टेलिफोन गर्न पालोः फोन गर्दा १० र उठाउँदा ५ रुपैयाँ मिनेटको


Infocus



हातहातमा मोबाइलले देशभर ल्यान्डलाइनको प्रयोग त कम हुँदै गएको छ।

अझ इन्टरनेटले त एउटै घरका वल्लोपल्लो कोठामा संवाद हुन थालेको छ ।

तर, हुम्लाको नाम्खा गाउँपालिकास्थित लिमी गाउँका बासिन्दाले भने टेलिफोन गर्न पनि पालो कुर्ने गरेका छन्। 

‘एउटै फोन छ, जिमी क्षेत्रका तीन गाउँका बासिन्दाले फोन गर्नुपर्छ । पालो कुरेर बस्छौँ,’ स्थानीय निमाछिरिङ तामाङले भने, ‘त्यो पनि दिउँसो घाम लागेका वेला मात्रै चल्छ । बिहान, बेलुका र राति त कत्ति पनि काम गर्दैन।’ 

यो खबर हुम्लाबाट नरजन तामाङले आजको नयाँ पत्रिकामा यो खबर लेखेका छन्। 

लिमीमा नेपाल टेलिकमको एउटा भिस्याट फोन छ । त्यसकै भरमा सबैले खबर आदानप्रदान गरिरहेको स्थानीय कोलाप्साङ तामाङले बताए । यहाँ ९० भन्दा बढी परिवार बस्छन् । उनीहरू सबैले दिउँसो पालो कुरेर भिस्याटबाटै फोन गर्दै आएको कोलाप्साङले बताए ।

मध्यपश्चिमाञ्चल लक्षित गरी सञ्चालनमा आएको हेलो नेपालले दुई वर्षअघि लिमीको हल्जी गाउँमा टावर राखेको थियो । तर, फोन सञ्चालन गरिएन । अहिले पनि टावर बन्द अवस्थामै रहेको छ। ‘कहिलेकाहीँ दिउँसो पनि काम गर्दैन, तुरुन्त खबर गर्नुपर्ने वेला गाह्रो हुन्छ,’ स्थानीय कोलाप्साङले भने।

सञ्चार सहज बनाउने प्रयास गर्छाैंः मन्त्री रावल
कर्णाली प्रदेश सरकारका सामाजिक विकासमन्त्री दलबहादुर रावलले लिमी क्षेत्रमा सञ्चार सेवा सहज बनाउने प्रयास गर्ने बताए।

‘नेपाल टेलिकमसँग कुराकानी गरेर टेलिफोन सेवा सहज गर्ने प्रयास गर्छौँ,’ मन्त्री रावलले भने । तिहारभन्दा अगाडि नै समस्या समाधान गर्न पहल गर्ने मन्त्री रावलको भनाइ छ ।

फोन गर्दा र उठाउँदा शुल्क
लिमी क्षेत्रमा तिल, हल्जी र जाङ गरी तीन गाउँ छन् । तीनै गाउँमा दुई सय ७५ परिवार बस्दै आएका छन् । तीनै गाउँमा एक–एक थान भिस्याट फोन छ । यी तीनै सेटबाट फोन गर्दा प्रतिमिनेट १० रुपैयाँ तिर्ने गरेको स्थानीय बासिन्दाले बताए।

यहाँका बासिन्दाले फोन गरेको मात्रै होइन, ती सेटमा आफन्तको फोन आउँदा पनि पैसा तिर्नुपर्छ । ‘फोन गर्दा प्रतिमिनेट १० रुपैयाँ र आएको फोन रिसिभ गर्दा प्रतिमिनेट पाँच रुपैयाँ तिर्नुपर्छ,’ स्थानीय निमाछिरिङले भने।

प्रहरी पनि पालो कुर्छन्
लिमी क्षेत्रमा एउटा प्रहरी चौकी छ । तर, प्रहरी चौकीमा पनि सञ्चार उपकरण छैनन् । त्यसैले, उनीहरू पनि खबर आदानप्रदान गर्न यही भिस्याटको भर पर्छन्। स्थानीय बासिन्दासँगै पालो कुरेर फोन गर्दै आएका छन् । ‘सबैले पालो कुर्नुपर्छ, प्रहरीले पनि माथिल्लो निकायमा खबर टिपाउन पालो कुर्छन्,’ स्थानीय कोलाप्साङले भने।

प्रकाशित २६ असोज २०७५, शुक्रबार | 2018-10-12 08:59:18
Max TV
Max TV
Zen Travels
Vianet


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Yeti Air
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • निगमकाे वाइडबडी अन्नपूर्ण विमान

    वाइडबडी खरिदमा कानुनका १४ वटा दफा उल्लंघन

    नेपाल वायु सेवा निगमले वाइडबडी विमान खरिद गर्दा सार्वजनिक खरिद ऐनका १४ वटा दफा उल्लंघन भएको देखिएको छ।

  • पार्टी एकताका दिन ३ जेठमा  झलनाथ खनाल बाहेक नेकपा केन्द्रीय सचिवालयका नेताहरु

    नेकपाका पाँच भर्सेस् चार शीर्ष नेताः कति एकता, कति भिन्नता?

    ओली-प्रचण्डसहित केन्द्रीय सचिवालयका पाँचजना नेता एकातिर र २२ असोजको बैठक बहिस्कार गरेका नेपाल–खनालसहितका चार नेता अर्काेतिर जस्तो देखिएपनि चार जना...

  • सुरेश गैरे

    सुरेशकाे शालीन संगीत यात्रा

    ‘मलाई सफ्ट र मेलेडियस् संगीतमा काम गर्न मन पर्छ’ सुरेश भन्छन्, ‘भारतीय मोर्डन गीतहरुबाट बढी प्रभावित छु। पप गीतहरु खासै मन पर्दैन’, उनी सुनाउँछन्।...

  • प्रचण्ड

    कास्कीबाट चौथो चुनाव लड्दैछन् प्रचण्ड?

    एउटै निर्वाचन क्षेत्रमा अल्झेर नबस्ने प्रचण्डको बिगतले पनि उनले आगामी निर्वाचनमा प्रतिस्पर्धाका लागि कास्की रोज्नसक्ने सम्भावनालाई नकार्न सकिँदैन।