बाढी-पहिरोले ८ अर्ब ११ करोडको बालीनाली क्षति




बाढीपहिरोका कारण ३१ जिल्लामा ८ अर्ब ११ करोड रकम बराबरको बालीनालीे क्षति भएको छ। प्राकृतिक प्रकोपले मुलुकभरका २ लाख ७२ हजार ६३० हेक्टरमा लगाइएको कृषि उपज प्रभावित भएको छ भने ७८ हजार ५ सय हेक्टरको बालीनाली क्षति भएको कृषि विकास मन्त्रालयको प्रारम्भिक तथ्यांक छ। विस्तृत अध्ययन भइरहेकाले क्षतिको विवरण अझै बढ्नसक्ने अनुमान मन्त्रालयको छ।

NIC ASIA

अार्थिक पत्रिका कारोबारमा पत्रकार किरण आचार्यले लेखेका छन्ः

मन्त्रालयका अनुसार ४७ हजार २ सय २६ हेक्टरको धानबाली नष्ट हुँदा ३ अर्ब १८ करोड ३० लाख रूपैयाँ बराबरको क्षति भएको छ। “सबैभन्दा बढी क्षति धानबालीमा भएको छ, तर यो क्षति कुल धानबालीको २० प्रतिशत मात्र हो,” मन्त्रालयका प्रवक्ता डा. योगेन्द्रकुमार कार्कीले भने, “अहिलेकै क्षतिलाई हेर्ने हो भने पनि हामीले लिएको लक्ष्यअनुसार ५४ लाख टन धान उत्पादन नभए पनि हालको उत्पादनमा थोरै वृद्धि भइ साढे ५२ लाख टनसम्म पुग्नसक्नेछ।” उनले धान उत्पादनको क्षेत्रफल घटे पनि बीउ, मल र प्रविधिसमेतको उचित व्यवस्थापनले उत्पादकत्व वृद्धि गर्नतर्फ मन्त्रालयको कार्यक्रम केन्द्रित गरिएको बताए। 

धान बालीपछि सबैभन्दा धेरै नोक्सानी तरकारी बालीमा भएको छ । तथ्यांकअनुसार प्रभावित जिल्लामा लगाइएको ८० प्रतिशत तरकारी बाली नष्ट हुँदा २ अर्ब ९६ करोड मूल्य बराबरको क्षति भएको छ । करिब २० हजार ५ सय हेक्टरमा लगाइएको तरकारीमध्ये १९ हजार ७ सय हेक्टरको बाली नष्ट भएको मन्त्रालयले जनाएको छ।

न्त्रालयका अनुसार मकै, दलहन, कोदो, तेलहन, बदामलगायतका बाली भने शतप्रतिशत नष्ट भएका छन्। यी बाली डुबानमा परेपछि पुरै नष्ट हुने प्रकृतिका भएकाले पूरै क्षति भएको आकलन गरिएको हो । धानबालीको हकमा डुबानमा परेको धान बालुवाले नपुरेको खण्डमा पानीको सतह घटेपछि पुनः पुरानै अवस्थामा उत्पादन हुनसक्ने भएकाले धानको तथ्यांकमा थप सुधार हुनसक्ने अपेक्षा मन्त्रालयको छ।  

मन्त्रालयले सम्बन्धित कृषि उपजको हालको उत्पादकत्वको आधारमा क्षति भएको बालीको हेक्टर अनुसार क्षतिको रकम आकलन गरिएको कृषिसचिव डा. सुरोज पोखरेलले बताए। प्रभावित क्षेत्रको ७० प्रतिशत बेसार बाली र ६० प्रतिशत माछापालन नष्ट भएको छ ।  डुबानका कारण ८० करोड मूल्य बराबरका माछा, ३४ करोड मूल्य बराबरको बेसार, ५३ करोड मूल्य बराबरको दलहन बाली र २४ करोड मूल्य बराबरको मकैबाली नष्ट भएको छ।

अन्य बालीमा ३ करोड ६१ लाख रकम बराबरको केराबारी, ९२ लाख रकम बराबरको तेलहन र २९ लाख रकम बराबरको बदाम खेतिसमेत वर्षाका कारण नष्ट भएको मन्त्रालयले जनाएको छ। कृषि विकास मन्त्रालयको तथ्यांकमा पशुपंक्षीको क्षेत्रमा भएको क्षति भने समेटिएको छैन । पशुपंक्षी विकास मन्त्रालयले यससम्बन्धी क्षतिको विवरण संकलन भइरहेको जनाएको छ। 

