शीर्ष नेताका स्थानीय एजेन्डा





देशको नेतृत्व गर्ने शीर्ष नेताहरुको प्राथमिकतामा आफ्नो निर्वाचन क्षेत्रका स्थानीय एजेन्डा पनि परेका छन्।

चुनावमा मतदाता आफ्नो पक्षमा आकर्षित गर्न कांग्रेस सभापति तथा प्रधानमन्त्री शेरबहादुर देउवादेखि मुलुकका सबैजसो पार्टीका शीर्ष नेताले आफ्नो चुनावी ऐजेण्डामा जनताका स्थानीय समस्या र तिनको समाधान गर्ने प्रतिवद्धता पनि समेटेका खबर आजको नयाँ पत्रिका दैनिकले छापेको छ।

शेरबहादुर देउवा
डडेल्धुरा

- पञ्चेश्वर र पश्चिम सेती पाँच वर्षभित्र सम्पन्न गर्ने, भारतको उत्तराखण्डसँग जोडिने रूपाल–तामेली सडक निर्माण, सदरमुकाममा विमानस्थल निर्माण, पश्चिम सेतीसँग जोडिएको पोखरा–बेलापुर सडक दुई लेनको बनाउने
- पञ्चेश्वरसँग सहज पहुँच हुने उग्रतारा–मेलौली सडक कालोपत्रे गर्ने, ग्रामीण सडकलाई हरियाली बनाउन ‘ग्रामीण सडक हरियाली कार्यक्रम’
- सदरमुकाममा अन्तर्राष्ट्रियस्तरको प्राविधिक कलेज र जडीबुटी प्रशोधनका लागि आधुनिक प्रशोधन केन्द्र स्थापना, एक गाउँपालिकाबाट पाँच सय शैक्षिक योग्यताअनुसार युवालाई रोजगारी

केपी ओली
झापा ५
- निर्वाचन क्षेत्र मात्रै होइन, जिल्लाका हरेक खोलामा पुल निर्माण गरिने
- गाउँका आवश्यकताअनुसार अस्पताल, बाटो, बिजुली, पैनी, स्कुल निर्माण गरिने
- वृद्धभत्ता पाँच हजार रुपैयाँ पु¥याउने
- स्थानीय विकासका मुद्दा धेरै छैनन्, मैले सिंगो देश बनाउने हो, देशभित्र झापा–५ पनि पर्छ

प्रचण्ड
चितवन–३
- चितवन राष्ट्रिय निकुञ्ज आसपासका बस्ती र वन्यजन्तुबीचको द्वन्द्व सदाका लागि अन्त्य गर्ने
- माडीमा रिङरोड बनाउने, माडीका ठूला–साना खोलामा तटबन्ध निर्माण गर्ने
- ठोरी नाका जाने बाटो सहज बनाउने, माडी जान सुरुङमार्ग बनाउने, बाँदरझुला बस्ती व्यवस्थापन गर्ने, माडीलाई पर्यटकीय क्षेत्रको रूपमा विकास गर्ने
- राप्ती र नारायणी नदी तटबन्ध गर्ने
- मेघौली, कसरा, पटिहानीलाई पर्यटकीय क्षेत्रका रूपमा विकास गर्ने

रामचन्द्र पौडेल
तनहुँ–१
- निर्माणाधीन तनहुँ जलविद्युत् आयोजनालाई समयमै सम्पन्न गर्न विशेष भूमिका निर्वाह गर्ने
- भानु जन्मस्थललाई विशेष गुरुयोजना बनाएर विकास गर्ने, चुँदी खोला र बुद्धसिं मार्गको पोखरा–दमौली–नारायणघाट जोड्ने पुल निर्माण गर्ने
- गण्डकी करिडोर नवलपरासी–देवघाट–पाल्पा हुँदै मुक्तिनाथसम्म पु¥याउने
- बन्दीपुर र मिर्लुङलाई पर्यटकीयस्थलका रूपमा नमुना बनाउने, व्यासपरासर विकास समितिको पाँच वर्षभित्र गुरुयोजना बनाएर काम गर्ने

कमल थापा
मकवानपुर १

- हेटौँडालाई प्रदेश नम्बर ३ को राजधानी बनाउने
- काठमाडौं–निजगढ जोड्ने फास्ट ट्र्याक र धरान–चतरा सडक निर्माण सम्पन्न गर्ने, हेटौँडा चक्रपथ समयसीमाभित्रै निर्माण सम्पन्न गर्ने, हेटौँडा अस्पताललाई चार सय बेडमा स्तरोन्नति गर्ने
- हेटौँडा–१४ मयुरधापमा प्रदेशस्तरीय औद्योगिक क्षेत्र निर्माण समयमै सम्पन्न गर्ने, मकवानपुर जिल्लाभर प्रत्येक घरमा खानेपानी र बिजुली पुर्याउने, नापी नभएका ठाउँमा नापी गराउने र नापी भइसकेकालाई तत्काल लालपुर्जा उपलब्ध गराउने
- छतिवन र फापरबारीमा व्यवस्थित सहरी विकास योजना कार्यान्वयन गर्ने, कृषि प्रणालीलाई व्यवसायीकरण तथा आधुनिकीकरण गर्ने नीति लागू गरिने, बेरोजगार युवालाई स्वरोजगार नीति लागू गर्ने

