Exclusive

नेदरल्याण्ड्स,अफगानिस्तान र स्कटल्याण्डसँग एक दिवसीय खेल्ने प्रस्ताव




नेपाली टोली
नेपाली टोली

नेपाली राष्ट्रिय क्रिकेट टोलीका प्रशिक्षक जगत टमटाले नेपालले अन्तराष्ट्रिय क्रिकेट काउन्सिल(अाइसीसी)सँग पहिलो एक दिवसीय अन्तराष्ट्रिय खेल्न अफगानिस्तान, स्कटल्याण्ड र नेदरल्याण्ड्सको प्रस्ताव गरेको बताएका छन्।

‘हामीले एक दिवसीय अन्तराष्ट्रिय मान्यता पाएपछि आइसीसीलाई पहिलो खेलका लागि स्कटल्याण्ड, अफगानिस्तान या नेदल्याण्ड्समध्ये एकसँग खेलाई दिन प्रस्ताव राखेको थियौं,’ टमटाले भने, ‘तर, आइसीसीले अन्यसँग नमिलेपछि नेदरल्याण्ड्ससँग खेल तय गरेको हो।’

स्कटल्याण्डले भने बजेट अभावका कारण नेपालसँग एक दिवसीय अन्तराष्ट्रिय खेलको आयोजना गर्न पछि हटेको हो। आफूहरुले प्रस्ताव गरेपछि आइसीसीले नै नेदरल्याण्ड्ससँग खेल्ने कार्यक्रम तय गरेको तर नेपालबाट भने पछि फलोअप नभएको टमटाले बताए।

नेपालले नेदरल्याण्ड्ससँग साउन १६ र १८ गते दुईवटा ऐतिहासिक एकदिवसीय खेल खेल्न लागेको हो। नेदरल्याण्ड्स क्रिकेट बोर्डका अनुसार नेदरल्याण्ड्सको भुरबर्ग सीसी र भिआरए मैदानमा ती खेलहरु हुनेछन्।

गत मार्चमा एक दिवसीय अन्तराष्ट्रिय मान्यता पाएपछि नेपालले नेदरल्याण्ड्ससँग पहिलो पटक एक दिवसीय अन्तराष्ट्रिय खेल खेल्न लागेको हो। जिम्बाबेमा भएको विश्वकप छनोटमा हङकङ र पपुआ न्यूगिनीभन्दा अघि रहँदै(८ औं स्थान) नेपालले एक दिवसीय अन्तराष्ट्रिय मान्यता पाएको थियो।

नेपालले उक्त सीरिजको बन्द प्रशिक्षणका लागि टोली समेत घोषणा गरिसकेको छ। वर्षाका कारण बन्द प्रशिक्षण केही प्रभावित भएपनि आफूहरु नियमित प्रशिक्षण गरिरहेको प्रशिक्षक टमटाले बताए।

‘पहिलो अन्तराष्ट्रिय खेल खेल्न सबै उत्साहित छन्,’ टमटाले भने, ‘हामीलाई पहिलो एक दिवसीय अन्तराष्ट्रिय खेल यादगार बनाउने चुनौती पनि छ। तयारी राम्रै भइरहेको छ। चार दिनपछि अन्तिम टोली घोषणा घोषणा गर्नेछौं।’

बन्द प्रशिक्षणमा कप्तान पारस खड्का सहित उपकप्तान ज्ञानेन्द्र मल्ल, बसन्त रेग्मी, शक्ति गौचन, दीपेन्द्र सिंह ऐरी, अनिल कुमार शाह, करण केसी, ललित भण्डारी, ललितनारायण राजवंशी, आरिफ शेख, रोहित कुमार पौडेल, सोमपाल कामी, सुनिल धमला, सुशन भारी र हरि क्षेत्री रहेका छन्।

शरद भेषवाकर अमेरिकाबाट र सन्दीप लामिछाने क्यानडाबाट सिधैँ लन्डन जानेछन्। विश्वकप छनोटपछि गर्भवती श्रीमती निशा अधिकारीलाई भेट्न अमेरिका प्रस्थान गरेका थिए। अमेरिकामै बुबा बनेका शरद हाल पूर्व राष्ट्रिय टोलीका मुख्य प्रशिक्षक पुबुदु दासानायकेको सहयोगमा अमेरिकामा भईरहेको वासिंङन्टन क्रिकेट लिग खेलिरहेका छन्।

यस्तै सन्दीप भने हाल क्यानडामा ग्लोबल क्यानडा टी–२० क्रिकेट प्रतियोगिता खेलिरहेका छन्। उनले मोन्ट्रोरल टाइर्गस टोलीबाट ४ खेल खेल्दै पाँच विकेट लिइसकेका छन्।