यसैबीच, कृृषि विकासमन्त्री रामकृष्ण यादवले प्रारम्भिक तथ्यांकको आधारमा थप अध्ययन गर्ने र प्रभावित कृषकलाई राहत प्याकेज उपलब्ध गराउने बताएका छन्। बुधबार मन्त्रालयमा आयोजित पत्रकार सम्मेलनमा कृषकको लागि राहतको प्याकेज तयार भइरहेको जानकारी दिए । “कृषकको निकै ठूलो क्षति भएको छ, क्षतिको अवस्थाअनुसार राहत प्याकेज घोषणा गर्नेछौं,” उनले भने। 

कृषकले ऋण लिएर मत्यपालन, तरकारी खेती लगायतमा लगानी गरेको पाइएकाले ऋण मिनाह वा अन्य विकल्पको राहत प्याकेज ल्याउनसकिने मन्त्री यादवले बताए। उनले भने, “सकेसम्म आन्तरिक स्रोतबाट र आन्तरिक स्रोतबाट सम्भव नभए थप बजेट माग गरेर भए पनि कृषकलाई राहत वितरण गर्नेछौं ।” प्रभावित कृषकको पूर्ण विवरणअनुसार क्षतिको मात्राअनुसार राहतको प्याकेज तयार गर्न दातृ निकाय र सरोकारवाला निकायसँग वैठक चलिरहेको उनले बताए। 

मन्त्रालयले तत्काललाई सहुलियत वा सित्तैमा बीउ, मल, माछाका भुरा, मेसिनरी उपकरणलगायत उपकरण उपलब्ध गराउने कार्यक्रम अगाडि सारेको छ। यसका लागि उपयुक्त विधि र स्रोतको पहिचान गरी राहत प्याकेज घोषणा गरी कृषकको घरसम्म पु-याइने मन्त्री यादवको प्रतिवद्धता छ। मन्त्रालयको तर्फबाट १ करोड २० लाख रकम प्रधानमन्त्री राहत कोषमा जम्मा गरेको जानकारी गराउँदै उनले राहतका कार्यक्रम सबै निकायसँगको समन्वयमा घोषणा गर्ने बताए। 

प्रकाशित १ भदौ २०७४, बिहिबार | 2017-08-17 09:55:03
World Cup
World Cup
Bagaicha
Bagaicha
Tirupati Balaji
Zen Travels


प्रतिकृया दिनुहोस

NTC
Hyundai
CG
NLIC
Machhapuchhre Bank
Prabhu Bank
FCube
Hamro Patro
Classic Tech
Loading...
NTC
Hyundai
CG
NLIC
Machhapuchhre Bank
Prabhu Bank
FCube
Loading...

विचार

सुखद शुक्रबार

ब्लग

Hamro Patro
Classic Tech

रोचक

NepalKhabar Tweets

विशेष

  • त्रिभुवन अन्तरार्ष्टिय विमानस्थल बाहिर बरामद साढे ३३ केजी सुन

    सुन तस्करी प्रकरणः अर्का हुण्डी कारोबारी इम्तियाज अली पक्राउ

    तीन हजार ८ सय केजी सुन तस्करी तथा सनम शाक्य हत्या प्रकरण अनुसन्धान क्रममा अर्का हुण्डी कारोबारी डब्बु भनिने इम्तियाज अली पक्राउ परेका छन्।

  • नेपालमा वर्षिक १० लाख मेट्रिकटन धान आयात, सरकार भन्छ: भात मात्र खाना होइन

    नेपालको प्रमुख बाली धानको रोपार्इ सुरु भएसँगै नेपालमा धानसँग सम्बन्धित तितो तथ्यांक सार्वजनिक भएको छ। ९० प्रतिशतले नेपाली किसानले धान खेती गर्ने...

  • काठमाडौँमा रमाउँदै चिनियाँ पर्यटक

    नेपाल–चीन संयुक्त वक्तव्यः २० लाख पर्यटक भित्र्याउन चीनले काँध थाप्याे

    नेपालमा चिनियाँ पर्यटक पठाउन चीन सरकार सकारात्मक देखिएको छ। प्रधानमन्त्री केपी शर्मा ओलीको चीन भ्रमणका क्रममा जारी संयुक्त विज्ञप्तिमा नेपालको...

  • पर्यटन उद्योगमा दक्ष जनशक्तिको अभाव

    पर्यटकीय भाषामा ‘स्प्रिङ सिजन’ सकिनै लागेको छ। पोखराको प्रमुख पर्यटकीय क्षेत्र लेकसाइडमा युरोप/अमेरिकातिरका पर्यटकहरु फाट्टफुट्ट मात्र देखिन्छन्।...