अमेरिका भारतसँग ‘व्यापार युद्ध’को तयारीमा


Kshamadevi Group


अमेरिकाले वैदेशिक व्यापारमा चीनपछि भारतमाथि कडा कदम चाल्ने भएको छ। अमेरिकी राष्ट्रपति डोनाल्ड ट्रम्पले भारतसँगको व्यापार घाटा कम गर्न कदम चाल्न लागेका हुन्।

अन्तर्राष्ट्रिय सञ्चार माध्यमहरुले अमेरिकाले भारतलाई दिँदै आएको शून्य भन्सार सुविधा कटौती गर्न लागेको बताएका छन्। अमेरिकाले सन् १९७६ देखि दुई हजार भारतीय उत्पादनलाई जर्नलाइज्ड सिस्टम अफ प्रिफरेन्स (जिएसपी)को मान्यता दिँदै शून्य भन्सार सुविधा दिँदै आएको थियो। अमेरिकाले विकासोन्मुख देशका आर्थिक विकासका लागि यो सुविधा दिनेगर्छ।

चीनमा उत्पादित सामग्रीमा भन्सार शुल्क बढाएपछि अमेरिका र चीनबीच व्यापारिक तनाब जारी छ। चीनले अमेरिकी सामग्रीहरुलाई लक्षित गर्दै त्यस्तै कदम चलेको छ। यसलाई ‘अमेरिका र चीन व्यापार युद्ध’को रुपमा व्याख्या गरिँदै आइएको छ।
डिसेम्बरका शुरुमा एक सय दिनका लागि दुवै देशले युद्धविराम गर्ने सहमति गरेका छन्। त्यसयता दुवै देशबीच वार्ता भए पनि सहमति बन्न सकेको छैन।

ट्रम्प अमेरिकाको राष्ट्रपति भएयता भारतसँगका व्यापार घाटा कम गर्न कदम चाल्न प्रयास गरिरहेको देखिन्छ। यस्तो कदम चाले भारतको निर्यात व्यापार नराम्रोसँग प्रभावित हुनेछ। भारतसँग व्यापारिक सम्बन्धमा रहेको ‘विभेदकारी भन्सार दर’ को कारण भारतको पल्लाभारी रहेको ट्रम्प प्रशासनको विश्लेषण छ।

सन् २०१७–१८ मा भारतबाट अमेरिकातर्फ ४७ अर्ब ९० करोड अमेरिकी डलरका निर्यात भएको थियो। भारतले २६ अर्ब ७० करोड अमेरिकी डलरका आयात गरेको थियो।

अमेरिकी राष्ट्रपति ट्रम्पले भारतविरुद्ध चाल्न खोजेको कदम उनकै चुनावी प्रतिवद्धताअनुसार हो। हार्ली डेभिटसन मोटरसाइकलमा भारतले लगाइरहेको भन्सार दरबारे ट्रम्पले तीन पटक भारतीय प्रधानमन्त्री नरेन्द्र मोदीसँगै कुरा गरेका छन्। उनले शून्य भन्सारमा सो मोटरसाइकल भारतीय बजारमा प्रवेश पाउनुपर्ने माग गरेका छन्।

सन् २०१८ मार्चदेखि अमेरिकाले भारतीय सामानमाथि भन्सार दर बढाउँदै लगेको छ। डेरी उत्पादक तथा स्वाथ्य उपकरण तथा सामग्री उत्पादकहरुलाई भारतीय बजार प्रवेशमा अवरोध गरेपछि अमेरिकाले जिएसपीमाथि पुनःविचार गर्न लागेको हो। गत नोभेम्बरमा अमेरिकाले ५० वटा सामग्रीबाट शून्य भन्सार दर हटाइसकेको छ।

