चार नेताद्वारा ओली–प्रचण्डसँग नेकपा सचिवालय बैठक बोलाउन माग



प्रचण्ड र ओली
प्रचण्ड र ओली

दुई हप्ता बित्न लाग्दा पनि बैठक नबोलाएपछि नेकपा नेताहरुले केन्द्रीय सचिवालयको बेठकका लागि नेतृत्वसँग माग गरेका छन्।

एकता लागि गठन गरिएका कार्यदलको विघटन १० फागुनमा गरिएयता एकताका सम्बन्धमा छलफल गर्न सचिवालयको बैठक नडाकिएपछि नेताहरुले बैठकको माग गरेका हुन्।

स्रोतका अनुसार, केन्द्रीय सचिवालयमा रहेका नेताहरु माधव नेपाल, झलनाथ खनाल, वामदेव गौतम र नारायणकाजी श्रेष्ठ लगायतका नेताले एकता सम्बन्धी छलफलका लागि बैठक माग गरेका छन्।

उनीहरुले अध्यक्षद्वय केपी शर्मा ओली र पुष्पकमल दाहाल (प्रचण्ड) सँगका कुराकानीमा अनौपचारिक तवरमा बैठकको माग गर्ने गरेका हुन्।

१० फागुनको बैठकले एकताका लागि गठन गरिएको कार्यदल विघटन गर्नुका साथै त्यो निर्णय अनुमोदन स्थायी समितिबाट गराउने निर्णय गरेको थियो।

गृहमन्त्री रामबहादुर थापा (बादल) नेतृत्वको कार्यदल २९ मंसिर–१३ पुषमा सम्पन्न स्थायी समितिको बैठकले निर्माण गरेको थियो।

तर, कार्यदलले काम सम्पन्न गर्न नसकेपछि विघटन सम्बन्धी केन्द्रीय सचिवालय बैठकको निर्णयलाई स्थायी समितिबाटै अनुमोदन गराउने निर्णय भएको हो।

एकता सम्बन्धी निर्णय स्थायी समितिले गर्नुपर्ने भएपनि त्यस सम्बन्धी प्रस्ताव केन्द्रीय सचिवालयको तर्फबाट जानुपर्ने हुन्छ, तर अध्यक्षद्वयले बैठक नै आयोजना गरेका छैनन्।

‘त्यही भएर हामीले अनौपचारिक तबरमा केन्द्रीय सचिवालयको माग गरेका छौँ’ नेकपाका एक नेताले भने, ‘तर, नेताहरुले बैठक डाक्नु भएको छैन।’

तर, यो हप्ताअन्तसम्म पनि नेताहरुले बैठक डाक्ने सम्भावना छैन, किनभने, अध्यक्षद्वय ओली र प्रचण्ड पूर्वी तराईको भ्रमणमा जाँदैछन्।

अध्यक्षद्वयले एकता भन्दा सरकार, पारिवारिक काम र विदेश भ्रमणलाई प्राथमिकता दिँदा एक बर्ष बित्न लाग्दा पनि पार्टी एकताले पूर्णता पाउन सकेको छैन।

३ जेठ (०७५) मा एकता तत्कालिन एमाले–माओवादी केन्द्रबीच एकता भएर नेकपा बनेपछि तीन महिनाभित्र तल्लो तहसम्म एकतालाई पूर्णता दिने भनिएको थियो।

तर, ९ महिना बित्न लागिसक्दा समेत एकताले पूर्णता प्राप्त गर्न सकेको छैन। र, यसले गर्दा कार्यकर्ता पंक्तिमा निराशा छाउन थालेको छ।

एकताका लागि गठन गरिएको कार्यदल १० फागुनमा भङ्ग गरिएपछि त्यस सम्बन्धी जिम्मेवारी फेरि अध्यक्षद्वयले लिन चाहेका छन्।

तर, त्यस सम्बन्धी निर्णय पनि सचिवालय र स्थायी समिति बैठकबाट गर्नुपर्ने हुन्छ त्यही कारण नेताहरुले बैठकको माग गरेका हुन्।

प्रकाशित २३ फागुन २०७५, बिहिबार | 2019-03-07 18:40:56
Nepal Sarkar
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Argakhachi
Shikhar Insurance
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Argakhachi
Shikhar Insurance
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • युनुस अन्सारी

    साला र सहयोगीसहित नक्कली भारु लिन विमानस्थल पुगेका थिए युनुस

    प्रहरीले पाकिस्तानबाट आएका तीनजनालाई लिन त्रिभुवन अन्तर्राष्ट्रिय विमानस्थल गएका युनुस अन्सारीलाई साला र सहयोगीसहित नियन्त्रणमा लिएको छ।

  • दिल्लीमा विजयउत्सव मनाउँदै प्रधानमन्त्री नरेन्द्र मोदी र भाजपा अध्यक्ष अमित शाह

    मोदीबाट नेपालमा फेरि हस्तक्षेपको गुञ्जायस छैन

    प्रधानमन्त्री केपी शर्मा ओलीको स्वभाव र चरित्रसँग भारतीय प्रधानमन्त्री मोदी परिचित छन्। असल सम्बन्ध राखेर अगाडि बढ्दा ओली उदार दिलका मान्छे छन् तर,...

  • सुवास प्रधान क्रिकेट व्यवस्थापक संस्था नेपालय इन्टरनेशनलका अध्यक्ष हुन्

    सुवासको ‘दोस्रो जीवन’ समेत क्रिकेटमै समर्पित

    २०७२ साल वैशाख १२ गते। हजारौं नेपालीलाई झै क्रिकेटर सुवास प्रधानका लागि पनि त्यो कालो दिन थियो। बल्खुस्थित उनको तीन तले घर महाभूकम्पले पूरै ध्वस्त...

  • चिनियाँ राजदूत होउ यानछी

    चिनियाँ राजदूत भन्छिन्ः नेपाल रेल ल्याउन सहज छैन, तर हामी दृढ छौं

    ‘केरुङ–काठमाडौं रेलमार्ग आर्थिक रुपमा महँगो कार्य हो, यसमा लामो समय लाग्नसक्छ। तर हामीसँग काम गर्ने दृढ संकल्प छ। कामलाई निरन्तरता दिँदै जानेछौं,...