प्रतिबन्धको प्रस्ताव लैजाने गृहमन्त्री किन विप्लवलाई वार्तामा ल्याउन चाहन्छन्?



नेत्रविक्रम चन्द विप्लव
नेत्रविक्रम चन्द विप्लव

राज्य बिखण्डनको नारा दिने सिके राउतलाई राजनीतिक मूलधारमा अवतरण गराउने सूत्रधारसमूहका केही नेता यतिबेला नेत्रबिक्रम चन्द (विप्लव) नेतृत्वको ‘नेकपा’ का केही नेताको नियमित सम्पर्कमा छन्। विप्लव समूहसँग भइरहेको अनौपचारिक कुराकानीका बिषयमा प्रधानमन्त्री केपी शर्मा ओलीलाई नियमित ब्रिफिङ भइरहेको छ।

एक हप्ता भयो, विप्लव समूहका नेता–कार्यकर्ता पक्राउ परेका छैनन्, जवकि २८ फागुन यता दिनहुँजसो सो समूहका नेता–कार्यकर्ता पक्राउ पर्दै आएका थिए। विप्वल समूहविरुद्धको प्रहरी कारवाही जसरी नजानिदो पाराले मत्थर भएको देखिँदैछ, खासमा त्यो त्यही अनौपचारिक कुराकानीको उपज हो। जानकारहरु यसै भन्छन्।

त्यसो भए के सरकारले विप्लव समूहसँग साँच्चिकै औपचारिक वार्ताको तयारी गरिरहेको हो?

‘यो बिषयमा त केही जानकारी भएन’ प्रधानमन्त्री केपी शर्मा ओलीका प्रमुख सल्लाहकार बिष्णु रिमालले नेपालखबरसँग भने, ‘त्यस्तो केही भइरहेजस्तो त लाग्दैन, घटनाक्रम विकास भए म आफै खबर गरौँला।’

‘तर, तपाईंकै पहलमा वार्ताको तयारी भइरहेको छ भन्ने कुरा आइरहेको छ नि’ भन्ने जिज्ञाशा राख्दा उनको जवाफ थियो, ‘त्यस्तो त छैन होला।’

प्रहरी स्रोतका अनुसार, विप्लव केही दिनअघि सल्यानमा थिए। पार्टीकै अर्का प्रभावशाली नेता अनिल शर्मा ‘बिरही’ सिन्धुली र काभ्रे क्षेत्रमा देखिएका थिए। पार्टीको स्थायी समितिको बैठक समेत चैत्र दोस्रो साताको मध्यतिर प्रदेश–३ कै अज्ञातस्थलमा सम्पन्न भएको सूचना प्रहरीले पाएको छ।

‘सरकारले वार्ताको तयारी गर्दैछ भन्ने सूचना पाएका छौँ’ एक वरिष्ठ प्रहरी अधिकारीले भने ‘राजनीतिक समस्या र आपराधिक गतिविधि दुबैलाई फरक ब्यवहार हुनुपर्छ।’ ती प्रहरी अधिकारीका अनुसार माथिल्लो निकायले कुनै निर्देशन दिएकाे छैन्। प्रहरीले अघि बढाएका मुद्दा प्रक्रियामै छन्। 

उच्च सरकारी अधिकारीहरुको दावी के पनि छ भने, विप्लव समूहसँग वार्ताका लागि पूर्व गृहमन्त्री तथा नेकपाका नेता जनार्दन शर्मा (प्रभाकर) को नेतृत्वमा अर्को समूह समेत सक्रिय छ। प्रधानमन्त्री ओलीकै निर्देशनमा उनी वार्तााका लागि परिचालित भएको स्रोतहरुको दावी छ।

जारी रुकुम महोत्सवका क्रममा उनी शनिबार (२३ चैत्र) देखि उतै छन्। उनको साथमा सत्तारुढ नेकपाका नेता मणि थापा र रक्तिम सांस्कृतिक अभियानका अध्यक्ष जीवन शर्मापनि उतै छन्। यस विषयमा जानकारीका लागि प्रभाकरसँग पटक–पटक सम्पर्क गर्न खोज्दा उनले आफू ब्यस्त रहेको जानकारी दिए।

‘विप्लवसँग वार्ताको विषयमा केही अन्य मिडियाले पनि जिज्ञाशा राखेका थिए’ शर्माका सहयोगी श्रीकुमार कठायतले आईतबार नेपालखबरसँग भने, ‘यस विषयमा मैले उहाँ (नेता शर्मा) लाई जानकारी गराएँ। उहाँले यस विषयमा केही भएको छैन भन्नुभयो।’

आइतबार विहानमात्र गृहमन्त्री रामबहादुर थापा (बादल) ले पोखरामा आयोजित पत्रकार सम्मेलनमा विप्लव समूहलाई वार्तामा ल्याउन पहल भइरहेकाे बताए। गृहमन्त्री बादलले नै २८ फागुनमा विप्लव समूहमाथि प्रतिबन्धका लागि मन्त्रिपरिषद्मा प्रस्ताव लगेका थिए। गृहमन्त्रीको पछिल्लो अभिव्यक्तिले प्रष्ट पार्छ, भित्रभित्रै विप्लव समूहसँग वार्ता वा वार्ताको पहल भइरहेको छ।

