भेट्न किन पठाए जेलमा दूत?

    अपहरण र फिरौतीलाई व्यवस्थित र व्यवसायिक बनाएका भिमसेन पण्डित, अमर टण्डन र उदय सेट्टीले एक अर्काबीच सम्पर्क बढाइरहेको गोप्य सूचना प्रहरीले पाएको छ।

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...