समावेशी कोटाबाट धनाढ्यहरु सांसद्


Infocus


समानुपातिक समावेशी कोटामा यो पटक पनि धनाढ्य उद्योगपति र व्यापारीहरु सांसद बन्दैछन्।

NIC ASIA

नेपालका सबैभन्दा धनी विनोद चौधरी, सेन्चुरीयन समूहका मोतिलाल दुगड, प्याब्सनका पूर्वअध्यक्ष उमेश श्रेष्ठ, ठेकेदार जीपछिरिङ लामा र उद्योगी सूर्यबहादुर केसी पैसाको बलमै सांसद बन्न लागेका हुन्।

नेपालका सबैभन्दा धनी खर्बपति व्यापारी विनोद चौधरीलाई नेपाली कांग्रेसको मधेसी कोटाबाट सांसद् बनाएको हो।

अमेरिकाको फोर्ब्स पत्रिकाको विश्वका धनी व्यक्तिको सूचीमा रहेका नेपालका एकमात्र खर्बपति चौधरीको नाम मधेसी कोटाको एक नम्बरमा छ। उनीभन्दा पछि कांग्रेस पुराना र त्यागी नेता स्मृतिनारायण चौधरीको नाम छ।

चौधरी ग्रुपका मालिक विनोदलाई यसअघि एमालेले समानुपातिकबाट सभासद् बनाइसकेको छ। २०६४ सालको पहिलो संविधान सभाको निर्वाचनमा एमालेबाट चौधरी सभासद भएका खबर आजको अन्नपूर्ण पोष्ट दैनिकले छापेको छ।

विश्वका खर्बपतिको सूचीमा नेपालका उद्योगपति विनोद चौधरी एक हजार ३ सय ६ औँ स्थानमा छन्। अमेरिकाबाट प्रकाशित पत्रिका ‘फोर्ब्स’ले सार्वजनिक गरेको सूचीअनुसार चौधरीसँग एक अर्ब ३० करोड अमेरिकी डलर सम्पत्ति छ।

श्रेष्ठ फेरि सांसद बने
निजी विद्यालय अर्थात बोर्डिङ स्कुल चलाएर करोडपति बनेका निजी तथा आवासिय विद्यालय अर्गनाइजेशन(प्याब्सन) का पूर्वअध्यक्ष उमेश श्रेष्ठ पनि समानुपातिकबाट सांसद् बनेका छन्।

कांग्रेसले आदिबासी जनजाति कोटाबाट श्रेष्ठलाई सांसद बनाएको छ। भोजपुरबाट एसएलसी गरेर खाली हात काठमाडौं छिरेका श्रेष्ठ लामो समयसम्म प्याब्सनको नेतृत्वमा रहे। ख्यातिप्राप्त निजी विद्यालय लिटिल एन्जल्सका मालिक श्रेष्ठमाथि निजी विद्यालयका माफियाको आरोप पनि लाग्ने गरेको छ।

उनले निजी विद्यालय चलाएर नै करोडौँ पैसा कमाएका छन्। बैक तथा वित्तीय संस्थामा समेत उनको ठूलो लगानी छ। श्रेष्ठ प्राइम बैँकको अध्यक्ष भइसकेका छन्। उनले २०७० सालको दोस्रो संविधान सभाको निर्वाचन समेत कांग्रेसबाटै समानुपतिक सभासद बन्ने अवसर पाएका थिए।

यसअघि सांसद हुदाँ निजी विद्यालयलाई सहकारी मार्फत सञ्चालन गर्ने सरकारले तयारीमा श्रेष्ठ बाधक बनेका थिए। बैंकर समेत रहेका श्रेष्ठले बैंक तथा वित्तीय संस्थासम्बन्धी ऐन ‘बाफिया’ को संशोधन प्रस्ताव रोक्ने प्रयास गरेका थिए।

जिपछिरिङ फेरि सांसद्
ठेकेदार जिपछिरिङ लामाले सांसद बन्ने सौभाग्य पाएका छन्। दोलखाका ठेकेदार एवम् नेपाल निर्माण व्यवसायी महासंघका पूर्व अध्यक्ष हुन् लामा। कांग्रेसका तर्फबाट उनी आदिबासी जनजातिको भागमा सांसद बन्दैछन्। उनले यसअघि पनि कांग्रेसबाट सांसद बन्ने मौका पाइसकेका छन्।

एमालेबाट दुगड
सेन्चुरीयन ग्रुपका मोतीलाल दुगडलाई एमालेले समानुपातिकबाट सांसद बनाएको छ। समानुपातिक चार पुरुष सांसद बन्ने अवसर पाउँदा दुगडले मौका पाएका छन्।