विप्लव समूहसँग सम्बद्ध एक पत्रकारका अनुसार, सोही समूह र सरकारबीच वार्ताका लागि पोलिटब्यूरो सदस्य ओमप्रकाश पुन सक्रिय छन्। ती पत्रकारले नेपालखबरसँग भने, ‘केन्द्रीय नेताहरुको भनाई पत्याउने हो भने महासचिव विप्लवसमेत काठमाडौँमै छन्।’ वार्ताका लागि सो समूहले प्रहरीले पक्राउ गरेका सबै नेता कार्यकर्ताको रिहाई र मुद्दा फिर्तालाई प्रारम्भिक शर्त बनाएको जानकारी पनि उनले दिए।

यद्यपी, महासचिव विप्लव निकट हेमन्त प्रकाश ओलीमाथि सरकारले गम्भीर मुद्दा लगाएकाले वार्ता केही जटिल रहेको सो समूहका नेताहरुको भनाई छ। जानकारहरुका भनाईमा, सो समूहभित्रको विवाद र अन्तरसंघर्षले पनि वार्ताको रोडम्याप निर्माणमा कठिनाई भएको छ।

वार्ताका लागि अहिले सक्रिय रहेका भनिएका ओमप्रकाश पुन प्रकाण्ड निकटकै नेता मानिन्छन्। पोलिटब्युरोमा रहेका अधिकांश सदस्यहरुले वार्ता मार्फत् अघि बढ्न सके पार्टीलाई थप क्षति हुनबाट जोगाउन सकिने धारणा राखेको स्रोतको कथन छ।

‘सरकार पछि हट्ने स्थितिमा देखिन्न, हाम्रो पार्टी पनि अहिल्यै सरकारसँग भिडेर अघि बढ्ने मनस्थितिमा छैन’ सो समूहका अर्का एक केन्द्रीय नेता भन्छन्, ‘पक्राउ परेका नेता–कार्यकर्ताको रिहाई गराएर पार्टी जोगाउनुपर्ने अवस्था आएको छ।’ उनका अनुसार, सरकारले लगाएको प्रतिवन्धले पार्टीलाई प्रचार–युद्धमा महत्वपूर्ण सफलता त मिलेको छ। तर सँगसँगै प्रमुख र निष्ठावान कार्यकर्ता पक्राउ परेका छन्।

सरकारले फागुन २८ मा प्रतिबन्ध लगाएपछि विप्लवका स्थायी समिति सदस्य तथा मध्य केन्द्रीय कमाण्ड इन्चार्ज हेमन्तप्रकाश ओली ‘सुदर्शन’ सहित सयौँ नेता कार्यकतालाई प्रहरीले पक्राउ गरिसकेको छ।

पक्राउ पर्नेमा पार्टीका पोलिटब्युरो सदस्य तथा जनवर्गीय संगठनका इन्चार्ज मोहन कार्की ‘जीवन्त’, केन्द्रीय सदस्यहरु बसन्त श्रेष्ठ र बन्धु चन्द छन्। यस्तै ब्युरो इन्चार्ज घनश्याम श्रेष्ठ ‘पुष्कर’ सहित पार्टीको फौजी कारबाही परिचालन तहमा बसेका मुख्य नेता कार्यकर्ता पक्राउ परिसकेका छन्। प्रहरीले विप्लव समूह विरुद्ध ७७ वटै जिल्लामा कारबाही केन्द्रित गरेपछि त्यसअघि सम्म आक्रामक रहेको सो समूह रक्षात्मक बनेको छ। र, वातावरण बने वार्ताको पक्षमा देखिएको छ।

सरकारले संगठित अपराध निवारण ऐन, २०७० माथि टेकेर कारबाही अघि बढाएपछि त्यसअघिसम्म अर्धभूमिगत रहेका विप्लव पनि पूर्ण भूमिगत भएका छन्।

प्रकाशित २४ चैत २०७५, आइतबार | 2019-04-07 20:02:42
Nepal Sarkar
Max TV
Max TV
Vianet

author photo

दीपक खरेल नेपालखबरका विशेष संवाददाता हुन्

@DeepakKharel037

दीपक खरेलबाट थप


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • पोखरामा चिनियाँ पर्यटक

    चिनियाँ पर्यटकलाई निःशुल्क भिसा: ३ बर्षमा १० अर्ब गुम्यो

    पर्यटक भित्र्याएर व्यापार घाटा कम गर्न प्रयासरत सरकारले सन् २०२० लाई नेपाल भ्रमण वर्ष घोषणा गरेको छ। यसको मुख्य लक्ष्य धेरै पर्यटक भित्र्याउनु हो।

  • विमानस्थलमा प्रहरीले पक्राउ गरेपछि युनुस र अन्य

    नक्कली नोटसँगै युनुस पक्राउ पर्दा झस्किए आईबी र ‘रअ’

    ‘पुराना रेर्कडहरू पल्टाउने काम भइरहेको छ। युनुसले नाम लिएका दुबै व्यक्ति पाकिस्तानी क्रिकेटर रहेछन्, नोट कारोबारी हुन कि होइनन् खुलेको छैन।’

  • प्रा.डा. चन्द्रमणि अधिकारी

    करमा दीर्घकालीन योजनाको खाँचो

    राज्य चलाउनलाई साधन र स्रोत चाहिन्छ। अहिले अर्थमन्त्री डा.युवराज खतिवडा बजेट निर्माणमा जुट्नुभएको छ।

  • रामबहादुर थापा र वामदेव गौतम

    नेकपामा नयाँ समीकरणः प्रचण्डले गौतम रोजेपछि ओलीले बादल अघि सारे

    कार्यविभाजनको विषयमा अध्यक्ष पुष्पकमल दाहाल ‘प्रचण्ड’, वरिष्ठ नेताद्वय माधवकुमार नेपाल र झलनाथ खनाल तथा सचिवालय सदस्यद्वय वामदेव गौतम र नारायणकाजी...