भारतीयद्वारा मेची नदी दोहन, नेपाली अधिकारी मौन


Infocus


सीमासम्बन्धी अन्तर्राष्ट्रिय महासन्धि उल्लंघन गर्दै भारतले मेची नदिमा दशगजामै एस्काभेटर प्रयोग गरी ढुंगा, गिट्टी र बालुवा उठाइरहेको छ। भारतीय पक्षले लामो समयदेखि सीमा नदी मेची दोहन गरिरहँदा नेपाली अधिकारी मौन छन् ।

NIC ASIA

सीमासम्बन्धी महासन्धिमा दशगजा क्षेत्रवरपर कुनै किसिमको गतिविधि गर्न नपाइने प्रस्ट उल्लेख छ । तर, यहाँको ४७ नम्बर सीमा स्तम्भनजिकै भारतले खुलेआम नदी उत्खननगरिरहेको छ । सीमासम्बन्धी विषयका जानकार प्राध्यापक चिन्तामणि दाहालका अनुसार दशगजावरपर नेपाल र भारत दुवै देशले कुनै किसिमको गतिविधि गर्न मिल्दैन ।

भारतीय सीमा सुरक्षाबल (एसएसबी) को प्रत्यक्ष संलग्नतामा नदी दोहन भइरहेको स्थानीयको भनाइ छ । ‘बालुवा उठाउन्जेल दिनभर एसएसबीले गस्ती गरिरहन्छ’, एक स्थानीयले भने । भारतले मेचीनगरको सतिघट्टादेखि इलामसँग सीमा जोडिएको तिरिङसम्मै नदीबाट निर्माण सामग्री निकालिरहेको खबर आजको कान्तिपुर दैनिकमा झापाबाट पर्वत पोर्तेलले लेखेका छन्।

खासगरी भारतपट्टि निर्माणाधीन एसियाली हाइवेको सम्पूर्ण संरचना निर्माणमा मेचीकै गिट्टी, बालुवा र ढुंगा प्रयोग गरिएको छ । यसअघि नक्सलवाडीमा निर्मित राष्ट्रिय रेलवे स्टेसन र बाघडुग्रा विमानस्थलको स्तरोन्नतिका लागि पनिमेची नदीकै सामग्री प्रयोगगरिएको थियो । भारतलेमेचीकै ढुंगा बंगलादेशसमेत पठाइरहेको छ ।

मेचीनगर नगरपालिकाको भौतिक तथा पूर्वाधार विकास समितिका संयोजक कृष्ण कनालका अनुसार भारतले मेची नदीलाई एकलौटी पारेको छ । ‘नेपालीलाई भने गिट्टी, बालुवा झिक्न निषेध गर्दै आएको छ’, कनालले भने, ‘दोहनले नदीको धार नै फेरिएको छ ।’

स्थानीय बासिन्दाका अनुसार एस्काभेटर प्रयोगका कारण नदी गहिरिँदै गएको छ । मेचीनगरका मेयर विमल आचार्यले जथाभाबी उत्खनन गर्दा नदीले धार फेरेको बताउँदै भारतीय ‘दादागिरी’ रोक्ने प्रयत्न भइरहेको जनाए । उनका अनुसार एसएसबीबाट नहरको पानी बन्द गर्नेदेखि नेपाली ट्याक्टरहरू नियन्त्रणमा लिनेकाम भइरहेको छ । ‘यसको नियन्त्रणका लागि ठोस काम अघि बढेको छ,’ उनले भने, ‘भारतीय पक्षसँग समन्वय गर्नुको विकल्प छैन ।’