डा. बाबुराम भट्टराई
गोरखा २

- भूकम्पपीडितका लागि विशेष योजनामार्फत एक वर्षभित्र क्षतिग्रस्त बस्ती तथा भवनको पुनर्निर्माण गरिसक्ने, बुढीगण्डकी जलाशययुक्त परियोजना विशेष प्राथमिकताका साथ समयमै पूरा गरिने
- ज्येष्ठ नागरिक, अपांगता भएका व्यक्ति र अशक्तहरूको व्यवस्थापन, गर्भवती महिला, १० वर्षमुनिका बालबालिका र ६५ वर्षमाथिका ज्येष्ठ नागरिकलाई एम्बुलेन्सलगायत कुनै पनि यातायात सेवामा भाडा नलाग्ने व्यवस्था गरिने
- प्रत्येक वर्ष हरेक वडाका कम्तीमा १० जना युवालाई रोजगारी एवं उत्पादनमूलक तालिम

माधव नेपाल
काठमाडौं–२
- शंकरापुर–कागेश्वरी ‘स्याटलाइट स्मार्ट सिटी’ निर्माण गर्ने
- जोरपाटी–साँखु–सिन्धुपाल्चोक–तिब्बत सडक बनाउने
- आधुनिक सुविधासम्पन्न अस्पताल खोल्ने
- युवाहरूलाई सीपमूलक र व्यवसाय प्रवद्र्धन तालिम दिने
- मेलम्ची खानेपानी वितरण र एयरपोर्टको जग्गाको मुआब्जा दिइने
- वृद्धहरूका लागि दिवा आरोग्य आश्रम बनाउने

उपेन्द्र यादव
सप्तरी–२
- गजेन्द्रनारायण सिंह औद्योगिक क्षेत्रलाई व्यवस्थित गर्ने, ठूला व्यवसायीलाई उद्योग स्थापना गर्न प्रोत्साहन र स्थानीयका लागि रोजगारीको अवसर मिलाउने, राजविराज–रुपनी–गाईघाट सडक सञ्चालन
- राजविराज विमानस्थललाई सञ्चालनमा ल्याउने, गजेन्द्रनारायण सगरमाथा अस्पताललाई गुणस्तरीय चिकित्सा सेवा उपलब्ध गराउने, राजविराज–कुनौली चार लेनको बनाउने

प्रकाशित ५ मंसिर २०७४, मंगलबार | 2017-11-21 08:09:49


प्रतिकृया दिनुहोस

Loading...
Loading...

विचार

सुखद शुक्रबार

ब्लग

प्रविधि

NepalKhabar Tweets

विशेष

  • कुलमान घिसिङ / फाइल फोटो

    कुलमानको प्रश्नः बिजुलीको बिल महँगो तिर्नु परेको त छैन?

    अहिले हामीले पूरै देशलाई लोडसेडिङमुक्त गरेका छौँ। औद्योगिक क्षेत्रमा भने रातको समयमा कहिलेकाहीँ लोडसेडिङ हुने गरेको छ। यो व्यवस्थापन गर्न सारै...

  • संविधान संशाेधनमा भारतका एजेन्डा छाेड्दै फाेरम

    प्रदेश २ मुख्यमन्त्री लालबाबु राउतले विश्वासकाे मत लिँदा दुई तिहाईभन्दा बढीको समर्थन पाए।

  • नेपाल एयरलाइन्सकाे जहाज

    दुई महिना थन्किएको ‘सगरमाथा’ ले हङकङबाट उडान थाल्यो

    नेपाल वायु सेवा निगमको दुई महिना थन्किएको एयरबस ३२०—२०० सिरिजको जहाज भाडाको इन्जिन जडान गरी शनिबार हङकङ उडेको छ।

  • भण्डारीलाई राष्ट्रपतिमा दोहोर्‍याउन नेपाल फकाउँदै ओली

    ओली निकट केही नेता ‘ओली र नेपाललाई पुनः एक ठाउँमा ल्याउने’ भन्दै सक्रिय देखिएका छन्। माओवादीसँग एकता भएपछि पुरानो गुटगत संरचना भत्किने र नयाँ बन्ने...