संसदमा कुरा उठ्यो : आँधी आए तराईमा पहाडले छेक्नुपर्छ




‘पहाडमा जाडो बढे तराईले सेक्नुपर्छ। आँधी आए तराईमा पहाडले छेक्नुपर्छ’ गीतको पंक्तिजस्तै संसद्मा सबै दलका सांसदहरूले तराई–मधेसमा बाढीपहिरोबाट आक्रान्तको समस्या मिलेर सामना गर्नुपर्नेमा जोड दिएका छन्।

NIC ASIA

बाढी–पहिरो र डुबानले देशभरि पुर्‍याएको धनजनको क्षति, पीडितको उद्धार, राहत र पुनस्स्थापनाबारे संसद्मा बुधबार दिनभरजसो भएको जरुरी सार्वजनिक महत्त्वको प्रस्तावमाथिको छलफलमा सहभागी सांसदले २०७२ मा उपत्यकासहित पहाडी क्षेत्रलाई हल्लाएको विनाशकारी भूकम्पपछिको राहतमा तराईवासी नेपालीले देखाएको सक्रियता र तराई डुबानमा पर्दा पहाड–हिमालले देखाएको ऐक्यबद्धताको मुक्तकण्ठले प्रशंसा गरे। यो खबर आजको कान्तिपुर दैनिकमा छ।

ज्ञानु गैरेलगायत सांसदहरूले भने नाकाबन्दी र सिमानाका घेराउ र आन्दोलनका बेला सीमापारि मासुभात खुवाउने मित्रहरूको पनि स्मरण गरे । ‘यो विपत्तिमा उनीहरू कता गए ?’ उनले भनिन्। छलफलमा सांसदहरूले उठाएका प्रश्नको जवाफमा बुधबार गृहमन्त्री जनार्दन शर्माले राष्ट्रिय विपत्तिको मिलेर सामना गर्नुको विकल्प नभएको बताए। ‘मानव समाजले आफ्नो स्वार्थमा प्रकृतिका विरुद्ध काम गरेको छ। यसले विपत्ति निम्त्याउन मद्दत पुगेको छ,’ उनले भने, ‘पूर्वाधार निर्माणमा भएका कमीकमजोरी, अन्तर्राष्ट्रिय सन्धिसम्झौता गर्दा ध्यान नपुग्नु, योजनाबद्ध विकास हुन नसक्नु, खोलानाला अतिक्रमणजस्ता कारणले यो विपत्ति वृद्धि गरेको छ।’

दक्षिण सीमा क्षेत्रमा भारतले एकतर्फी रूपमा बनाएका बाँध, तटबन्ध, सडकजस्ता संरचनाका कारण तराईको भूभाग डुबानमा परेको उल्लेख गर्दै प्रस्तावका प्रस्तावक एमाले उपाध्यक्ष भीम रावलसहितका सांसदले समस्याको दीर्घकालीन समाधानका लागि सरकारको कूटनीतिक प्रयास आवश्यक रहेको बताएका थिए। एमाले उपाध्यक्ष अष्टलक्ष्मी शाक्य, माओवादी नेता अग्नि सापकोटालगायत सांसदहरूले प्रधानमन्त्री शेरबहादुर देउवाको आसन्न भारत भ्रमणका बेला तराईको डुबान समस्यालाई मुख्य एजेन्डा बनाउन सुझाव दिए। ‘यो प्राकृतिक मात्र होइन, राजनीतिक र कूटनीतिक विपत्ति पनि हो,’ माओवादी केन्द्रका नेता सापकोटाले भने, ‘प्रधानमन्त्रीको भारत भ्रमणमा यसलाई महत्त्वपूर्ण एजेन्डाका रूपमा राख्नुपर्छ ।’ कूटनीतिक कौशलको कमीका कारण सधैं यस्तो विपत्ति सह्य नहुने उल्लेख गर्दै दलहरूबीचको सहमति र एकताको तागतसहित प्रधानमन्त्रीले भारतसँग कुरा गर्नुपर्ने बताए।

राष्ट्रिय विपत्तिको सामना सबै दल मिलेर गर्नुपर्छ भन्नेमा एक मत सुनिएका सत्तापक्ष र प्रतिपक्षका सांसदहरू जरुरी सार्वजनिक महत्त्वको प्रस्तावको छलफल प्रक्रियामा भने विभाजित थिए। छलफलमा सहभागी कांग्रेस–माओवादी केन्द्रका सांसदले प्रमुख प्रतिपक्षी एक्लैले प्रस्ताव दर्ता गरी बाढी–डुबान समस्यालाई राजनीतिक रङ दिएको टिप्पणी गरे। ‘

प्रतिपक्षी एमाले सांसदहरूले भने अघिल्लो दिन (मंगलबार) प्रस्तावमाथिको छलफल सुरु गर्ने विषयमा सत्तापक्षले नै सदन अवरुद्ध गरी राष्ट्रिय समस्यामा संसद् विभाजित रहेको जबरजस्त सन्देश प्रवाहित गरेको आरोप लगाए । एमालेकी ममता गिरीले ‘बाँदरको जस्तो आफू पनि नगर्ने र अरूलाई पनि गर्न नदिने प्रवृत्ति संसद्को देखिएको’ टिप्पणी गर्दा कांग्रेस सांसद रामहरि खतिवडाले नियमापत्ति गरेका थिए।

 

 

प्रकाशित १ भदौ २०७४, बिहिबार | 2017-08-17 07:54:07
World Cup
World Cup
Bagaicha
Bagaicha
Tirupati Balaji
Zen Travels


प्रतिकृया दिनुहोस

NTC
Hyundai
CG
NLIC
Machhapuchhre Bank
Prabhu Bank
FCube
Hamro Patro
Classic Tech
Loading...
NTC
Hyundai
CG
NLIC
Machhapuchhre Bank
Prabhu Bank
FCube
Loading...

विचार

सुखद शुक्रबार

ब्लग

Hamro Patro
Classic Tech

रोचक

NepalKhabar Tweets

विशेष

  • कांग्रेस जिल्ला सभापति भेलाको निष्कर्ष: सरकार सर्वसत्तावाद उन्मुख (पूर्णपाठ)

    १९ बुँदे घोषणापत्र जारी गर्दै नेपाली कांग्रेसको जिल्ला सभापतिहरुको राष्ट्रिय भेला हेटौंडामा सम्पन्न भएको छ।

  • टीका राना

    डा उपेन्द्र देवकोटासँग नर्सिङ गर्दा

    जीवनको अन्तिम अवस्थामा आफ्नै देश फर्कने र अझ् जन्म गाउँ पुग्ने डाक्टर उपेन्द्र देवकोटाको इच्छाले जो कोहीलाई आफू जन्मेको ठाउँ र आफ्नो देशतिर डोर्याउँछ।

  • बेइजिङको ग्रेट हल अफ द पिपुलमा प्रधानमन्त्री ओलीलाई गार्ड अफ अनर दिइँदै, साथमा चीनका प्रधानमन्त्री ली

    नेपाल–चीन १४ बुँदे संयुक्त विज्ञप्तीः रेलमार्ग सम्झौता नयाँ युगको थालनी

    नेपाल र चीनले बिहिबार बेइजिङमा केरुङ–काठमाडौं रेलमार्ग निर्माण सम्झौताले नयाँ युगको थालनी गरेको भन्दै खुशी व्यक्त गरेका छन्।