नजिकै एसएसबीका छुट्टाछुट्टै दुई क्याम्प छन् । एउटा पुलनजिक र अर्को खोलानजिक । दैनिक दर्जनौं ट्रक, ट्रिपर र ट्याक्टरमा बालुवा, रोडा र ढुंगा उठाइँदा नदीमा ठूल्ठूला खाल्डा बनेका छन् । यसले वर्षायाममा नेपालतिरको भूभागमा डुबान हुन सक्ने सम्भावना देखिन्छ । एसएसबीले नेपाली ट्याक्टर तथा ट्रकहरूलाई भने हप्किदप्की गर्दै नदीजन्य सामग्री उठाउन रोक्दै आएको छ । केही समयअघि बाहुनडाँगी क्षेत्रबाट एसएसबीले ट्याक्टर नियन्त्रणमा लिएको थियो । पछि जरिवाना तिराएर छाडेको थियो ।

भारतीयबाट भइरहेको गैरकानुनी गतिविधिप्रति नेपालको प्रहरी प्रशासनले आँखा चिम्लिरहेको छ । सीमा सुरक्षाका लागि भनेर खटाइएको सशस्त्र प्रहरी बल दोहनलाई नजरअन्दाज गरेर बसेको छ । सशस्त्र प्रहरीको सीमा सुरक्षा कार्यालय भद्रपुरका एसपी रमेशकुमार सुवेदीले दशगजा क्षेत्रमा नदी दोहन भएको पाइए भारतीय सुरक्षा अधिकारीहरूसँग अनुरोध गरेर रोक्न सकिने बताए । उनले भने, ‘दशगजामै दोहन भएको पाइए रोक्ने प्रयत्न गर्छौं तर उसको भूमिमा भइरहेको भए हाम्रो केही लाग्दैन ।’

प्रकाशित १३ फागुन २०७४, आइतबार | 2018-02-25 07:16:39
Max TV
Max TV
Zen Travels


प्रतिकृया दिनुहोस

NTC
NLIC
Westar
Yamaha
Hyundai
Machhapuchhre Bank
Prabhu Bank
City Express
Max TV
Hamro Patro
Classic Tech
Loading...
NTC
NLIC
Westar
Yamaha
Hyundai
Machhapuchhre Bank
Prabhu Bank
City Express
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • पुष्कर कार्की

    एआईजीको फुली थाप्नासाथ बेहोस ‘दोस्त’ भेट्न अस्पताल

    ‘संगठनभित्रको आन्तरिक बिषय बाहेक अन्यले हाँस्ने, टीका टिप्पणी गर्ने, कसले कहाँ बस्दा के गर्यो, को प्रहरी कर्मचारी कसको पक्षमा लागेर हिँडेको छ भनेर...

  • ओली र प्रचण्ड

    यस्तो छ ७ बुँदे निर्देशनसहित ओली र प्रचण्डले जारी गरेको विशेष सर्कुलर

    नेकपा अध्यक्षद्वय केपी शर्मा ओली र पुष्पकमल दाहाल (प्रचण्ड) ले पार्टी केन्द्रीय सचिवालयको १३ औँ बैठक लगत्तै विशेष सर्कुलर जारी गरेका छन्।

  • कांग्रेस-कम्युनिष्टको झगडाले भारतीयलाई थारु महाधिवेशन उद्घाटनको अवसर

    देउवाबाट उद्घाटन गराउने कुरामा नेकपा समर्थकहरु सहमत भएनन्। कांग्रेस-कम्युनिष्टबीच मतैक्यता नभएपछि सम्मेलनमा अतिथिको रुपमा आएका भारतको थारु...

  • बिमानस्थलमा प्रचण्डलाई स्वागत गर्दै बामदेब गौतम

    ‘पखाला लाग्यो’ भन्दै शीतलनिवास नगएका बामदेव प्रचण्ड भेट्न विमानस्थल पुगेपछि

    शुक्रबार साँझ फेसबुकमा लेखिएको सो स्टाटस शनिबार बिहानसम्म आचार्यले डिलिट गरिसकेका थिए। तर, यो प्रकरणले के देखाउँछ भने, राष्ट्रपति कार्यालय र...