जब जुलुसको नेतृत्व पृथ्वीनारायण शाहले गरे



तस्बिरः हरिराम उप्रेती/नयाँ पत्रिका
तस्बिरः हरिराम उप्रेती/नयाँ पत्रिका

पृथ्वीजयन्ती मनाउन गोरखा सदरमुकाममा स्थानीय भेला भइरहेका थिए। दौरा–सुरुवाल र श्रीपेच लगाएका ‘पृथ्वीनारायण शाह’ त्यहीँ आइपुगे। उनको हातमा तरबार र ढाल थियो। कम्मरमा पटुकी बाँधेर खुकुरी भिरेका। र्‍यालीका सहभागी उनैलाई हेर्न थाले।

गोरखा नगरपालिका–१ पँदेलीका ओमबहादुर श्रेष्ठ पृथ्वीजयन्ती मनाउन पृथ्वीनारायण शाहकै भेषमा आएका थिए। उनी र्‍यालीका आकर्षक बने। बाजागाजा अगाडि लगाएर, दायाँ हात उठाएर हिँड्दा उनी पृथ्वीनारायण शाहजस्तै देखिएका थिए। नक्कली पृथ्वीनारायण बनेका श्रेष्ठसँग तस्बिर खिचाउनेको भीड लाग्यो।

र्‍यालीमा उनीसँग तस्बिर खिच्न समय माग्नेलाई उनी ठट्यौली पारामा उत्तर दिन्थे, ‘पृथ्वीनारायण शाह मेरो बाजे हुन् ।’ पृथ्वीनारायणको जस्तै पोसाक बनाउन पाँच हजार लागेको श्रेष्ठले बताए। ‘काठको तरबार बनाएको छु, नाङ्लोलाई रङरोगन गरेर ढाल बनाएको छु,’ उनले भने, ‘सीप जानेको मान्छे, बाबियो र बिजुलीको बल्बले श्रीपेचको भवर बनाएको हुँ, श्रीपेचलाई रङ लगाएपछि उस्तै देखिएको छ।’

उनी पहिलोपटक यही वर्ष भएको नवौँ गोरखा महोत्सवमा पृथ्वीनारायणको भेषमा देखिएका थिए। त्यतिवेला धेरैले मन पराएपछि पृथ्वीजयन्तीमा पनि त्यही पहिरन लगाएको उनको भनाइ छ। ‘अब सार्वजनिक कार्यक्रममा यही पहिरन लाउँछु,’ उनले भने।
युवा पुस्ताले शाहलाई नभुलून् भनेर आफू शाहको भेषमा आएको उनले बताए। पृथ्वीनारायणको योगदानलाई ओझेलमा पार्ने गरी प्रचार हुन थालेको भन्दै उनले दुःख व्यक्त गरे। बजार परिक्रमा गरेर ¥यालीका सहभागीले पृथ्वीनारायण शाहको सालिकमा माल्यार्पण गरेका थिए।

जनस्तरबाट मनाइयो पृथ्वीजयन्ती
पृथ्वीनाराण शाहको जन्मस्थल गोरखामा उनको २९५औँ पृथ्वीजयन्ती जनस्तरबाटै विविध कार्यक्रम गरी मनाइएको छ। सरकारले कुनै औपचारिक कार्यक्रम नगरेपछि जनस्तरबाटै मनाइएको हो।

नेपाल एकीकरण गर्ने शाहको सम्झनामा सरकारले पृथ्वीजयन्ती मनाउन कुनै चासो नदिएको भन्दै कार्यक्रमका सहभागीले आक्रोश पोखेका थिए। उता राप्रपाको आयोजनामा बुधबार सदरमुकामको हरमटारीबाट बाजागाजासहित र्‍याली निक्लिएको थियो। र्‍याली गोरखा संग्रहालयस्थित पृथ्वीनारायण शाहको सालिक पुगेर सभामा परिणत भएको थियो। सरकारले पृथ्वीजयन्तीमा सार्वजनिक बिदा दिन कन्जुस्याइँ गरेको भन्दै कार्यक्रमका सहभागीहरूले चिन्ता जनाए।

‘पृथ्वीनारायण शाह राष्ट्रपिता हुन्, राष्ट्रपिताको सम्मानमा बिदा नदिनु नेपालीकै अपमान हो,’ गोरखा क्याम्पसका प्रध्यापक यदु अधिकारीले भने। आजको नयाँ पत्रिका दैनिकमा खबर प्रकाशित छ। राष्ट्रिय एकता, रक्षा र देशलाई अखण्ड राख्न राष्ट्रिय रूपमै एकता दिवस मनाउन राप्रपा जिल्ला अध्यक्ष भगवान मल्लले माग गरे।

प्रकाशित २८ पुस २०७३, बिहिबार | 2017-01-12 08:00:59

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • मधेसका कांग्रेसी

    राजधानीमा आयोजित प्रदेश नम्बर दुईको कांग्रेस भेलामा देखिएका अनुहार। भेलामा ८ जिल्लाका सभापति, सांसद र केन्द्रीय सदस्य लगायतका अगुवाहरु सहभागी छन्।

  • ‘दोक्लमबाट भारतीय र चिनियाँ सेना फर्किनु पर्छ’

    दोक्लम क्षेत्रमा झैँ आफूखुसी त्रिदेशीय सीमाको तथ्य बदल्ने अनुमति हामी चीनलाई दिन सक्दैनौँ। चीनलाई डोको लाबाट भुटानी सेनाको क्याम्प रहेको...

  • देउवा र पौडेल ( फाइल तस्विर )

    देउवाले भनेः पार्टीभित्रका अन्तर्घातीहरुलाई निकालिन्छ

    देउवाले अन्तर्घात गर्नेलाई पार्टीबाट निष्कासित गर्ने बताउँदै भने, ‘पहिलो र दोश्रो चरणको निर्वाचनमा पार्टीभित्र ठूलो अन्तर्घात भएको छ, अन्तर्घातीलाई...

  • निर्वाचन आयोग

    यस्तो छ प्रदेश नं. २ को निर्वाचन कार्यतालिका

    निर्वाचन आयोगले प्रदेश नम्बर २ को निर्वाचनको कार्यतालिका सार्वजनिक गरेको छ। बिहीबार आयोगले एक विज्ञप्ति प्रकाशित गर्दै आगामी असोज २ गते हुने...