मर्यादाक्रममा गाउँपालिकाका अध्यक्षसँगै राखिएपछि प्रमुख जिल्ला अधिकारीहरु असन्तुष्ट



मन्त्रिपरिषद् बैठक
मन्त्रिपरिषद् बैठक

सरकारले नयाँ मर्यादाक्रम सार्वजनिक गरेपछि देशभरीका प्रमुख जिल्ला अधिकारी (सिडिओ)ले आपत्ति जनाएका छन्।

उनीहरुले नयाँ मार्यादाक्रममा संघीय सरकारका प्रतिनिधिसमेत रहेका प्रजिअलाई स्थानीय तहका जनप्रतिनिधिसरह राखेर अपमान गरेको भन्दै आपत्ति जनाएका खबर आजको नागरिक दैनिकमा टपेन्द्र कार्कीले लेखेका छन्।

कानुन कार्यान्वयनको क्षेत्राधिकार, भौगोलिक, प्रशासनिक र न्यायिक क्षेत्रलाई समेत ध्यान दिएर मर्यादाक्रम सरकारले सिडिओ र स्थानीय तहका प्रतिनिधिलाई एउटै बास्केटमा राखेको भन्दै उनीहरुले आपत्ति जनाएका हुन्।

‘देशभरका सिडिओले यसमा आपत्ति जनाएका छन्। केहीले गृहसचिव सचिव प्रेमकुमार राईलाई भेटेर आपत्ति जनाएका छन् भने केहीले सहसचिव महादेव पन्थसँग फोनबाट आपत्ति जनाएका छन्। केहीले सहसचिव रामकृष्ण सुवेदीसमक्ष आपत्ति जनाएका छन्’, मन्त्रालय स्रोतले भन्यो।

सिडिओले न्यायपालिका, कार्यपालिका र व्यवस्थापकीय भूमिकासमेत निर्वाह गर्नुपर्छ तर जनप्रतिनिधि सबै त्यो भूमिकामा हुँदैनन्। त्यसकारण कानुन कार्यान्वयनका दृष्टिले पनि नयाँ मर्यादाक्रम सुझबुझ ढंगले नआएको भन्दै उनीहरुले असन्तुष्टि जनाएका हुन्।

‘सिडिओ कमजोर भयो भने मुख्यन्त्रीसम्मलाई सुरक्षा चुनौती हुनसक्छ। जिल्लामा कानुन कार्यान्वयनको प्रमुख जिम्मेवारी सिडिओकै हो। त्यसकारण कानुनी दृष्टिले पनि मर्यादाक्रमले मनोबल खस्किएको छ’, मन्त्रालयमा असहमति प्रकट गर्ने एक सिडिओले भने।

मर्यादाक्रम तयार पार्ने मन्त्रालयका सहसचिव पन्थ भने सिडिओहरुको गुनासो आउन थालेपछि आइतबारदेखि बिदामा बसेका छन्। ‘गुनासो आउन थालेको होला, मलाई थाह छैन, म बिदामा छु, केही समस्या देखिएको छ’, पन्थले भने, ‘गुनासो आउन सक्छ, आयो होला तर सरकारले यसलाई पास गरिसकेको छ।’

मर्यादाक्रममा संघीय सरकारका प्रतिनिधिसमेत रहेका प्रजिअलाई स्थानीय तहका जनप्रतिनिधिसरह राखेर अपमान गरिएको भन्दै असन्तुष्टि व्यक्त गत वर्षको माघ २६ गते सरकारले राष्ट्रपतिलगायत राष्ट्रिय जीवनका विभिन्न क्षेत्रमा रहेका व्यक्तिहरूको मर्यादाक्रम हेरफेर गरेको थियो।

त्यसमा गाउँपालिका अध्यक्षलगायत स्थानीय जनप्रतिनिधिलाई तल राखिएकोमा विवाद सिर्जना भएपछि अहिले फेरि मर्यादाक्रममा फेरबदल गरिएको हो। माद्द २६ मा मर्यादाक्रम सार्वजनिक भएपछि सिडिओहरुले राजनीतिक र प्रशासनिक दुईवटा मर्यादाक्रम बनाउन मन्त्रालयलाई सुझाव दिएका थिए। ‘हामीले क्षेत्राधिकारको कुरा उठाएका हौं।

गाउँपालिकाभित्र जनप्रतिनिधिलाई नै अगाडि राख्दा हुन्छ तर एउटा गाउँपालिकाको अध्यक्ष वा नगरपालिकको प्रमुखले जिल्लाभरको कानुन कार्यान्वयन, प्रशासनिक र न्यायिक क्षेत्रको नेतृत्व गर्ने अवस्था छैन। त्यसकारण हामीले आफ्नो क्षेत्राधिकारको विषयमा कुरा उठाएका हौं।

सिडिओ भनेको केन्द्रीय सरकारको प्रतिनिधि पनि हो त्यसकारण राजनीतिक र प्रशासनिक मर्यादाक्रम गरी दुईवटा बनाउन सुझाव दिएका थियौं’, एक सिडिओले भने। मन्त्रालयका सहसचिव पन्थले भने यस्तो सुझावबारे आफूलाई जानकारी नभएको बताए।

सरकारले केही दिनअघि सार्वजनिक गरेको मर्यादाक्रममा संवैधानिक आयोगका सदस्य र महानगरपालिकाका मेयरको स्थान एउटै छ। काठमाडौं महानगरपालिकाका मेयर र सरकारका मुख्यसचिवको मर्यादाक्रम एउटै छ। यसअघि सचिवभन्दा काठमाडौं महानगरपालिकाका मेयर एक तहमुनि थिए।

प्रकाशित २ माघ २०७५, बुधबार | 2019-01-16 05:47:04
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Mega Bank
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Mega Bank
Yeti Air
Yeti Air
Loading...

विचार

ब्लग

Max TV
Hamro Patro
Classic Tech

NepalKhabar Tweets

विशेष

  • घूस काण्डमा राजीनामा दिने पाठकलाई कसरी कारबाही?

    पाठकले हाकाहाक्की ७८ लाख घुस लिएको प्रकरण तेसै थन्किन्छ त? लेनदेन भएको आफैँमा प्रस्ट छ। यस सम्बन्धमा अतिरिक्त सुझबुझको आवश्यकता छ।

  • राजनारायण पाठक

    ‘ट्रिपल स्टिङ अपरेसन’मा परेका थिए पाठक

    अख्तियार दुरुपयोग अनुसन्धान आयोगका काम प्रभावकारी पार्ने एउटा माध्यम हो– स्टिङ अपरेसन।

  • पृथ्वीसुब्बा गुरुङ

    संघीय प्रणालीमा जो मूख्यमन्त्री हुन्छ उही पार्टी अध्यक्षः पृथ्वीसुब्बा गुरुङ (अन्तर्वार्ता)

    ‘नेपाल सरकारको मन्त्री हुन छाडेर यो पृथ्वीसुब्बा मूख्यमन्त्री बनेर बसिरहेको छ, संघीय सरकारले हेप्ने ठाउँमा छ भन्ने मलाई लागेकै छैन।’

  • देवी बनिन् त छयानब्बेकी मेरी आमा?

    ‘चौरासी गरिसकेपछि मानिसको देवत्वकरण हुन्छ, मानिसबाट देवतामा परिणत हुन्छन्’ भनेका थिए हाम्री आमाको चौरासी गर्ने एक पण्डितले। पण्डितको भनाइ मान्ने हो...