केरुङ–काठमाडौं रेलमार्ग जुनसुकै मूल्यमा बन्छः परराष्ट्रमन्त्री प्रदिप ज्ञवाली


Infocus



छिङ्हाइ–तिब्बत रेल
छिङ्हाइ–तिब्बत रेल
चाइना डेली

चीन भ्रमणमा रहेका प्रधानमन्त्री केपी ओली र चीनका प्रधानमन्त्री ली खछ्याङबीच दुई पक्षीय वार्तापछि बिहिबार बेइजिङमा केरुङ–काठमाडौं रेलमार्गको संभाव्यता अध्ययन गर्ने लगायत १४ वटा सम्झौता समझदारीपत्रमा हस्ताक्षर भएको छ।

रेलमार्ग सम्बन्धी सम्झौतालाई ओलीको चीन भ्रमणको सबैभन्दा महत्वपूर्ण पहल भन्दै साँझ बेइजिङबाट नेपाल र चीनले संयुक्त विज्ञप्ती पनि जारी गरेका छन्। केरुङ–काठमाडौं रेलमार्ग सम्बन्धमा भएको सम्झौता कस्तो हो त? यसलाई बेइजिङमा प्रधानमन्त्रीसँगै रहेका परराष्ट्रमन्त्री प्रदिप ज्ञवालीले केही प्रष्ट गर्ने प्रयास गरेका छन्, नयाँ पत्रिका दैनिकसँगको छोटो वार्तामाः

चिनियाँ रेल काठमाडौं पुग्ने समझदारीमा हस्ताक्षर भएको छ। खासमा चीनको अनुदान, साझेदारी वा सहुलियत ऋणमा बन्ने हो? यस विषयमा के समझदारी भएको छ?
पहिल्यै संभाव्यता अध्ययन हुँदैछ। आगामी अगस्टसम्म यो काम सकिन्छ। त्यसपछि विस्तृत परियोजना प्रतिवेदन (डिपिआर) बनाउने समझदारी भएको छ। यसको लगानीको मोडालिटीको विषयमा थप छलफल गर्दै जान्छौँ।

डिपिआर बनाउनचाहिँ चीनले सहयोग गर्ने हो?
त्यो विषयमा पनि छलफल गर्दै जान्छौँ। संभाव्यता अध्ययन चीनले नै गर्ने हो, तर डिपिआर र लगानीको विषयमा छलफल गर्दै जाने हो। संभाव्यता अध्ययन नगरी लगानीको विषयमा कुरा गर्नु हतार हुन्छ।

तर, लगानी कसले गर्ने भन्ने विषयमा हामी किन स्पष्ट हुन सकेनौँ?
यो विषयमा पछि छलफल गर्छौं। अनुदानका लागि त अनुरोध भएको छ। तर, हामीलाई के थाहा छ भने यो निकै ठूलो परियोजना हो। अत्यन्तै ठूलो महत्वको परियोजना भएकाले हामी पनि लगानी गर्न तयार छौँ। तर, त्यसमा पछि छलफल गर्छौं। पहिले डिपिआर तयार होस्। यसको कुल लागत कति हुन्छ, त्यो पहिले स्पष्ट हुनुपर्‍यो ।

तर, यो प्रश्न किन पनि भने तपाईंको डेलिगेसनका सदस्य भन्दै छन्, ‘चीनले सम्पूर्ण सहयोग नगर्ने भयो, डिपिआरले ठूलो लगानी देखाउँछ, त्यसलाई नेपालले थेग्न सक्दैन । त्यसैले यो परियोजना बन्दैन।’ उनीहरूलाई तपाईंको जवाफ के छ?
यो विषयमा हामी स्पष्ट भएर लागेका छौँ। जुनसुकै मूल्यमा पनि हामी यो आयोजना पूरा गर्नेछौँ।

चीनको सदासयता कति रहन्छ?
त्यो चरणमा पुगेकै छैन। यो रेलमार्ग बनाउने काम अत्यन्तै महत्वपूर्ण छ भन्ने उहाँहरूको बुझाइ छ। चिनियाँ राष्ट्रपतिले स्ट्रङ भाषामा भन्नुभएको छ। यसको मोडालिटीको विषयमा संभाव्यता अध्ययनपछि मात्रै भन्न सकिन्छ।

प्रकाशित ८ असार २०७५, शुक्रबार | 2018-06-22 08:23:56
Max TV
Max TV
Zen Travels
Vianet


प्रतिकृया दिनुहोस

ntc
NLIC
Hyundai
Machhapuchhre Bank
Prabhu Bank
City Express
Laxmi Bank
Max TV
Hamro Patro
Classic Tech
Loading...
ntc
NLIC
Hyundai
Machhapuchhre Bank
Prabhu Bank
City Express
Laxmi Bank
Loading...

विचार

ब्लग

Max TV

प्रविधि

Hamro Patro
Classic Tech

NepalKhabar Tweets

विशेष

  • केपी शर्मा अाेली

    सचिवमार्फत् मन्त्रीहरुको ‘परीक्षा’ लिँदै प्रधानमन्त्री

    प्रधानमन्त्री केपी शर्मा ओलीले मन्त्रीहरुको मनोमानी र कर्मचारीको ढिलासुस्ती रोक्न सचिवमार्फत् प्रत्येक मन्त्रालयको रिपोर्ट लिन थालेका छन्।

  • नारायणकाजी श्रेष्ठ

    पार्टीले जनता-कार्यकर्तासँग माफी माग्नुपर्छः नारायणकाजी श्रेष्ठ (अन्तर्वार्ता/भिडियाे)

    ‘जब सरकार पार्टीको एजेण्डा बन्दैन भने पार्टीले के गर्छ? सरकारको एजेण्डा पार्टीमा राखिएको छ, तर त्यसबारे छलफल भएको छैन। त्यसैले पार्टीले धेरै कुरा...

  • निरुता सिंह

    फर्कि आइन् ‘आँखामा आउने केटी’

    दक्षिणा, दर्पन छायाँ, माइती, मनमन्दिर, सिउँदोको सिन्दुर, आफ्नो मान्छे लगायत दर्जनौँ चर्चित फिल्ममा अभिनय गरेकी निरुताले ‘सकेन्ड इनिङ’ मा ‘दाल भात...

  • अपराध महाशाखा टेकूकाे पार्किंगमा बेवारिसे बीएमडब्लु। तस्विर: प्रविन काेइराला

    नयाँ वानेश्वरमा बेवारिसे अवस्थामा भेटियाे ४ कराेडको बिएमडब्लू कार

    महानगरीय अपराध महाशाखा, टेकूको प्राङ्गणमा एउटा सेतो रंगको गाडी एक साताभन्दा बढी समयदेखि थन्किएको छ।