लुटिएको एटिएम कार्डले यसरी पुर्‍यायो प्रहरी हिरासतमा



तस्बिरमा देखिएका युवक ललितपुर कुमारीपाटीस्थित सिटिजन्स बैंकको एटिएम बुथमा प्रवेश गर्छन्।

कालो क्याप पछाडि फर्काएका र कानमा एयरफोन लगाएका ती युवक एटिएम कार्ड प्रयोग गरेर पैसा निकाल्ने कोसिसमा लाग्छन्। एकछिनको प्रयासमा पैसा ननिस्केपछि उनी त्यहाँबाट निस्कन्छन्।

केही बेरपछि पुनः सोही बुथमा प्रवेश गर्छन् र कागज हेर्दै पासवर्ड थिच्छन्। अधिकतम अंक थिचेर बढी पैसा निकाल्न खोज्दा रकम नपुगेको सन्देश आउँछ। तर ती युवक रकम निकाल्ने प्रयास रोक्न चाहँदैनन्।

उनी रकम घटाउँदैघटाउँदै निरन्तर अंक थिचिरहन्छन्। धेरैबेरको प्रयासपछि अन्ततः पैसा निकाल्न सफल हुन्छन्। सिसिटिभी फुटेजमा हेर्दा तीन हजार रुपैयाँ मात्रै निस्केको देखिन्छ। उक्त पैसा गोजीमा राखेर युवक एटिएम बुथबाट बाहिरिन्छन्।

ती युवकले प्रयोग गरेको एटिएम कार्ड उनको होइन। त्यो कार्ड लुटिएकी एक महिलाको हो। तिनको हाते ब्याग एटिएमसम्म पुगेर पैसा निकाल्ने युवकसमेत सम्मिलित ६ जनाको समूहले मंसिर १२ गते एक सार्वजनिक यातायातमा लुटेको हो। यो खबर आजको नागरिक दैनिकमा दीपेश केसीले लेखेका छन्।

लुटेको हाते पर्सभित्र एटिएम कार्ड र त्यसको पासवर्ड लेखिएको कागजसमेत भेटिएपछि सो समूहका एक सदस्य सानुकाजी तामाङ पैसा झिक्न एटिएम बुथमा पुगेका थिए। एटिएम र पासवर्डकै कारण लुटेरा समूह प्रहरीको नियन्त्रणमा पुगेको हो। सुरुमा सिसिटिभी फुटेजको सहयोगमा एटिएम बुथसम्म पुग्ने सानुकाजीलाई प्रहरीले नियन्त्रणमा लिएको थियो।

महानगरी प्रहरी वृत्त सातदोबाटोका प्रमुख डिएसपी गौतम मिश्रका अनुसार उक्त लुटेरा समूहले सार्वजनिक यातायातमा लुटपाटको धन्दा गर्दै आएको थियो।

पाँच÷छजनाको समूह बनाई बसमा चढ्ने र यात्रुलाई लुट्ने क्रम बढ्दै आएको थियो। उनीहरू विगतमा पनि लुटपाटका घटनामा संलग्न रहेको पाइएको डिएसपी मिश्रको भनाइ छ।

पक्राउ परेका सानुकाजी तामाङ, अम्बर तामाङ, अञ्जन तामाङ र विवेक लामालाई डाँकाचोरीको अभियोगमा मुद्दा दायर गरिएको छ। अन्यको खोजी भइरहेको प्रहरीको भनाइ छ।

यसरी लुटे
मंसिर १२ गते साँझ साढे ६ बजे ताल्छिखेलबाट ६ युवक चक्रपथमा घुम्ती सेवा दिने महानगर यातायातको बसमा चढे। उनीहरू बसमा रहेका कुनै न कुनै यात्रुलाई तारो बनाउने मौका हेरिरहेका थिए।

सुनको ब्रासलेट लगाएकी र आकर्षक झोला बोकेकी एक महिलामाथि उनीहरूको नजर प¥यो। उनीहरू ती महिलातर्फ अगाडि बढे। सानेपास्थित अस्पतालकी नर्स रहेकी उनलाई घेरामा पारियो।

कुसुन्तीमा पुग्दा ती महिलाले भाडा तिर्न भन्दै पर्सबाट रकम निकाल्न खोज्दै थिइन्, युवकहरूले लुटपाट थाले। हारगुहार गर्न थालेपछि उनलाई मार्ने धम्की दिइयो। हेर्दाहेर्दै हातमा लगाइएको सुनको ब्रासलेटसम्गै पर्स लुटियो।

बसका अरू यात्रु नभएका होइनन् तर कसैले प्रतिकार गर्ने साहस देखाएनन्। डरलाग्दा ती युवकहरूको त्यस्तो गतिविधिका कारण यात्रुहरू त्रस्त थिए। डकैती गर्ने समूहले महिलाको साथमा रहेको गहना, नगद त लग्योलग्योे, पर्समा रहेको व्यक्तिगत परिचय खुलाउने सामग्रीसमेत बाँकी राखेन।

प्रकाशित २० मंसिर २०७५, बिहिबार | 2018-12-06 08:01:25
Nepal Sarkar
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • पोखरामा चिनियाँ पर्यटक

    चिनियाँ पर्यटकलाई निःशुल्क भिसा: ३ बर्षमा १० अर्ब गुम्यो

    पर्यटक भित्र्याएर व्यापार घाटा कम गर्न प्रयासरत सरकारले सन् २०२० लाई नेपाल भ्रमण वर्ष घोषणा गरेको छ। यसको मुख्य लक्ष्य धेरै पर्यटक भित्र्याउनु हो।

  • विमानस्थलमा प्रहरीले पक्राउ गरेपछि युनुस र अन्य

    नक्कली नोटसँगै युनुस पक्राउ पर्दा झस्किए आईबी र ‘रअ’

    ‘पुराना रेर्कडहरू पल्टाउने काम भइरहेको छ। युनुसले नाम लिएका दुबै व्यक्ति पाकिस्तानी क्रिकेटर रहेछन्, नोट कारोबारी हुन कि होइनन् खुलेको छैन।’

  • प्रा.डा. चन्द्रमणि अधिकारी

    करमा दीर्घकालीन योजनाको खाँचो

    राज्य चलाउनलाई साधन र स्रोत चाहिन्छ। अहिले अर्थमन्त्री डा.युवराज खतिवडा बजेट निर्माणमा जुट्नुभएको छ।

  • रामबहादुर थापा र वामदेव गौतम

    नेकपामा नयाँ समीकरणः प्रचण्डले गौतम रोजेपछि ओलीले बादल अघि सारे

    कार्यविभाजनको विषयमा अध्यक्ष पुष्पकमल दाहाल ‘प्रचण्ड’, वरिष्ठ नेताद्वय माधवकुमार नेपाल र झलनाथ खनाल तथा सचिवालय सदस्यद्वय वामदेव गौतम र नारायणकाजी...