भारतले पनि अमेरिकाबाट आयात हुने २३ करोड ५० लाख अमेरिकी डलरका सामग्रीमाथि भन्सार बढाउने प्रस्ताव गरेको छ। अमेरिकासँग वार्ताकै माध्यमबाट समस्या समाधान गर्न चाहेको भारतले सो प्रस्ताव कार्यान्वयनका लागि पाँच पटक मिति सारिसकेको छ। पछिल्लो समयसीमा मार्च १ को तोकिएको छ।

भारतले अमेरिकासँगका व्यापार घाटा कम गर्नका लागि अमेरिकी पट्रोलियम पदार्थ र विमान किन्ने प्रस्ताव गरेको छ। यो विषय सुल्झाउन अमेरिका र भारतबीच केही महिनादेखि पटक पटक वार्ता भएका छन्। ती वार्ताहरु सहमतिमा पुग्न सकेका छैनन्।
यसैबीच अर्को साता अमेरिकी वाणिज्यमन्त्री विलबर रोसले भारतको भ्रमण गर्दैछन्। उनको यो भ्रमणलाई दुवै देशबीच जारी गतिरोध अन्त्य गर्न भएको प्रयासको रुपमा हेरिएको छ।

प्रकाशित २८ माघ २०७५, सोमबार | 2019-02-11 12:58:17
Max TV
Max TV
Vianet


प्रतिकृया दिनुहोस

ntc
NLIC
Prabhu Bank
Yeti Air
Jewellery
Civil Bank
Yeti Air
Max TV
Hamro Patro
Classic Tech
Loading...
ntc
NLIC
Prabhu Bank
Yeti Air
Jewellery
Civil Bank
Yeti Air
Loading...

विचार

सुखद शुक्रबार

ब्लग

Max TV
Hamro Patro
Classic Tech

NepalKhabar Tweets

विशेष

  • अपहरण धन्दाका खुँखारहरुः भीमसेन पण्डित, उदय सेट्टी, अमर टण्डन र रोहित पालिवाल

    खुँखार अपहरणकारी पण्डितले सेट्टी भेट्न किन पठाए जेलमा दूत?

    अपहरण र फिरौतीलाई व्यवस्थित र व्यवसायिक बनाएका भिमसेन पण्डित, अमर टण्डन र उदय सेट्टीले एक अर्काबीच सम्पर्क बढाइरहेको गोप्य सूचना प्रहरीले पाएको छ।

  • बेइजिङमा भइरहेको ‘बेल्ट एण्ड रोड, नेपाली थाङ्का प्रदर्शनी’ कक्ष

    चीनमा चिनारी खोज्दै नेवारी पौभा

    ४ वर्षअघिसम्म चीनमा नेपाली हस्तकलाको ठूलो माग थियो। राष्ट्रपति सी चिनफिङले भ्रष्टाचार नियन्त्रणमा कडाई गर्न थाले। महँगा महँगा थाङ्का उपहार...

  • नेपालका लागि भारतका पहिलो राजदूत सुरजित सिंह मजिठिया १० डिसेम्बर १९४७ मा हनुमानढोकास्थित गद्दी बैठकमा राजा त्रिभुवनलाई ओहदाको प्रमाणपत्र बुझाउँदै

    काठमाडौंमा राजदूत पुरीको फरक काम

    नेपाल र भारतबीचको सम्बन्धबारे चर्चा गर्दा इतिहासका अनेक कालखण्डमा नेपालमाथि भारत हावी रहेको पाइन्छ। तर, आज प्रष्ट भन्न सकिन्छ, हिजोभन्दा आज त्यस्तो...

  • कमला श्रेष्ठ

    नेपालमा ‘मान्छे सिँगार्ने कला’ को जग बसाल्ने कमला

    नेपाल फर्कंदा उनले उतैबाट किनेर १२० सिसिको होण्डाको मोटरसाइकल ल्याइन्। काठमाडौँ सहरमा कमलाले मोटरसाइकल गुडाएको देख्दा हेर्नेको भिड लाग्थ्यो।...