दुगड एमालेको मधेसी कोटाबाट सांसद बन्ने एक मात्र भाग्यमागी हुन्। उनी भारतबाट आएर काठमाडौँमा बस्दै अर्बपति बनेका व्यापारी हुन् । एमालेको मधेसी सूचीको एक नम्बर रहँदै दुगड सांसद बनेका छन्। दुगड २०६४ सालमा सदभावना पार्टी आनन्ददेवीका तर्फबाट समानुपातिक सांसद बनेका थिए।

२०७० सालमा उनले नव नेपाल पार्टी खोले । तर यो पार्टीले दोस्रो संविधान सभाको निर्वाचनमा १३९८ मत मात्र ल्यायो। त्यसपछि दुगडले नव नेपाल पार्टीलाई एमालेमा विलय गराएका हुन्।

राराका मालिक पनि
सूर्यबहादुर केसी पोखराका उद्योगी हुन्। प्रतिनिधि सभा र प्रदेश सभाको निर्वाचन अघि मात्रै राप्रपा छोडेर कांग्रेस प्रवेस गरेका केसीले समानुपातिकको खसआर्य कोटाबाट सांसद बन्ने अवसर पाएका छन्।

केसी रारा चाउचाउको उप्पादक उद्योग हिम श्री फुड्सका कार्यकारी अध्यक्ष हुन्। उनले जलविद्युतको क्षेत्रमासमेत लगानी गर्दै आएका छन्। उनी पोखरा नगर पञ्चायतको प्रधानपञ्च देखि पहिलो संविधान सभामा राप्रपाबाट सभासद पनि समेत भए।

सांसदमा हरेक वर्ग र क्षेत्रको समानुपातिक समावेशी प्रतिनिधित्व गराउने उद्देश्यका साथ निर्धारण गरिएको व्यवस्थाको गतल फाइदा उठाउँदै दलहरुले धनाढ्य व्यापारीलाई सांसद बनाएका हुन् ।

समावेशी कोटामा धनाढ्य व्यापारीलाई सांसद बनाउदाँ पार्टीमा लामो समयदेखि योगदान गरेका र त्यागी इमान्दारहरु पाखा लाग्न बाध्य भएका छन्।

प्रकाशित १ फागुन २०७४, मंगलबार | 2018-02-13 06:31:08
Max TV
Max TV
Zen Travels


प्रतिकृया दिनुहोस

NTC
NLIC
Westar
Yamaha
Hyundai
Machhapuchhre Bank
Prabhu Bank
City Express
Max TV
Hamro Patro
Classic Tech
Loading...
NTC
NLIC
Westar
Yamaha
Hyundai
Machhapuchhre Bank
Prabhu Bank
City Express
Loading...

विचार

सुखद शुक्रबार

ब्लग

Max TV
Hamro Patro
Classic Tech

रोचक

NepalKhabar Tweets

विशेष

  • ओली र प्रचण्ड

    यस्तो छ ७ बुँदे निर्देशनसहित ओली र प्रचण्डले जारी गरेको विशेष सर्कुलर

    नेकपा अध्यक्षद्वय केपी शर्मा ओली र पुष्पकमल दाहाल (प्रचण्ड) ले पार्टी केन्द्रीय सचिवालयको १३ औँ बैठक लगत्तै विशेष सर्कुलर जारी गरेका छन्।

  • कांग्रेस-कम्युनिष्टको झगडाले भारतीयलाई थारु महाधिवेशन उद्घाटनको अवसर

    देउवाबाट उद्घाटन गराउने कुरामा नेकपा समर्थकहरु सहमत भएनन्। कांग्रेस-कम्युनिष्टबीच मतैक्यता नभएपछि सम्मेलनमा अतिथिको रुपमा आएका भारतको थारु...

  • बिमानस्थलमा प्रचण्डलाई स्वागत गर्दै बामदेब गौतम

    ‘पखाला लाग्यो’ भन्दै शीतलनिवास नगएका बामदेव प्रचण्ड भेट्न विमानस्थल पुगेपछि

    शुक्रबार साँझ फेसबुकमा लेखिएको सो स्टाटस शनिबार बिहानसम्म आचार्यले डिलिट गरिसकेका थिए। तर, यो प्रकरणले के देखाउँछ भने, राष्ट्रपति कार्यालय र...

  • प्रधानमन्त्री केपी शर्मा ओली।

    हप्तादिनमै अरिङ्गालबाट मौरीतर्फ ओलीको ‘यु-टर्न’

    पार्टीका नेता तथा कार्यकर्तालाई विरोधीमाथि अरिंगालझैँ जाइलाग्न निर्देशन दिएको हप्ता दिनभित्रै प्रधानमन्त्री केपी शर्मा ओली ‘यू–टर्न’ भएका छन्।