डिभिजन टू को तयारी सुरु, शीर्ष २ भित्र अटाउनेमा कप्तान र प्रशिक्षक ढुक्क




नेपालका लागि एकदिवसीय विश्वकप छनोट खेल्ने अन्तिम विकल्पका रुपमा रहेको डिभिजन टू को तयारी नेपालले मंगलबारबाट सुरु गरेको छ। डिभिजन टू फेब्रअरी ८ देखि नामिबियामा सुरु सुरु हुँदैछ।

डिभिजन टू को शीर्ष २ मा रहने टोलीले यहीवर्ष जिम्बाबेमा हुने एकदिवसीय विश्वकप छनोट खेल्न पाउनेछन्। ६ टिम सहभागी डिभिजन टू को शीर्ष २ मा अटाउन नेपालले तयारी थालेको हो।

डिभिजन टूमा डिभिजन थ्रीबाट उक्लिएका दुई टोली क्यानडा र ओमान तथा विश्व क्रिकेट लिग च्याम्पियनसिपको पुछारका चार टोली नेपाल, केन्या, यूएई र नामिबिया छन्।

२०१५ मा नामिबियामा नै भएको डिभिजन दुईको शीर्ष चारमा अटाएको नेपाली टोलीले च्याम्पियनसिपमा स्थान बनाएको थियो। च्याम्पियसिपका शीर्ष चार टोलीले विश्वकप छनोट खेल्ने प्रावधान रहेपनि नेपाल ८ टोली समावेश प्रतियोगितामा ७ औं मा रहँदै डिभिजन टू खेल्न आइपुगेको हो।

‘दुई दिन अगाडी मात्रै विश्व क्रिकेट परिषद्(आइसिसी)ले अनुमति पठाए पश्चात हामीले तयारी थालेका हौ’ टोलीका प्रशिक्षक जगत टमटाले भने, ‘यसअघि प्रारम्भिक चरणमा घोषणा भएका २१ जना खेलाडीहरुको क्षमता विकासमा हामी अभ्यासरत छौ।’

नेपाली टोलीले १५ दिन घरेलु मैदानमा अभ्यास गर्ने भएको छ। शनिबार देखि अभ्यास खेलहरु खेल्ने तथा त्यस पश्चात थप अभ्यास खेलका लागि विदेश जाने नेपाली टोलीको योजना छ।

‘वैदेशिक अभ्यास प्रशिक्षणका दक्षिण अफ्रिका तथा दुबईका लागि हामीले आइसिसीलाई पत्राचार गरिसकेका छौ’ टमटाले भने, ‘आइसिसीको अनुमति दिए जनवरी २६ तारिखमा कम्तिमा २ अभ्यास खेलका लागि हामी विदेश जानेछौ।’

यु–१९ तथा घरेलु प्रतियोगितामा राम्रो लय पक्रेका खेलाडीहरु टोलीमा भएकोले टोली ब्यालेन्स रहेको उनले बताए। नेपाली क्रिकेट तथा खेलाडीहरुको करिअरसँग प्रतियोगिता जोडिएको बताउँदै टमटाले सम्पुर्ण खेलाडीहरुले आफूले पाएको जिम्मेवारी कुशलता पुर्वक निभाउने विश्वास व्यक्त गरे।

नामिबियाको कण्डिसनमा फास्टबलरलाई सहयोग पुग्ने भएकाले अन्तिम टोलीको घोषणा गर्दा उनीहरु प्राथमिकतामा पर्ने प्रशिक्षक टमटाले बताए।

‘अब एस्कुज गर्ने ठाउँ छैन’
बुधबार टीयू क्रिकेट मैदानमा अभ्यासरत नेपाली टोलीका कप्तान पारस खड्काले डिभिजन टू महत्वपुर्ण भएकाले तत्काल आफूहरुले क्षमता विकासमा ध्यान दिएको बताए।

नामिबियाको कण्डिसन फास्ट बलर अनुकुल भएकाले हाम्रा ब्याट्सम्यानलाई कसरी बढी भन्दा बढी फास्ट बलरहरुसँग खेलाउने भन्ने कुरामा ध्यान दिएको पारसले बताए।

‘डिभिजन टू मा एक हप्तामै सबै(५ खेल) हुन्छन्’ पारसले भने, ‘राम्रो क्रिकेट खेल्ने हो भने सबै टिमले एकअर्कालाई हराउन सक्छौ।’

विश्व क्रिकेट लिग च्याम्पियनसिपको शीर्ष चारमा पुग्न नसकेपनि राम्रो अनुभव बटुलेको बताउँदै उनले अब भने ‘एस्कुज’ दिने ठाँउ नभएको र खेलाडीहरुले राम्रो प्रदर्शन गर्नुपर्नेमा जोड दिए।

‘नेपाल क्रिकेटको आगामी दिनका लागि पनि हामीले राम्रो गर्नुपर्छ’ पारसले भने, ‘त्यो दबाव खेलाडीमा छ, अब खेलाडीले त्यो दबावलाई कसरी प्रदर्शनमा कन्भर्ट गर्ने हो त्यो सोच्नुपर्छ।’

बन्दप्रशिक्षणमा रहेका खेलाडीहरु:-

पारस खड्का (कप्तान), ज्ञानेन्द्र मल्ल, शरद भेषावकर, बसन्त रेग्मी, शक्ती गौचन, सोमपाल कामी, करण केसी, सन्दीप लामिछाने, दीपेन्द्र सिंह ऐरी, आरिफ शेख, दीलिप नाथ, सुनिल धमला, दीपेश श्रेष्ठ, ललित भण्डारी, सुसन भारी, सिद्दान्त लोहनी, अनिल कुमार शाह, रोहित पौडेल, किशोर महतो, ललित नारायण राजवंशी, रसिद खान

 

 

प्रकाशित २६ पुस २०७४, बुधबार | 2018-01-10 16:07:41


author photo

यज्ञराज जोशी नेपालखबर संवाददाता हुन्

@yagyasuman


प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • क्यान साधारणसभाको उद्घाटन समारोह

    ‘क्रिकेटको भविष्य उज्यालो भो’

    उद्घाटन समारोहका प्रमुख अतिथी युवा तथा खेलकुद मन्त्री जगतकुमार सुनार(विश्वकर्मा)ले पानसमा दियो बाल्दै थिए। दियो बलेर उज्यालो हुदै गर्दा मञ्चबाट...

  • छिङ्हाइ–तिब्बत रेल

    हिमाल-पार रेलमार्गको चिनियाँ अभिष्ट

    हिमाल पार गर्ने त्रिआयामिक सम्पर्क सञ्जाल खडा गर्ने चीनको अभिलाषा छ। नाका, रेलमार्ग, हवाइमार्ग, विजुली सञ्जाल, दूरसंचार लगायतका विविध क्षेत्रबाट...

  • बजार अनुगमन

    बजार अनुगमन अब स्थानीय तहबाट

    अगनुगमनमा स्वतः जानु भन्दा उजुरीलाई आधार मान्न जोड दिइएको निर्देशिकामा उपभोक्ताले कुनै सूचना उपलब्ध गराएमा, कुनै निकायले अनुगमन गर्न निर्देशन...

  • चीनसँग भयो यस्तो सहमति

    १०. केरुङदेखि काठमाडौँसम्मको नेपाल–चीन सीमापार रेलमार्ग तथा काठमाडौँ–पोखरा–लुम्बिनी रेलमार्गको डिपिआर तयार गर्ने तथा सम्भाव्यता अध्ययन गर्ने विषयमा...