नेदरल्याण्ड्सका लागि भने २०१४ पछि यो पहिलो एक दिवसीय अन्तराष्ट्रिय खेल हुनेछ। त्यसबेला भएको विश्वकप छनोटमा उनीहरुले आफ्नो एक दिवसीय अन्तराष्ट्रियको मान्यता गुमाएका थिए। पुनः २०१५ देखि २०१७ सम्म चलेको विश्व क्रिकेट लिग च्याम्पियन्सको उपाधि हात पार्दै नेदरल्याण्ड्सले एक दिवसीय मान्यता हासिल गरेको थियो।

‘यो दुबै देशका लागि सानदार सीरिज हुनेछ,’ नेदरल्याण्ड्सका प्रशिक्षक रायन क्याम्पबेलले भने, ‘२०१४ मा हामीले मान्यता गुमाएपछिको र यो नेपालको पहिलो एक दिवसीय हो। यस्ता खेलहरुले हाम्रा युवा खेलाडीहरुको विकाशमा पनि मदत पुर्याउनेछ।’

त्यसअघि साउन १३ गते नेपालले इंग्ल्याण्डको लर्डसमा मेरिलेबन क्रिकेट क्लब(एमसीसी) र नेदरल्याण्ड्ससँग त्रिकोणात्मक टी–२० खेल्दैछ। त्यस लगत्तै दुबै टोली नेदरल्याण्ड्स प्रस्थान गर्नेछन्।

नेपाल र नेदरल्याण्ड्सले एक दिवसीय अन्तराष्ट्रिय मान्यता पाएको उपलक्ष्यमा एमसीसीले लर्डसमा उक्त प्रतियोगिता आयोजना गर्न लागेको हो। एससीसीको टोलीको कप्तानी श्रीलंकाका पूर्व कप्तान महिला जयबर्दनेले गर्दैछन्।

त्रिकोणात्मक सीरिजको पहिलो खेल स्थानिय समानुसार बिहान १० बजे र फाइनल खेल साँझ साढे ४ बजे सुरु हुने एमसीसीले जनाएको छ। कप्तान पारस खड्काले लर्डसमा हुने र नेदरल्याण्ड्समा हुने नेपालको खेल हेर्न आई नेपाली टोलीको समर्थन गरिदिन स्थानिय नेपालीहरुलाई अनुरोध गरेका छन्।

भिडियो

प्रकाशित २६ असार २०७५, मंगलबार | 2018-07-10 16:37:07
Max TV
Max TV
Vianet

नेपालखबरबाट थप


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • राजनारायण पाठक र लोकमानसिंह कार्की

    लोकमान–राजनारायणलाई टंगाल पठाएर सूर्यनाथको अपेक्षा?

    अख्तियारमा नियुक्ति पाउन लोकमानसिंह कार्कीले कति रकम खर्च गरेका थिए भन्ने गाइँगुइँ त्यसै चुहिएको छैन। राजनारायण पाठकले अवकाश पाउनासाथ अख्तियारमा...

  • राजनारायण पाठक

    अख्तियारकाे विशेष टाेलीले पाठकबिरूद्ध थाल्याे अनुसन्धान

    ७८ लाख रुपैयाँ घूस लिने अख्तियार दुरुपयोग अनुसन्धान आयोगका तत्कालीन आयुक्त राजनारायण पाठकबिरुद्ध आयोगले नै छानबिन अघि बढाएको छ।

  • सर जिम र्‍याटक्लिफे

    बेलायतका सबैभन्दा धनी व्यापारी ६ खर्ब कर जोगाउन देश छोड्दै

    युरोपेली संघबाट बेलायत अलग्गिने (ब्रेक्जिट) दिन नजिकिइरहेका बेला बेलायतकै सबैभन्दा धनी एक व्यक्ति भने आफ्नो व्यवसाय र सम्पत्तिसहित अर्कै देश सर्न...

  • केपी शर्मा ओली र कमल थापा

    कमल थापासँग ओलीले भने: ‘कांग्रेसले धोका दिन्छ है’ भनेको थिएँ, नपत्याउँदा नराम्रोसँग हार्नुभयो

    ‘गन्तव्य भए पो कम्पास काम लाग्छ, तर कांग्रेसको गन्तव्य नै छैन, कम्पासले कहाँ जाने भन्ने बाटो देखाउँछ, कहाँ जाने भन्ने नै थाहा नभएपछि कम्पासको के काम?’